الموضوع: ناوي على سبورتاج الفئة الأولى بس إستفسار

السبورتاج سلوفاكي أو كوري فهى بردو سبورتاج
ربنا يكرمك صفقه رابحة وأختيار موفق
وألف مبروك مقدما

المشاركة الأصلية كتبت بواسطة eng.osama.afifi

سلام عليكم
أنا إن شاء الله نويت على كيا سبورتاج ( الفئة الأولى) ... وكنت عايز أسأل على شوية حاجات :
1- إيه الحاجات إللي بتيجي مع العربية ؟ وإيه إللي أبص عليه ؟ وعادة بتبقى العربية عاملة كام كيلو ؟
2- إيه حكاية موديل 2015 ديه ؟ كل إللي في السوق دلوقتي أغلبه 2015 ؟ وصناعة سلوفاكي ؟ هل ده عادي ؟
3- عادة المعرض بيدي هدايا إيه ؟ عادة يعني عشان محدش يضرب عليها
وشكرا مقدما :)

1_السبورتاج الفئة الأولى ممتازه مواصفات جنط 16 حساسة ركن حساس مطر بلوتوث مثبت سرعه وهي الفئه إلى معايا بس انا 2014 و 2015 يتختلف عن إلى معايا في الشبكه وشكل الجنط فقط ولكن الاثنين تقفيل سلوفاكي ويمتاز عن الكوري في العفشه أنعم والتابلوه خامته أفضل
2_ 2015 ده التغير إلى نزل والفرق بينه وبين 2014 في الشبكه وشكل الجنط لكن الإثنين تقفيل سلوفاكي
3_ الهدايا غطاء و دواسات بس أي كلام وألف مبروك وإن شاء الله مش حتندم وصفقه رابحه والتوفيق والف مبروك مقدما انضمامك للسبورتاجويه واحب ان أنوه أيضا أن معاك وحش بدون مبالغة وسحب ممتاز واستهلاك بنزين متوسط 20 لتر 200 ك قياده عنيفة رياضيه بنزين 92 وارجو ان اكون أجبتك عن بعض استفسارك وانا في الخدمه في أي شئ رقم تليفوني 01226165929 انا تحت امرك

الي بيجي معاها جنط سبور 16 ده بالنسبه الفئه الاولی وشنطه عده وكريك رفع وإريال فقط لاغير

المشاركة الأصلية كتبت بواسطة محمد بدر

طبعا أستاذ محمد غباره رد علي كل استفساراتك
وطبعا بعد الكلام الجميل ده مفيش حاجه تتقال.
ولاكن أعتقد إن 2015 مش هتستلم إيريال طيب ليه.
علشان هي بتنزل بإيريال ثابت موجود في نفس مكان الإيريال القديم. وطبعا شكله أشيك بكثير وكان ليه أسم بس للأسف مش متذكره دلوقتي
بص هو عامل زي ديل الطياره وفي ناس بتقول عليه حدايه
ومقدما ألف مليون مبروووك
واتمني من شخصك الكريم إنك متبخلش علينا بتقرير محترم فور الإستلام والشعور والإحساس الأولي والجديد

العفو يا استاذ محمد اذا كان الواحد بيمتلك السبورتاج فالفضل يرجع لحضرتك وبسب الا مانه بتاعة حضرتك في سرد مم يزات العربيه ومواضيع حضرتك الشيقه فلك مني كل التحيه والشكر