الموضوع: مساعده ضروريه

بسم الله الرحمن الرحيم

السلام عليكم ورحمه الله

انا بقالى فتره طويله هتجن واجيب عربيه كويسه

بس مش عايز استعجل فى القرار

مواصفاتى للعربيه انها تكون واسعه وعاليه شويه عن الارض علشان المطبات وعلشان هتكون استخدام عائلى اكتر

يعنى اكتر من ٢ ذايما هيكونوا راكبين

وبالنسبه للسعر يعنى مش عارف بس حاطط متوسط كويس من ١١٠ الف مثلا و حتى ١٥٠ الف

وطبعا يكون توكيل محترم وقطع غيار كويسه متوفره يعنى ومش مبالغ فى تمنها

عارف ان مواصفات رخمه شويه وبصراحه انا دايخ بقالى فتره فى كل الماركات واحترت جدا

فكرت فى فلونس و عليت شويه وفكرت فى قشقاى

بس برده قلت جايز يكون فى حاجه احلى فى شيفورليه او تويوتا

اسف للاطاله واتمنى المساعده منكم

شكرا ..

وسع وراحة واعتمادية واعادة بيع وتجهيزات يبقى التويوتا كورولا
التويوتا كورولا الجديدة دلوقتي بقت اعلى عربية سيدان في مصر وبقى الخلوص بتاعها 15.5 سم
يعني حتركبها مرتاح من غير قلق وثباتها بقى محترم بالـVSC وعندك خاصية الركن التلقائي park assist
سوقها ماشي اوي وانتشرت عندنا في الاسكندرية بشكل ملحوظ اوي وقمة في الجمال ع الابيض والسيلفر

من الآخر العربية دي حتوفرلك حاجات كتير اوي منهم المحرك الرياضي جداً والوسع الداخلي (اوسع من الفلوينس ذات نفسها)
وفي نفس الوقت سيدان عالية واعتمادية الياباني اللي انتو حابينو ... انا حاسس انكو غيرتو المفهوم دا من اول ما الكورولا نزلت ودا حقد :D

- مشكلة العربية دي انها نزلت عندنا من غير فتحة سقف ولا عدسات
بس كمشاكل تذكر مفيش كل دي حاجات طيّاري