| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 43

  1. #1

    الصورة الرمزية Ashraf Fawzy

    رقم العضوية : 156703

    تاريخ التسجيل : 28Feb2014

    المشاركات : 309

    النوع : ذكر

    الاقامة : مصر

    السيارة: الله أعلم

    السيارة[2]: Peugeot 301 HL

    الحالة : Ashraf Fawzy غير متواجد حالياً

    Post وجهة نظر: آخر الكلام عندى فى الشكوى المقدمة و نتائجها (شارك برأيك و تقبل الرأى الأخر) - Facebook Twitter whatsapp انشر الموضوع فى :

    hasad">

    مبدئياً, اللى أنا كاتبه قد يحمل فى بعض جوانبه الخطأ (ما فيش إنسان معصوم من الخطأ), لكن أنا باتكلم عن تجربه عملية مع البيجو 301 هاى لاين و إجتهاد قدر ما إستطعت من البحث فى مراجعات اوروبية للسيارة البيجو 301 و تجميع قدر الإمكان لأراء بعض الملاك المصريين اللى إشتكوا من حاجات (زى التيل و البوجيهات و الفلاتر), وفى الأول و الأخر رأى باقى الملاك هو الفيصل (عشان ماحدش يتهمنى أنا كمان بإنى متحامل على العربية و بقدم شكوى كيدية, زى ما حصل مع العضو الكريم أبو هند (مع حفظ الألقاب) ).


    ملاحظة: الحاجات اللى قبلها (*) معناها إنى حكمت عليها بصورة شخصية قائمة على تجربة إستخدام 2100 كيلو على مدار الشهرين اللى فاتوا, غير كده يبقى من آراء و تجارب بعض الملاك للعربية و الأعضاء هنا فى المنتدى (منهم الجداد و منهم القدامى).


    أرجو من الأعضاء الجدد اللى مقدمين على شراء العربية إنهم يبحثوا جيداً فى آراء الملاك وعدم إعتبار كل اللى انا بقوله إنه كلام مسلم بيه (و يبقى سبب فى عذوفهم عن شراء السيارة), فى الأول و الأخر إنت اللى هاتركب العربية و إنت اللى هاتدفع فلوسها, شوف الإنتقادات و شوف المدح فى المميزات, وفى الأول و الأخر هو قرارك أنت.

    و خد بالك إن فى فرق ما بين رأى واحد إشترى العربية لسه قريب (انا جايبها من شهرين و مشيت بيها 2100 كيلو) و بين واحد قطع 10000 كيلو فما فوق و بدأ يدخل فى موضوع الصيانة و المصنعيات و قطع الغيار و الأسعار و العمر الإفتراضى للقطع الإستهلاكية (زى التيل و البوجيهات و الفلاتر و غيره).

    يا ريت اللى يشارك برأيه يقول فئة البيجو اللى معاه (مانيوال - أتوماتيك - هاى لاين) و فترة إستخدامه و عمل كام صيانه.


    [gdwl][/gdwl][gdwl](*) للإسف زى ماقلت قبل كده إن العيب الجوهرى فى العربيات البيجو هو كيفية تعامل التوكيل مع مطالب و مقترحات و شكاوى ملاك العربية[/gdwl]

    على سبيل المثال, خارج مصر تقدر تركب جهاز إنذار صوتى للـ 301, فى مصر ماتقدرش, والمبرر إيه؟ أصل فيها نظام إيموبليزر , (طيب إيه علاقة ده بده؟).



    الناس إشتكت من موضوع تيل الفرامل و قصر عمره الإفتراضى (أحياناً أقل من 10000 كيلو و احياناً أخرى أقل من 15000 كيلو), فى ناس قالت إن التيل ده محافظ على البيئة و خالى من الإسبستوس المسبب للسرطان و مستخدم فى البى إم دبليو و ماركات تانية مشهورة, ولما سألت خدمة العملاء هل سبب الإستهلاك السريع للتيل إنه خالى من الإسبستوس, كانت الإجابة لأ, ده بيرجع لطبيعة الإستخدام.

    * ملاحظة: بناءً على تجربة من بعض الأعضاء, لو التيل خلص قبل 10000 كيلو, بيتم تغييره فى التوكيل تبع الضمان بدون دفع أى مصاريف.

