الموضوع: سؤال هام لاهل الخبرة فى مرسيدس 280 sel

السلام عليكم ورحمة الله وبركاتهانا كنت بدور على عربية فى حدود 40 او 45 الف وظهرت قدامى عربية sel 280 موديل 82 كاملة اتوماتيك وفتحة سقف والحقيقة انى كل اللى اعرفهعن العربية دى انها مرسيدسارجو من حضراتكم رايكم فى العربية دى من حيث اسعار قطع الغيار وتوافرها ومراكز صيانتها وجودة امكانيتها وكمان لو ممكن اعرف امكانية اعادة بيعها مع العلم ان سعرها 45000 ولو حبيت اشتريها اية المراكز اللى ممكن افحصها فيها وهل من الافضل انى اشترى نوبيرا او خلافه موديل عالىاسف على الاطالة والمرجو الافادة ولكم جزيل الشكر...26-04-2014, 11:55 AM..

انا كنت في نفس حيرتك دي بس ان شاء الله نويت اجيبها بردوا
انا بعد ما سألت عليها هقولك المزايا و العيوب باختصار و انت قرر:
اولا العيوب :
1- ضريبه عاليه حوالي 1400 في السنه
2- استهلاك بنزين عالي بزياده
3- حجمها كبير فهتلاقي صعوبه في الركنه و الزحمه
4- اعاده البيع سيئه طبعا ده عشان الضريبه و البنزين مش عشان العربيه وحشه لا سمح الله

ثانيا المزايا :
1- ركوبه رهيبه و ممتعه يعني تجميع و ثبات و كماليات و كل حاجه و مينفعش تقارنها خالص بالعربيات الحديثه لان دي حاجه تانيه خالص و لما تركبها هتعرف ان العربيات الجديده دي مش عربيات دي تكاتك
2- متانه و اعتماديه عاليه جدا ... سافر و حمل في العربيه زي ما انت عايز و لما تجيب قطعة غيار هتنساها ده الي جانب الصاج القوي و العفشه المريحه
3- قطع غيار متوفره و اسعرها معقوله جدا في رأيي

بص علي الحاجات اللي انا كاتبها دي و شوف احتياجاتك منها ايه و انت هتعرف اذا كانت العربيه مناسبه ليك ولا لأ
و اذا قررت تجيبها لازم تكون الحاله كويسه جدا و ده ممكن تلاقيه عشان معظم اصحاب العربيات دي مش بيهينوها.

في مركز في صقر قريش المعادي اسمه سيد مرسيدس الناس بتشكر فيه ممكن تروح تكشف عنده و هو هيعملك تقرير كامل عن العربيه بس قوله انك جاي عن طريق نايل موتور من النت. و ده رقمه 01148164033

اتمني اكون قدرت افيدك و ربنا يوفقك