استلام سيارة نيسان صنى 2014

**Yahya.Saif** · 02-05-2014 09:34 AM

الحمد لله حجزت نيسان صنى 2014 اوتوماتيك و الاستلام يوم الاثنين ان شاء الله. يس عندى شوية أسئلة:
1- هل ممكن استلم العربية من غير ورقها ولا اسيبها فى المعرض لحد ما يتأكدو ان كل الورق موجود؟
2- المعرض فى مصر الجديده و انا فى اكتوبر ف هل اجبلها ونش ولا مش مستهلة؟
3- عايز افهم بالظبط ايه موضوع النمر التجارية و اجبها منين؟

**aymanshebl** · 02-05-2014 09:50 AM

1- انا استلمت من غير ورق و بعدين تانى يوم المندوب جه و معاه الورق و رخصنا بس تاكد ان المعرض محترم و له سمعة انا اشتريت من سمير ريان و ماختش الورق لانه انا دفعت متاخر فى البنك و هو كان هيتاكد تانى يوم من الايداع
2-مش مستاهلة ونش انت ممكن او اى حد يسوقها عادى جدا وو ربنا يستر طريقك
3- النمر التجارية ديه لما تكون ماشى فى لجنة او كمين يبقى عارف ان العربية فيها نمرة و مش مسروقة لان انت لسه مرخصتش و مامعكش نمرة لسه