    (*) ولما غطا الكنترول مالهوش أهمية, نزل ليه فى أول إصدار, و دلوقتى التوكيل بيقول - لما سألتهم - إن موضوع إضافة غطا الكنترول - للعربيات اللى نزلت من غيره - قيد الدراسة.


    نظام تدفئة كرسى السائق, حد سمع عنه فى أى فئة من الفئات الثلاثة للعربية, موجود فى الكتالوج, بس طبعاً حسب كل سوق, و بما إننا فى مصر, فمش موجود, نظام الـ esp برده مش موجود, ليه؟ عشان تخفيض سعر العربية

    ماهو سعر العربية لو زاد اكتر من كده
    , ما الواحد يجيب فورد فييستا بكل عوامل الأمان (وسائد و ستائر هوائية - abs - ebd - esp ) و عيش بقى مع عوامل الرفاهية فى السيارة, وكل ده بسعر 167000 (وده بعد الحركة الرخيصة من وكيل فورد هو كمان لما زود 9000 جنيه على سعر العربية موديل 2013 فى مقابل الإستلام الفورى بعد ما كان سعرها 158000 جنيه بالرغم إننا كنا فى شهر 3 من العام الحالى).



    ممكن حد يقولى إحنا وصلنا لغاية فين من الشكوى الجماعية؟


    ردود التوكيل:
    تيل الفرامل بيخلص قبل 15000 كيلو (حسب الإستهلاك),
    خرطوم الردياتير اللى بيتقطع عند الترخيص (هانحط إستيكر) * لمين بقى؟! للفنى الغلبان اللى غالباً معاه محو اميه
    تغييرالبوجيهات قبل الميعاد المقرر (العملاء اللى بيقولوا إن إستهلاك البنزين عالى),
    تغيير فلتر البنزين قبل الميعاد المقرر (أصل البنزين مغشوش),
    تغيير فلتر التكييف قبل الميعاد المقرر (أصل مصر جوها مترب),
    عايزين نحط زيت توتال زى الشركة ما بتوصى (كل سوق و ليه ظروفه),
    فين غطا الكنترول (الموضوع ده قيد الدراسة),
    فين نظام فرامل esp اللى بينزل فى موديلات أوروبا (أصل مصر مافيهاش ثلج على الطرقات زى أوروبا و عشان نخفض سعر العربية).
    عايزين نظام تنبيه صوتى (العربية فيها إيموبليزر)


    زى ما انتم شايفين كل حاجة ليها رد يخلى مسؤلية الشركة, حتى فى الحاجات اللى هاندفعلهم فيها فلوس (زى الإنذار الصوتى) بصراحة الموضوع بقى مزعج لأقصى درجة, و الواحد زهق من إنه يفضل يرد و يناقش فى حاجات بديهية, و مش كده و بس, بدأت الاحظ توجيه إتهامات لملاك العربية - زى أبو هند (مع حفظ الألقاب) - بالتحامل على شركة بيجو و توجيه إتهامات كيدية للشركة, لمجرد إننا بنطالب بحقنا, وبنطالب فى الحصول على خدمة افضل بعد البيع.


    الواحد دماغه صدعت من الردود و التبريرات و تحسيس الواحد بالذنب (كل مانطلب حاجة أو نلفت النظر لحاجة خطأ) ويتقاله إن العربية نازلة أول فئة بـ (abs + ebd) العربية فيها 2 وسادة هوائية و الحاجات دى بتنزل فى الكورى اعلى فئة بس, و مش معقوله شركة كبيرة زى بيجو تعمل خطأ فى تصميم مروحة الردياتير ...... علماً بإن العربية تفتقد كثير من أساسيات الكماليات:

    (*) 1- العبقرى مصمم العربية حاطط فرامل اليد كلها تحت مسند الذراع (الكونسول) فى الهاى لاين, يعنى فى حالة الطوارئ لو فرامل العربية حصل فيها مشكلة, لازم الأول ترفع المسند و بعد كده تسحب فرامل اليد (إن شاء الله ساعتها هاتكون نزلت تحت المقطورة).

    * لو فى شركات تانية حاطه فرامل اليد كلها تحت الكونسول, مش معناه إن ده صح, إنتشار الخطأ مايخليهوش صح.

