حالة الموتور

**Mahmoud.Fathy** · 01-05-2014 11:34 PM

سؤال غبي .. معلش

دلوقتى المكنة عندي مش بينقص منها زيت ... ولا بتسرب زيت ولا بترشح زيت من اى مكان ... خرطوم الفايظ مش بيخرج زيت ... مفيش دخنة من اى نوع ولا اى لون ... صوت المكنة طبيعي جدا ومفيهاش اى ترزيع ولا تكتكة ولا دبدبة ... محافظ على الصيانات من زيت وفلاتر وبوجيهات بصفة دورية وسحب المكنة كويس اللهم في المطالع بتبقى أبطأ ولكني شاكك في الديسك والاسطوانة بتوعى انهم بعافية ... هل الحاجات دي سبب كافى انى ابقى مطمن نسبيا على المكنة ولا ممكن يكون فيها خازوق ومش ظاهر ... من الاخر انا عاوز اعمل اختبار الكبس عشان اطمن هل له لزمة في الحالة دي ؟؟؟

**ادوارد** · 02-05-2014 01:13 AM

لو عايز تطمن اكتر اعمل اختبار كبس ماتور
كبس الموتور بيتم بوضع الجهاز مكان البوجيهات لو معملش كدة يبقى كفتة

**Mahmoud.Fathy** · 03-05-2014 12:48 AM

للرفع

**Mahmoud.Fathy** · 03-05-2014 10:19 PM

المشاركة الأصلية كتبت بواسطة moko_2004

بص على الزيت لو عامل طحينة او على المية هل عليها بقع زيت لو كدة يبقى فية مشكلة في جوان وش السلندر و هو اللى بينقصلك الزيت
الحاجة الاخيرة هل لمبة الزيت شغالة اوقات لما ساعة الزيت بتتكسر بتسرب زيت على خفيف و علامتها عدم شغل لمبة الزيت

انت فهمت الموضوع غلط ... انا مش بشتكي من نقص زيت ... :)