ماشاء الله اللهم بارك .. ربنا يبارك لحضرتك فيها و الف مبروك ..
والتقييم احترافى جدا ومنظم ..
رقم العضوية : 65146
تاريخ التسجيل : 14Mar2010
المشاركات : 378
النوع : ذكر
الاقامة : cairo
السيارة: Citroën DS5 sport
السيارة[2]: Hyundai New accent
دراجة بخارية: no
الحالة :
السلام عليكم ورحمة الله وبركاتة
إن شاء الله هبتدى معاكو تقرير مبدأى عن السيارة الجميلة سيتروين DS5
أعتذر طبعاً عن تواضع التقرير لأن السيارة إلى الآن لم أسير بها سوى 750 كم .. وطبعاً مازالت فى فترة التليين
نبتدى بالمواصفات التقنية للسيارة
طبعاً الموضوع مشروح شرح مفصل فى الموضوع ده ومش هقدر أشرح أكتر من اللى شرحه
http://www.nilemotors.net/Nile/31670...troen-ds5.html
والموضوع ده بارك الله لكاتبه كان مرجع أساسى لى وأنا بشترى العربية
نيجى بقى للتاتش بتاعىبالنسبة لشكل السيارة الخارجى
السيارة شكلها طبعاً وهم ( أقيمها بـ 9 من 10 )
وسبب عدم إعطائى ( 10 من 10 ) هوه عدم وجود حليات نيكل حول الزجاج الجانبى
لكن فى المجمل السيارة لها شكل مختلف تماماً عن أى سيارة أخرى .. من الأمام مقدمة هجومية ضخمة توحى بالفخامة .. ومن الخلف مؤخرة رياضية بحتة مضاف لها أسبويلر خلفى بلمبة ستوب وعدد 2 فتحة شكمان رياضية
الحليات الكروم الموجودة فى الإكصدام الأمامى وعلى جانبى مقدمة السيارة ملهاش حل
الجنوط الأسبور مقاس 18 بوصة منفردة تماماً تعطى إحساس بالفخامة الشديدة
الزجاج الجانبى والخلفى الملون يعطى إحساس هائل بالخصوصية
السيارة من الداخل
بمجرد دخولك للسيارة تشعر بفخامة الخامات المستخدمة بداية من الجلد الذى يغطى جميع أجزاء السيارة من الكراسى للتابلوه لعجلة القيادة
وختاماً بالحليات الألمونيوم الداخلية من الكنسول الوسطى لمقابض الأبواب الدخلية لعجلة القيادة الغير دائرية بالكامل
الكراسى مريحة جداااااااً .. وكرسى السائق مدعم بسخانات ( لم أجربها بعد ) ومزود أيضاً بمساج لتدليك فقرات الظهر ( حاجة آخر دلع )
المساحة الداخلية واسعة جداً ورحبة لا يعيبها إلا إنخفاض سقف السيارة من الخلف ( أنا مينفعش أقعد ورا .. رقبتى هتبقى متنية )
أماكن أزرار التحكم غريب بعض الشئ لكنه يعطى إحساس بالفخامة واللخبطة .. ( لما آجى أفتح الشباك بتلخبط لمده 3 ثوانى علشان أفتكر إن أزرار زجاج النوافذ على اليمين مش الشمال كالمعتاد )
أداء السيارة
كما ذكرت فى أول الموضوع لم أختبر أداء السيارة بالكامل لظروف التليين
لكن عامةً
- السيارة سحبها أكثر من ممتاز ماشاء الله عليها .. جبت بيها ال 120 وعدد لفات الموتور لم يتجاوز ال 2000 لفة فى الدقيقة .. ومكنتش حاسس إنى ماشى أصلاً
- العزل الداخلى ممتاز .. أنت فى الداخل معزول تماماً عن المحيط الخارجى ومعزول أيضاً عن صوت الموتور المرتفع نسبياً ..( أتمنى إنخفاض صوته بعد الصيانة الأولى )
- ثبات السيارة وتماسكها على الطريق لم يختبر بعد .. ولكن أعتقد إنه أكثر من ممتاز ولكنه أقل من ثبات وتماسك الفولفو S80 ( حبيت أجربه عند دخلة الدايرى من طريق مصر السويس دخلت على الملف على سرعة عالية شوية وتعمدت الإمساك بالمقود بيد واحدة وأنا عارف إن الأسفلت غير مستوى قليلاً فى هذا الملف .. فوجئت بتعويم بسيط فى السيارة ... إعادة التحكم فى السيارة طبعاً كان بسهولة ولكنى لم أتوقع تعويم فى سيارة بتلك الفئة .. عايز بس أأكد إنى بقارن التعويم بالسيارات الأخرى السويدى والألمانى والأوروبى عامة .. ولا أقارن بالكورى