    (*) 2- لما بتوصل موبايلك فى شاحن العربية لازم تحطه على الكرسى - أو على حجر - اللى قاعد جنبك, ليه؟ الباشا المصمم نسى (معلش بقى, اصلها شركه جديدة واول مرة تعمل تصميم عربية) إنه يعمل فتحة فى ذراع المسند عشان تحط الموبايل المتوصل بالشاحن.

    * لو فى شركات تانية عامله كده, مش معناه إن ده صح, إنتشار الخطأ مايخليهوش صح.

    (*) 3- العربية النيسان - انا مش بعمل مقارنة - اللى نازلة من 4 سنين و كانت عامله 90 الف جنيه فيها اماكن تخزين فى التابلوه من فوق و فى الأبواب و زراير فى الأبواب و غلق كلى للشبابيك بضغطة زر و فيها abs, و يبقى الواحد دافع 136000 (ده السعر الرسمى) و محتاس انا و اللى معايا فى العربية, لا في مكان نحط الموبايلات, و اللى بيركب ورا بيدور على زراير الإزاز و مش عارف إنها فى ظهر مسند الذراع ( الشركة بتوفر فى الأسلاك, عشان كده حطه الزراير كلها فى وسط العربية من قدام لورا مش فى الأبواب).

    4- تعالوا بقى للناس اللى بتقول يا باشا إنت راكب ماركة شيك (يعنى إنت بتدفع 46000 جنيه عشان الشياكة و الماركة و التقفيل الأسبانى و الباركينج سينسور ونظام الـ ebd)

    - التقفيل الإسبانى و التصميم الفرنسى: (*) شفرة حادة تقطع خرطوم مية الردياتير.

    - تيل بيخلص قبل 10000 كيلو بوجيهات مسودة قبل 10000 كيلو و فلاتر تكييف و بنزين لازم تتغير كل كام الف كيلو (*) ولازم ترزع الأبواب عشان تتقفل و خلافه)

    (*) - الشياكة (وجهات نظر): و هيا الشياكة إن الواحد يميل يمين لما يجى يقفل / يفتح الإزاز, ولما يجى يجيب الموبايل او الفلوس الفكه (زى فى البنزينة) تميل شمال تحت عند الباب, ولما تيجى ترفع فرامل اليد تقول للى قاعد جنبك شيل إيدك من على المسند و خلى الموبايل المتوصل فى الشاحن فى إيدك و ذراع المالتيميديا اللى مالهوش لازمة لإنه ورا الطاره, و كل ده ليه؟ عشان يوفر كام 100 جنيه


    منهج التوفير (الذكى):

    1- مافيش كالون للباب اليمين و للشنطة (ما أخدتش بالى لإن فى ريموت)

    2- عدم رش دواخل العربية (برده ما أخدتش بالى لغاية واحد من الأعضاء ما قال عليها).

    منهج التوفير (الزيادة عن اللزوم):

    1- مافيش أى اماكن تخزين لا فوق التابلوه, ولا فى الأماكن العلوية للابواب.

    2- زراير الإزاز جنب الفتيس.


    فى رأى الشخصى, وجود الزراير فى الأبواب مع وجود مكان تخزين فوق التابلوه افضل من ذراع المالتيميديا اللى حاطه ورا الطاره, على الأقل الواحد هايحس بشياكة البيجو.




    خلاصة الكلام, لازم نستمر فى توجيه طلبتنا على صفحة بيجو مصر على الفيسبوك, ويكون تحرك جماعى مش فردى, وفى خلال إسبوع نبدأ ننشر طلبتنا على صفحة بيجو فرنسا, غير كده يؤسفنى إنى أقول إننا مش هانوصل لنتيجة إيجابية (اللهم إذا كان وضع إستيكر على خرطوم مية الردياتير كان مطلبنا الوحيد).


