إستفسار الى الساده مالكى الصنى الجديده و اصحاب الخبره

**Emadsamy** · 30-04-2014 02:14 PM

بفكر اشترى نيسان 2014 لكن سمعت ان فى مشكله فى فرامل موديل 2013 و الموضوع وصل للنيابه
هل العيب ده تم تداركه و اصبح غير موجود فى الموديل الجديد ولا لاء؟
و هل فى عيوب تانى قابلتكم فى العربيه الجديده ؟
يا ريت تفيدونى قبل ما اخد قرار الشراء
و بعدين ايه احسن و ارخص مكان للشراء؟
و شكرا ليك مقدما

**mzkader** · 30-04-2014 04:13 PM

بالنسبة للفرامل العربية بتاعتى موديل 2013 و كان فى مشكلة فعلا فى الفرامل و نيسان مصر كلمونى من حوالى اسبوعين و حجزولى فى السبع و رحت غيرت الماستر بدون اى تكلفة و المشكلة اتحلت و الحمد لله

**shady tarek** · 30-04-2014 04:18 PM

فعلا مشكله الفرامل اتحلت والعيب كان فى العربيات الى انتاجها لغايه ابريل 2013 ان شاء الله تكون قدم الخير عليك ويكفيك شرها

**Emadsamy** · 01-05-2014 01:18 PM

متشكر ليكم على سرعه الرد
بس يا ريت اعرف الجديد منها بكام دلوقتى و منين
معلش انا اصلى بره مصر

**adel_edrees** · 01-05-2014 06:38 PM

لو خلاص أستقريت عليها أوعى تجيب ال ex جيب السوبر صالون أحسن بكتير شكلا وموضوعا و السبويلر اللى ورا معوض الحتة اللى أتكلت من المصمم اللى صممها و التابلوه أحسن ستين مرة و الكماليات أحسن من ال ex ستين مرة و العفشة أحسن ستين مرة فرق شاسع بين العربيتين من جميع النواحى المشكلة أنك تخش العربية ال ex تحس أنك مش بتسوق عربية كبيرة تحس أنك بتسوق عربية أطفال

**islamabady1980** · 02-05-2014 01:06 PM

متابع

**Emadsamy** · 03-05-2014 03:11 PM

انا كان عندى قبل ما اسافر ex 2009
كونت جايبها زيرو بس كان كرسي السائق منخفض لدرجه حسيت بيها انى قاعد على كرسي الحمام و عملت ليه تعديل عليته شويه بقى يعنى معقول
لما ارجع بان الله هاجرب الجديده ايه اخبارها
و شكرا ليكم ردودكم

**أحمد صلاح** · 04-05-2014 02:22 PM

بص يا باشا
أنا أشتريت العربية يوم الجمعة 02/04/2014 من عند سمير ريان
الكاش 125500 والتقسيط بفائدة 8.9 مع بنك بي أن بي باريبا حتي 5 سنوات تقريباً
وربنا يكرمك ويبارك لك

**ahmedahz** · 04-05-2014 02:58 PM

والله شوف
أنا إشتريتها يوم 30-03-2014 وهى سوبر صالون تكييف تاتش و جنوط إسبور و إلخ .... و هى عامله الأن 2600 كم

ولكن أنا عندى فيها شوية مشاكل .. يمكن سمعت عن بعضها قبل ماأشترى لكن لم أتخيل أنها لهذا الحد

أنا كان عندى دايو لانوس 2008 قبل النيسان دى و كنت بقول دى صاجها خفيف لكن بعد ما جبت النيسان الجديده.. طبعا صاجها خفيف جدا جدا جدا وخاصة الكبوت إللى لازم هيطبق تقريبا فى أول شهر..
ثانيا: ثبات العربيه على الطريق بعد 100 أو 110 سىء سىء جدا.. قال وأنا كنت بعايب على دايو لانوس
ثالثا: صوت المطبات بالذات قدام مسموع جدا تحس بخبط و إن فى حاجه مفكوكه قدام.. طبعا هم فى أوتو إيجيبت حاولوا يقنعونى بحاجتين إن العفشه بتاعة السوبر صالون عفشه رياضيه و هى بتبقى ناشفه بطبيعتها و السبب التانى إن نوع الكاوتش ماكسيس نوع سىء جدا جدا و لما تغيره هتحس بفرق كبير
رابعا: عزل الصوت كمان وحش قوى ٌصدى الرفارف بالذات يعنى صوت الطوب مثلا
خامسا: الفرامل بتهبط وبتذيد مع تشغيل التكييف.. فى التوكيل بيعملوا ليها رجلاش وبترفع معاك لمدة أربع خمس أيام و ترجع تانى

الحاجه الوحيده إللى محصلتليش إلى الآن هى صوت الفرامل الخلفيه

هذه تجربتى إلى الآن
وشكرا
أحمد صلاح