- العافشة ناشفة إلى حد ما بالمقارنه أيضاً بالسيارات الأوروبى كالبى إم والفولفو ( وليس بالكورى )
ولكن موضوع قسوة العفشة تناقص إلى حد كبير بعد تظبيط الكاوتش بالنيتروجين على الضغط الصحيح الموصى بيه وهو ( 33 pa ) للكاوتش الأمامى و ( 32 pa ) للكاوتش الخلفى
- السيارة قيادتها سهله جداً لكن أبعادها الخارجية خادعة قليلاً ... مقدمة السيارة غير ظاهرة تماماً أثناء القيادة ... السيارات القادمة فى التقاطاعات قد تخدعك رؤيتها قليلاً
- ركن السيارة أعتقد سيكون صعب جداً لولا تواجد الحساسات والكاميرا الخلفية التى تمكنك من الرؤية فى مجال أكبر بكثير من 180 درجة ( عند خروج السيارة بالخلف أستطيع رؤية القادم من الإتجاهين بطول الشارع )
- نظام الدخول الذكى للسيارة بدون مفتاح فعال بطريقة ممتازة .. يكفى وضع يدك داخل مقبض السيارة فتقوم السيارة بالفتح تلقائياً .. أو لمس مقبض الباب من الخارج ( وأقصد بلمس ... يعنى لمس .. مش ضغط على زرار .. حيث أنه لا توجد أزار ظاهرة بالمقبض الخاصة بالفتح بدون مفتاح )
- الشنطة الخلفيه مساحتها ممتازة وواسعة .. يعيبها عدم وجود مقبض بباب الشنطة لغلقها منه .. حيث أن باب الشنطة الخلفية ثقيل .. فى بداية تعرفى بالسيارة كنت أقوم بغلقة بالطريقة العادية وأفاجئ أنه يغلق بطريقة عنيفة ... وبعد تعودى عليه إكتشفت أنه يجب الإمساك به حتى يقترب من الغلق لمسافة 30 سم ثم تركه ليغلق من تلقاء الوزن
- النظام السمعى فى السيارة ممتاز ... وللناس اللى سألت عن السماعات فى السيارة فالسياره المعده للسوق المصرى لا يوجد بها سماعات DENON كالموجوده بالخارج ... عددها لا أعلمه بصراحه
- نظام e-way الموجود بالكنسول الوسطى يمكنك من إستخدام التليفون والتحكم بالراديو والميديا والتحكم فى الGPS الغير موجود بالسيارة لعدم توافر خرائط للمنطقة
- السيارة بها نقص رهيب وسوء توزيع لأماكن التخزين .. التابلوة ضيق جداً ولا يتسع لشئ ..
مسند الذراع يوجد به مكانين أحدهما مكيف لوضع المشروبات وهوه شديد الإتساع بدرجه مبالغ فيها
والثانى يوجد به مخرج ال usb و aux والمكان مصمم بغباء شديد حيث أنه لا يتسه لوضع تليفونى به .. حيث أننى لو أردت شحن التليفون عن طريق مخرج ال usb على سبيل المثال يجب ترك مسند الذراع مفتوح وهو شئ غير مريح إطلاقاً
مكان تخزين آخر يوجد بالأبواب ومضون بلمبة حمراء شكلها حلو أوى
مكان تخزين صغير جداً تحت الدركسيون ...
- زعلنى أوى إن العربية مفيهاش حساس لضغط الإطارات
ده كده تقييمى المبدأى للعربية ..
وإن شاء الله تقرير تانى كامل عن أداء السيارة بعد اول صيانة
يارب يكون مستوى التقرير متقارب ولو بنسبة قليلة مع تقارير أعضاء المنتدى السابقة
تم بحمد الله
[rmade]http://nileup.com/up/uploads/nilemotors_13995643141.jpg[/rmade]Kingrab ساابقا
رقم العضوية : 19375
تاريخ التسجيل : 18Sep2008
المشاركات : 1,842
النوع : ذكر
الاقامة : Nasr City
السيارة: كده رضا :)
السيارة[2]: Opel Vectra 97 1.6 M/T
دراجة بخارية: nope
الحالة :
ماشاء الله اللهم بارك .. ربنا يبارك لحضرتك فيها و الف مبروك ..
والتقييم احترافى جدا ومنظم ..