    النقطة الأخيرة, هل إحنا فعلاً بنتحامل على الشركة؟

    الأخوة الافاضل اللى عايزين يردوا على كلامى, ياريت الأول تشوفوا مواصفات العربية اللى بتنزل فى اوروبا و بتتباع بكام يورو (شوفوا مراجعات الفيديو فى أوروبا), و الإمكانيات اللى بتتقدملهم بعد البيع, و شوفوا إحنا فى مصر بندفع كام يورو فى العربية و مواصافاتها إيه و محرومين من إيه بعد البيع, و الناس اللى عايزه تدخل فى موضوعات زى إتفاقية الجات و الجمارك فى مصر و سبب إرتفاع سعر العربية و إن اللى إحنا بندفعه فى الصيانة عبارة عن ملاليم بالنسبة لأوروبا, البركة فى باقى الأعضاء يشرحوا نظريات التسويق الدولية وفقاً لمتوسط الدخل للفرد و تناسب سعر السيارة و قطع الغيار لمتوسط دخل الفرد.


    لينكات بمطالب الأعضاء و فيديوهات مراجعة للبيجو 301 و إزاى خرطوم مية الردياتير بيتقطع

    لو حد عنده لينكات تانية ياريت يشاركها عشان الكل يستفيد

    http://www.nilemotors.net/Nile/418931-a.html

    http://www.nilemotors.net/Nile/414762-301.html

    http://www.nilemotors.net/Nile/419135-301-2015-a.html

    http://www.nilemotors.net/Nile/419008-a.html

    http://www.nilemotors.net/Nile/414445-a.html

    http://www.nilemotors.net/Nile/411572-301-2-a.html

    http://www.nilemotors.net/Nile/416176-301-10000-a.html


    [youtube]http://www.youtube.com/watch?v=sLjZn5wt6xI[/youtube]

    ‫بيجو 301 - قطع خرطوم مية الردياتير‬‎ - YouTube


    حاولت أضيف لينكات اليوتيوب بس دائماً بتتحط بطريقة غلط, ياريت اللى يقدر يضيفها صح فى كومنت و يقول عملها إزاى, ولو فى شرح عن طريقة رفع صور هنا للمنتدى يبقى شئ رائع.


  2. #2

    الصورة الرمزية Mohamed_301

    رقم العضوية : 132043

    تاريخ التسجيل : 08Dec2012

    المشاركات : 284

    النوع : ذكر

    الاقامة : Alexandria

    السيارة: -------------

    السيارة[2]: Peugeot 301 Auto 2015

    الحالة : Mohamed_301 غير متواجد حالياً

    افتراضي -

    كلامك سلييم جداا ومظبوط جداا ومافيش اى تحامل على التوكيل فى حاجة انا مش قادر اعمل شكوى عشان انا لسه عامل 255 كيلو مع اول صيانه
    هقول على كل الكلام اللى حضرتك قولته وموضوع الزراير دة انا مش شايف فيه اى توفير غير انك بتكون مضايق لما بتقفل او تفتح الازاز
    وكل اللى اتوفر فى الزراير هو زرار واحد زيادة موجود على باب الراكب الامامى ... ولولا تنبيهك لقطع الخرطوم كان زمانه اتقطع عندى عشان وانا برخص كان عايز يحركه قولتله ابعد عنه واعمل اى حاجة وهو ف مكانه وفعلا مجاش جنبه بشكرك جداا لتنبيهك
    والعربية معايا اوتوماتيك ومش هقدر اقول حاجة على فرامل اليد عشان معنديش مسند
    وردود التوكيل مستفزه جدا
    انا مستنى اروح بس وعمل معاهم الواجب لو حصل اى تقصير او بمعنى اصح استهبال
    والكنترول دة هطلبه منهم ومش همشى الا وهو معايا ان شاء الله
    ولو حصل حاجة ف التيل قبل 10000 هغيره ف الضمان ومش هدفع اى حاجة ... بس عندى سؤال هو المفروض يقعد قد اية 20 الف ولا اقل ؟

    إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيما


  3. #3

    الصورة الرمزية Hema_Basha

    رقم العضوية : 140967

    تاريخ التسجيل : 16Apr2013

    المشاركات : 609

    النوع : ذكر

    الاقامة : damietta

    السيارة: لا يوجد

    السيارة[2]: peugoet 301 A/T 2014.

