مشكله عويصه جولف 4

**ammaraly** · 01-05-2014 10:02 PM

السلام عليكم

معايا جولف 4 عامله110.000 كيلو
موديل 2001
1400سى سى

انا عندى 4 اسئله

1-اول ما جبت العربيه غيرتلها زيت وغيرت السيور والفلاتر والكلام ده كلو
كل لما اجى اغير الزيت او اروح لميكانيكى يقولى انت بتحط زيت ايه الزيت وسخ اوى
مع العلم انى بحط شيل اصفر وبنزله على2.500 وبغير فلتر مع كل غياره
وفى نفس الوقت لمبه الزيت عندى بتنور مع المشوايير الكتير او على طريق السفر على سرعه 140مثلا-ولو عايز اعرف مدى كفاءه طرمبه الزيت اعمل ايه؟؟
مع العلم انى غيرت ساعه الزيت بس كانت استعمال واللمبه لسه بتنور

2-العربيه ساعات وانا ماشى تلاقيها كتمت وسحبت تانى

3-وانا واقف لما بدوس دبرياج بسمع صوت خرفشه ضعيف اوى ناحيه الفتيس ولو شلت رجلى
يروح هل دى بليه دبرياج

4-لما بدور العربيه ساعات بسمع صوت صرخه فى المارش

وشكرا واسف على الاطاله وبرجاء الاهتمام وسرعه الرد

**hossamalsadik** · 02-05-2014 10:28 AM

شيل الاصفر حرام ليه هيه المكنه عدنك بتاكل زيت الزيت ده تقيل علي الماتور على الاقل نصف تخليقى وأنصحك تجرب 40/ 10 ونتا لسى 110 ألف فقط
40/ 10 عندك وولفر أنا مجربه زيت ممتاز بس انا مجرب التخليقى بالكامل 40/5 سوبر تك

أعتقد مصفةالزيت مزدوده وعاوزه تتنضف فياريت ميكانيكى فولكس نضيف وأخلص من المشكله ديه بدرى

مشكلة الكتمه مبدايا وساخة فلتر البنزين + وساخة الرشاشات وراجع على السرفس بتاعك كله بوجيهات وسلوكها وفلاتر هوا وبنزين ......
صوت الفتيس أكيد البليه

مشكلك بسيطه بس عاوزه ميكانيكى فولكس نضيف مش اكتر

**ammaraly** · 03-05-2014 09:17 PM

عشان ابقى فاهم صح بس 40/10 دى اللزوجه ولو فيه نوع غير وولفر لانه مش موجود فى الاسماعيليه فى موتول وفيه ليكو مولى ولو انا حطيت نوع اخف فى ضرر على المكنه وشكراااا

**حماده المصري** · 03-05-2014 11:26 PM

متحوطش شل خااااااااالص

**Hetfield** · 09-05-2014 03:23 PM

مش عايز ازعلك يا صاحبى بس انا كان عندى نفس المشكلة يا صديقى الموتور كده بيودع الكاتمة دى قفش موتور على خفيف و كمان لمبة الزيت ده ضغط الزيت قليل لمبة الزيت عندك بتنور احمر و بتطفى لما بتشيل رجلك من على البنزين و العربية تهدى شوية بشوية الصوت هيزيد مرة واحدة و كده يبقى البى ال ساب :( للاسف

**hossamalsadik** · 10-05-2014 07:56 PM

المشاركة الأصلية كتبت بواسطة ammaraly

عشان ابقى فاهم صح بس 40/10 دى اللزوجه ولو فيه نوع غير وولفر لانه مش موجود فى الاسماعيليه فى موتول وفيه ليكو مولى ولو انا حطيت نوع اخف فى ضرر على المكنه وشكراااا

40/10 دى اللزوجه
شوف كد الموضوعات ديه ببتتكلم عنه
http://www.nilemotors.net/Nile/413924-a.html
https://www.facebook.com/WolverMotorOil
http://www.nilemotors.net/Nile/41453...40-2002-a.html

الجديد ان ورشة نيل موتورز بقى أحد موزعين الزيت ده مؤخرا فاتصل يمكن يقدرو يوصلهولك
http://www.nilemotors.net/Nile/419463-a.html

**hossamalsadik** · 10-05-2014 08:07 PM

المشاركة الأصلية كتبت بواسطة hetfield

مش عايز ازعلك يا صاحبى بس انا كان عندى نفس المشكلة يا صديقى الموتور كده بيودع الكاتمة دى قفش موتور على خفيف و كمان لمبة الزيت ده ضغط الزيت قليل لمبة الزيت عندك بتنور احمر و بتطفى لما بتشيل رجلك من على البنزين و العربية تهدى شوية بشوية الصوت هيزيد مرة واحدة و كده يبقى البى ال ساب :( للاسف

ممكن العيب يكون فى الحساس الخاص بقياس الزيت ( ساعة الزيت ) وده بيتغير

**chiko** · 11-05-2014 11:27 AM

بص يا باشا .عشان متسمعش كلام كتير ملهوش لازمه .. الشل زيت محترم و هو مصمم انه يسود في نهاية الاستخدام خصوصآ بعد 2500 ك ..انا بغيره علي 1800 او 2000 و بينزل اسود تماما لكن لزوجته زي ما هي . السواد ده ..لان المكنه بتاعت حضرتك خفيفه شوية .. لكن مش هتلقي انظف من الشل تلوقتي خصوصآ لان معظم الموبيل تلوقتي مضروب ..خلي بالك من الموضوع ده