[caps]Mohamed Badr[/caps]
رقم العضوية : 133551
تاريخ التسجيل : 15Jan2013
المشاركات : 796
النوع : ذكر
الاقامة : القاهرة
السيارة: ريو
السيارة[2]: كيا
الحالة :
ما شاء الله تبارك الله
ربنا يباركلك فيها ويحفظهالك ان شاء الله
الف مبروك .. عربية بجد تستاهل ان الواحد يشتريها
لكن السؤال الاهم .. لازم تمشى ببنزين 95؟؟ ولا ممكن تمشي ب 92؟؟
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
ألف مبروك يا باشا ... عربية ملهاش حل لكن حاسس إن سعرها مبالغ فيه أوي
رقم العضوية : 122948
تاريخ التسجيل : 10Apr2012
المشاركات : 254
النوع : ذكر
الاقامة : cairo/abu dhabi
السيارة: santafe/camry
السيارة[2]: beetle69/filicia 96
دراجة بخارية: no
الحالة :
تقرير جميل لعربية مميزة
ربنا يبارك لك فيها و يكفيك شرها
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
ما شاء الله و الف مبروك . عربيه جميله و انا باعتبرها تحفه فنيه من اجمل ما انتج فى 2014 . الذوق و الجمال الفرنساوى كله فيها . بس نصيحه العربيه دى مش بتاعة بهدله و ﻻ اهانه . انا معاك انه حساسات ضغط الهوا مش موجوده دى تغيظ برضه عندى لما اشتريت الفلوينس و رحت اظبط العجل الواد اللى بيظبطه بيقول لى شوفه كده ظبط عندك على الكومبيوتر فى العربيه قلت له اه تمام ههههههه. مش عارف عربيات بالاسعار دى مش بينزلوا فيها الحاجات دى ليه . و الف مبروك و ربنا يكفيك شرها و تاخد خيرها :)
اللهم بارك لنا فيما رزقتنا
رقم العضوية : 65146
تاريخ التسجيل : 14Mar2010
المشاركات : 378
النوع : ذكر
الاقامة : cairo
السيارة: Citroën DS5 sport
السيارة[2]: Hyundai New accent
دراجة بخارية: no
الحالة :
جزاك الله كل خير
زيها زى العربيات الحديثة .. يفضل بنزين 95
وأعتقد إن بنزين 92 ده أصلاً إتلغى من العالم كله .. عموماً طبعاً أنا بحطلها 92 ومش حاسس بأى مشاكل
وطبعاً التوكيل بتاعها زى أى توكيل بيقول العربية بتمشى بـ 92
ياسيدى الفاضل هاتلى حاجة فى بلدك سعرها غير مبالغ فيه ... وبالذات فى العربيات
يعنى الكيا السيراتو أم 197 ألف سعرها مناسب ؟؟ ولا الإلنترا ؟؟؟ ولا .. ولا
هاتلى عربية سعرها فى البلد دى مناسب
العربية سعرها بالنسبة لعربيات تانية فى البلد سعرها غير مبالغ فيه ولا حاجة ... إنما بالنسبة لسعر السيارات العالمى يبقى سعرها مبالغ ومبالغ ومبالغ
الله يباركلك ويرزقك بأحسن منها
بهدله أيه وإهانه أيه بس .. دانا لولا خايف الناس تقول عليه محدث نعمة كنت أجرتلها أربع رجاله يشيلوهالى وأنا رايح وجاى بيها
والعربية فيها حاجات تانيه ناقصة غير حساسات الكاوتش
يعنى السماعات زى ماقلت مابتنزلش زى اللى بره ( DENON )
-وموضوع النافيجيشن ده خنقنى أوى
-وبرده المفروض فيه أوبشن فى النور الأمامى إن العربية بتظبط شدة الإضائة حسب القادم أمامك ..
-نظام الـ ECO
وحاجات تانية كتير مش نازله فى النسخة المصرية
ولو تلاحظ فى الصورة اللى جاية هتلاقى زراير كتير مكانها موجود بس مش موجوده
وقال أيه حاطين مكان تحط فيه الرخص بدل الزراير ...
[rmade]http://nileup.com/up/uploads/nilemotors_13995643141.jpg[/rmade]Kingrab ساابقا
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
الف مبروك و نصيبنا كده فى المواصفات اللى بتنزل لنا مصر على فكره انت عندك eps .تبقا شغله علشان التعويم ده
اللهم بارك لنا فيما رزقتنا
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
تقرير اكثر من رائع لعربيه محترمه
ربنا يباركلك فيها ويحفظهالك
رقم العضوية : 116120
تاريخ التسجيل : 29Oct2011
المشاركات : 1,212
النوع : ذكر
الاقامة : cairo
السيارة: xxx
السيارة[2]: xxx
دراجة بخارية: v soon
الحالة :
اولا الف مبروك وربنا يحميها من العين
ثانيا هل الفئه دي اول فئه ولا تاني فئه؟ (عشان عدم تواجد النظام الصوتي)
هل فيه امكانية فرش داخلي بيج او بني بدل الاسود؟
الزجاج الخلفي معتم ولا معالج ضد الشمس فبالتالي لونه اغمق؟ (زي الجيتا كده)
واخيرا هي ولا فولفو s60 ؟؟ خصوصا كاحساس سواقه ؟؟
[shfaf2]http://www10.0zz0.com/2013/04/03/16/676132267.jpg[/shfaf2]
المفضلات