الموضوع: الزيت الموصى به لموتور ٤٠٦

انا 2000 سي سي موديل 2002 و بحط لزوجه 5w-50. mobil1
و هو كويس جدا 10 الاف.كيلو

المشاركة الأصلية كتبت بواسطة ahmed amin

المفروض تحط زيت تخليقي كامل عشان الموتور متصمم بأنه يمشي عليه,,
أي زيت أقل من التخليقي الكامل هيبقي تقيل علي الموتور.

بس لو حالت موتورك مش ممتازة زي الأول, وعامل كيلو متر عالي. ساعتها ممكن تحط له نص تخليقي.
ومش دايماً الموتور اللي عامل كيلومتر عالي يبقي مش ممتاز.
فيه مواتير مش معدية ال 100 ألف كيلو بس متهانة بسبب الشد والجري والقرص علي الموتور وسوء التبريد, كل دا بيضعف وبيهلك الموتور,

فا لو موتورك حالته كويسة ومش بياكل زيت ومعدل البخر فيه قليل, ممكن تكمل علي زيت تخليقي كامل ودا الأفضل. اللي هوا بيقولو عليه 10 الاف كيلو
أما لو موتورك عامل كيلو متر عالي وتقيل وبدأ ياكل زيت ممكن تحط نص تخليقي, اللي هوا بيقولو عليه 5000 الاف كيلو
وأبعدددد كل البعد عن الزيت المعدني, اللي هوا 1000 كيلو

عشان تعرف أكتر عن الزيوت واللزوجة المناسبة الي تجيبها راجع المواضيع دي’,
http://www.nilemotors.net/nile/380195-a-2.html

http://www.nilemotors.net/nile/389093-a-2.html

http://www.nilemotors.net/nile/378551-a.html

انا حاليا جبت زيت من البنزينة موبيل (مكتوب عليه 1000) xhp

وهو المفروض بيشتغل 5000 ك وانا مش هنزله طبعا على 5000 يعنى ممكن 3000 لو مكنش اقل من كده
ولما قرأت فى الكثير من موضوعات الزيوت والفرق بين المعدنى والتخليقى والنص تخليقى
احترت بصراحة ومش عارف اختار ايهما ؟؟

وبالنسبة للتخليقى موبيل (بالبلدى كده اللى بيقعد 10000) ك ؟؟؟

وتقريبا سعره كام عشان هحاول ابدل الزيت اللى معاياه بالتخليقى اللى معاياه تقريبا نصف تخليقى

وعايز اعرف امته اعرف انه موتور عربيتى محتاج نص تخليقى مش تخليقى او محتاج معدنى مش نص تخلقيى او تخليقى

وبالنسبة لحالة الموتور الحمد لله الموتور حالته جيدة

وعامل 162 الف

وانا لسه شارى العربية ومعرفش صاحبها كان بيحطلها زيت ايه

دى صورة للزيت اللى جبته حاليا ولسه مش استخدمته

هل من متابع ؟؟

دى صورة من الكاتلوج الخاص بالعربية
ممكن اعرف ايه افضل لزوجة ليها فى مصر؟؟

المشاركة الأصلية كتبت بواسطة NightmarE84

دى صورة من الكاتلوج الخاص بالعربية
ممكن اعرف ايه افضل لزوجة ليها فى مصر؟؟

بص على الخط الأحمر اللى تحت ....دى درجات حرارة الجو بالسيليزيوس و الفهرنهيت اللى العربية شغال فيه شغالة فيه

و الخطوط الصفرا و الزرقا دى مدى درجات اللزوجة (مدى يعنى لزوجة الزيت من كذا لكذا)

مثلا لغاية درجة 20 تشتغل على لزوجة w20

لغاية درجة 45 تشتغل على لزوجة أعلى و هى w30

و هكذا ، كل ما زادت الحرارة اللزوجة لازم تعلى علشان الزيت ما يتبخرش بسرعة

أنت من الآخر اشتغل على 20W50 بتاعة الخمسين درجة و خاصة فى جو الصيف و ابعد عن موبيل اللى ما يستاهلش باى حال من الأحوال يكون أغلى من شل و خسارة تشتريه و ادامك شل او توتال ال 3000 كيلو ب 128 جنيه تقريبا

بس بما انك جبت موبيل حطه و أمرك لله و ما تشتريهوش تانى خليهم يتأدبو

المشاركة الأصلية كتبت بواسطة م أحمد

بص على الخط الأحمر اللى تحت ....دى درجات حرارة الجو بالسيليزيوس و الفهرنهيت اللى العربية شغال فيه شغالة فيه

و الخطوط الصفرا و الزرقا دى مدى درجات اللزوجة (مدى يعنى لزوجة الزيت من كذا لكذا)

مثلا لغاية درجة 20 تشتغل على لزوجة w20

لغاية درجة 45 تشتغل على لزوجة أعلى و هى w30

و هكذا ، كل ما زادت الحرارة اللزوجة لازم تعلى علشان الزيت ما يتبخرش بسرعة

أنت من الآخر اشتغل على 20w50 بتاعة الخمسين درجة و خاصة فى جو الصيف و ابعد عن موبيل اللى ما يستاهلش باى حال من الأحوال يكون أغلى من شل و خسارة تشتريه و ادامك شل او توتال ال 3000 كيلو ب 128 جنيه تقريبا

بس بما انك جبت موبيل حطه و أمرك لله و ما تشتريهوش تانى خليهم يتأدبو

طيب الانواع اللى حضرتك بتقول عليهم دول تخليقية ولا نصف تخليقية ؟

وبالنسبة للزوجة عايز اعرف هل ينفع اضع زيت لزوجته اقل من ٢٠
؟