و عليكم السلام و رحمة الله و بركاته
خطوات الترخيص واحدة بس هتفرق فى حاجة بسيطة : هل العربية افراجها باسمك و لا باسم اللى بتقسطله (بنك , معرض, كده يعنى ) و عليها حظر بيع و لا لأ.
خطوات الترخيص :
اولا : ورق اللى بتخده من المعرض :
1) ورقة افراج جمركى للعربية مثبت فيها رقم الموتور و الشاسيه
2) ورق ترخيص من الدراسة (مثبت فيه اسم صاحب الترخيص + موجه الى مدير المرور اللى هترخص عنده و مختومة طبعا)
3) فاتورة مختومة من المعرض بسعر العربية
ثانيا :
بتاخد الورق اللى معاك و تطلع على المرور التابع له من بدرى (يفضل تكون قبل 8 صباحا هناك)
فالمرور:
1) تروح على شباك اسمه المباحث : بيعملك استعلام عن ورقة الدراسة و بيختمهالك ( ببلاش)
2) تروح الخذينة تشترى (ورق فحص , ملف سيارة جديدة بأوراقه)
3) تشترى طفاية حريق و تكون مختومة و معاها ورقها
4) تطلع على الفحص بسرعة : تفحص (رقم شاسيه , رقم موتور , طفاية ) و تختم ورق الفحص
5) ترجع للمرور وتروح لشباك الملاكى : هيحسبلك الضريبة : غالبا ال 3 سنين لل 1600 بيعملوا فى حدود 750 جنيه و التأمين بيعمله 330 ... تدفع و تجيبله الوصل .
6) يبدأ فى اجراءات الرخصة (الموظف اقصد)
7) تنتظر طلوع الرخصة : من ساعة لثلاثة ساعات على حسب الزحمة و مزاج الموظف :)
غالبا التكلفة الاجمالية لو هترخص 3 سنين هتعملها 1500 جنيه ...
المفضلات