    الحالة : Hema_Basha غير متواجد حالياً

    افتراضي -

    كلام جميل من انسان محترم علشان كده انا اول واحد مش هيسكت عن حقه انا عندي مشكلتين دلوقتي هي التيل والاستهلاك العالي للبنزين
    والتيل طبعا انا مش هركب النوع بتاعهم ده تاني نهائي وفعلا بدور علي الحل البديل ولقيت تيل بيجو 207 مطابق لتيل 301 وان شاء الله هبدا التجربة ولو تمام يبقي خير ليا وللجميع
    والاستهلاك ان شاء الله هشوفله حل قريب

    Www.facebook.com/groups/peugeot.301.fans


  4. #4

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    هعلق دلوقتى على حاجة واحدة قبل ما انسى وليا عودة ان شاء الله

    موضوع الخرطوم بصراحة هى حركة غبية من اللى بيفحص العربية انه يعمل كدة !
    يعنى هنفترض انه مش هيقطع المروحة في حد يتنى خرطوم ويسيبه متنى ، ماهو كدة اصلا انت قافل مرور المية وبطريقة او بأخرى الخرطوم نفسه هيبوظ حتى لو المروحة ما قطعتوش !
    الناس بتعيب على عدم وجود شبكة امام المروحة وكأنها حاجة متلة في العربية ومش في العربيات التانية
    الاوبترا نفس النظام بالظبط ما عدا ان الخرطوم قصير فما بينتنيش بحيث ينزل تحت المروحة انما الخرطوم والمروحة موجودين بنفس الوضع وبدون الشبكة

    الحل من وجة نظري تافه جدا ومش هيكلف ربع جنيه (بالاضافة للاستيكر ) ببساطة يتم لف افيز بلاستيك مع حلقة موجودة في الموتور ( قريبة من الخرطوم ) بحيث يفضل الخرطوم في مكانه والافيز يحجم حركته ، بالطريقة دى الفنى هييجى يزيحه مش هينزاح معاه ، في الصيانة لو حد احتاج يفك الخرطوم يقطع الافيز ويركب غيره ، ويبقى كدة التوكيل خلص نفسه من القصة دى كلها اللى برضه ما زالت بأكد على انها غباء من اللى بيفحص العربية حتى لو اتكررت 100 مرة ، كل الـ 100 دول سوري اغبياء ! ، ومقدر شعور كل اللى حصلت معاهم المشكلة بس ده ﻻ ينفى فعلا ان اللى بيتنى الخرطوم هو اللى غلط اصل ده خرطوم المية الاساسى بتاع العربية ، مش خرطوم مساحات وﻻ خرطوم تكييف حتى !


  5. #5

    الصورة الرمزية abohend

    رقم العضوية : 150948

    تاريخ التسجيل : 01Nov2013

    المشاركات : 1,317

    النوع : ذكر

    الاقامة : الأسكندرية

    السيارة: بيجو 301 MT

    السيارة[2]: بيجو 206

    الحالة : abohend غير متواجد حالياً

    افتراضي وجهة نظر -

    اقتباس المشاركة الأصلية كتبت بواسطة Ashraf Fawzy مشاهدة المشاركة
    مبدئياً, اللى أنا كاتبه قد يحمل فى بعض جوانبه الخطأ (ما فيش إنسان معصوم من الخطأ), لكن أنا باتكلم عن تجربه عملية مع البيجو 301 هاى لاين و إجتهاد قدر ما إستطعت من البحث فى مراجعات اوروبية للسيارة البيجو 301 و تجميع قدر الإمكان لأراء بعض الملاك المصريين اللى إشتكوا من حاجات (زى التيل و البوجيهات و الفلاتر), وفى الأول و الأخر رأى باقى الملاك هو الفيصل (عشان ماحدش يتهمنى أنا كمان بإنى متحامل على العربية و بقدم شكوى كيدية, زى ما حصل مع العضو الكريم أبو هند (مع حفظ الألقاب) ).


    نقلك لتجربتك في حد ذاته خبرة للي بعدك
    و سواء أتفقت معاك أو إختلفت..كفاية تعبك و وقتك و مجهودك
    شكراً لك


    اقتباس المشاركة الأصلية كتبت بواسطة Ashraf Fawzy مشاهدة المشاركة
    اقتباس المشاركة الأصلية كتبت بواسطة Ashraf Fawzy مشاهدة المشاركة
    [gdwl][/gdwl][gdwl](*) للإسف زى ماقلت قبل كده إن العيب الجوهرى فى العربيات البيجو هو كيفية تعامل التوكيل مع مطالب و مقترحات و شكاوى ملاك العربية[/gdwl]


