سؤال بخصوص الكاسيت التاتش كورولا 2013

**mhoreya** · 28-04-2014 04:07 PM

انا مركب كاست تاتش فى الكورولا بقالو حوالى شهر و شغال زى الفل الحمد لله بس عندى حاجة مستغرب منها ... الكاست بياخد وقت طويل نسبيا على ما بيلقط الgps يعنى لو لقط سريع بيقعد حوالى دقيقة ونص لكن فى الغالب هو بياخد من دقيقتين لثلاث دقائق و ممكن اربعة .. و انا شايف ان ده مش طبيعى عشان كان معايا النترا و كانت اقصى حاجة نص دقيقة و يلقط... فكنت عاوز اعرف الناس الى بتركب اللاقط بتاع ال gps فين بالظبط فى العربية ؟؟؟؟؟عشان هو راكب عندى تحت الفبر بتاع الطابلوه الى فوق فتحات التكييف ( عند السهم الى فى الصورة ) من جوة مش من بره ( لازق فى سقف الفبر من جوة )

**akmm** · 28-04-2014 04:12 PM

ده المفروض الهوائى بتاعه ومفروض يركب على ايا من القائمين الاماميين من الداخل لسهوله انه يلقط اسرع .... ممكن تجرب ونعرف الفرق .

**Hany Saad** · 28-04-2014 04:43 PM

الأضمن.... و لأسرع لقط للإشارة المفروض يركب على التابلوه من فوق تحت الأزاز بالظبط.....

تحياتى

**Mohamed.Hany** · 28-04-2014 09:46 PM

اتفق مع الاخوة ،
لازم السنسور يكون في الهوا مفيش حاجة تعوقه و يكون موجه بزاوية ٤٥ درجة لاعلي و ده هيتحقق في حالتين.
علي التابلوه من فوق و موجه لاعلي
او اعلي القايم اليمين او الشمال بس تطلع السنسور برة القايم و تلزقه علي الزجاج و ده افضل مكان في رأي