    اقتباس المشاركة الأصلية كتبت بواسطة Ashraf Fawzy مشاهدة المشاركة
    الناس إشتكت من موضوع تيل الفرامل و قصر عمره الإفتراضى (أحياناً أقل من 10000 كيلو و احياناً أخرى أقل من 15000 كيلو), فى ناس قالت إن التيل ده محافظ على البيئة و خالى من الإسبستوس المسبب للسرطان و مستخدم فى البى إم دبليو و ماركات تانية مشهورة, ولما سألت خدمة العملاء هل سبب الإستهلاك السريع للتيل إنه خالى من الإسبستوس, كانت الإجابة لأ, ده بيرجع لطبيعة الإستخدام.
    اقتباس المشاركة الأصلية كتبت بواسطة Ashraf Fawzy مشاهدة المشاركة

    * ملاحظة: بناءً على تجربة من بعض الأعضاء, لو التيل خلص قبل 10000 كيلو, بيتم تغييره فى التوكيل تبع الضمان بدون دفع أى مصاريف.
    للأسف مش دايما بيتغير على حساب التوكيل قبل ال10000
    في حالات زي MEDORI و أظن HEMA غيروا على حسابهم قبل ال10000
    لكن على كلامهم إن أي حد هيغير قبل 10000 هيبقى في الضمان...هنشوف
    لكن الموضوع هو إحدى صور تلاعب الوكيل بالملاك و كدبه عليهم من أجل جني الأرباح

    اقتباس المشاركة الأصلية كتبت بواسطة Ashraf Fawzy مشاهدة المشاركة
    (*) ولما غطا الكنترول مالهوش أهمية, نزل ليه فى أول إصدار, و دلوقتى التوكيل بيقول - لما سألتهم - إن موضوع إضافة غطا الكنترول - للعربيات اللى نزلت من غيره - قيد الدراسة.
    ده رد عجيب جدا و غير مفهوم
    و يدل على رغبة التوكيل في بيع السيارة بالحتة للملاك -رغم إن دي اساسيات مش كماليات
    مقدرش اقول غير إن ده جشع

    اقتباس المشاركة الأصلية كتبت بواسطة Ashraf Fawzy مشاهدة المشاركة
    نظام تدفئة كرسى السائق, حد سمع عنه فى أى فئة من الفئات الثلاثة للعربية, موجود فى الكتالوج, بس طبعاً حسب كل سوق, و بما إننا فى مصر, فمش موجود, نظام الـ esp برده مش موجود, ليه؟
    اقتباس المشاركة الأصلية كتبت بواسطة Ashraf Fawzy مشاهدة المشاركة
    عشان تخفيض سعر العربية

    ماهو سعر العربية لو زاد اكتر من كده
    , ما الواحد يجيب فورد فييستا بكل عوامل الأمان (وسائد و ستائر هوائية - abs - ebd - esp ) و عيش بقى مع عوامل الرفاهية فى السيارة, وكل ده بسعر 167000 (وده بعد الحركة الرخيصة من وكيل فورد هو كمان لما زود 9000 جنيه على سعر العربية موديل 2013 فى مقابل الإستلام الفورى بعد ما كان سعرها 158000 جنيه بالرغم إننا كنا فى شهر 3 من العام الحالى).
    أنا مش معاك في النقطة دي
    الوكيل مقالش إن الكماليات دي موجودة و بعد كده فوجئنا بعدم و جودها
    العربية بإمكانيتها بسعرها معروفين من البداية
    و أنت صاحب القرار
    لو لقيت عربية تانية بسعر أفضل و إمكانيات أحسن توكل على الله

    دي فرص العرض و الطلب المتاحة في المحروسة
    إختار اللي يناسبك


    اقتباس المشاركة الأصلية كتبت بواسطة Ashraf Fawzy مشاهدة المشاركة
    ممكن حد يقولى إحنا وصلنا لغاية فين من الشكوى الجماعية؟


    ردود التوكيل:
    تيل الفرامل بيخلص قبل 15000 كيلو (حسب الإستهلاك),
    خرطوم الردياتير اللى بيتقطع عند الترخيص (هانحط إستيكر) * لمين بقى؟! للفنى الغلبان اللى غالباً معاه محو اميه
    تغييرالبوجيهات قبل الميعاد المقرر (العملاء اللى بيقولوا إن إستهلاك البنزين عالى),
    تغيير فلتر البنزين قبل الميعاد المقرر (أصل البنزين مغشوش),
    تغيير فلتر التكييف قبل الميعاد المقرر (أصل مصر جوها مترب),
    عايزين نحط زيت توتال زى الشركة ما بتوصى (كل سوق و ليه ظروفه),
    فين غطا الكنترول (الموضوع ده قيد الدراسة),
    فين نظام فرامل esp اللى بينزل فى موديلات أوروبا (أصل مصر مافيهاش ثلج على الطرقات زى أوروبا و عشان نخفض سعر العربية).
    عايزين نظام تنبيه صوتى (العربية فيها إيموبليزر)


    زى ما انتم شايفين كل حاجة ليها رد يخلى مسؤلية الشركة, حتى فى الحاجات اللى هاندفعلهم فيها فلوس (زى الإنذار الصوتى) بصراحة الموضوع بقى مزعج لأقصى درجة, و الواحد زهق من إنه يفضل يرد و يناقش فى حاجات بديهية, و مش كده و بس, بدأت الاحظ توجيه إتهامات لملاك العربية - زى أبو هند (مع حفظ الألقاب) - بالتحامل على شركة بيجو و توجيه إتهامات كيدية للشركة, لمجرد إننا بنطالب بحقنا, وبنطالب فى الحصول على خدمة افضل بعد البيع.


    الواحد دماغه صدعت من الردود و التبريرات و تحسيس الواحد بالذنب (كل مانطلب حاجة أو نلفت النظر لحاجة خطأ) ويتقاله إن العربية نازلة أول فئة بـ (abs + ebd) العربية فيها 2 وسادة هوائية و الحاجات دى بتنزل فى الكورى اعلى فئة بس, و مش معقوله شركة كبيرة زى بيجو تعمل خطأ فى تصميم مروحة الردياتير ......

    فعلا ردود التوكيل مستفزة و كلها التوكيل بيهرب فيها من المسئولية و يلقي باللوم على العميل
    لكن أنا بتحفظ برضه على نقطة الESP و التنبيه الصوتي لأن الوكيل مقالش إنهم موجودين من البداية و تركيبهم من عدمه شئ يخضع للوكيل و رؤيته السوقية و مهارات العاملين عنده

    اقتباس المشاركة الأصلية كتبت بواسطة Ashraf Fawzy مشاهدة المشاركة
    علماً بإن العربية تفتقد كثير من أساسيات الكماليات:

    (*) 1- العبقرى مصمم العربية حاطط فرامل اليد كلها تحت مسند الذراع (الكونسول) فى الهاى لاين, يعنى فى حالة الطوارئ لو فرامل العربية حصل فيها مشكلة, لازم الأول ترفع المسند و بعد كده تسحب فرامل اليد (إن شاء الله ساعتها هاتكون نزلت تحت المقطورة).

    * لو فى شركات تانية حاطه فرامل اليد كلها تحت الكونسول, مش معناه إن ده صح, إنتشار الخطأ مايخليهوش صح.

    (*) 2- لما بتوصل موبايلك فى شاحن العربية لازم تحطه على الكرسى - أو على حجر - اللى قاعد جنبك, ليه؟ الباشا المصمم نسى (معلش بقى, اصلها شركه جديدة واول مرة تعمل تصميم عربية) إنه يعمل فتحة فى ذراع المسند عشان تحط الموبايل المتوصل بالشاحن.

    * لو فى شركات تانية عامله كده, مش معناه إن ده صح, إنتشار الخطأ مايخليهوش صح.

    (*) 3- العربية النيسان - انا مش بعمل مقارنة - اللى نازلة من 4 سنين و كانت عامله 90 الف جنيه فيها اماكن تخزين فى التابلوه من فوق و فى الأبواب و زراير فى الأبواب و غلق كلى للشبابيك بضغطة زر و فيها abs, و يبقى الواحد دافع 136000 (ده السعر الرسمى) و محتاس انا و اللى معايا فى العربية, لا في مكان نحط الموبايلات, و اللى بيركب ورا بيدور على زراير الإزاز و مش عارف إنها فى ظهر مسند الذراع ( الشركة بتوفر فى الأسلاك, عشان كده حطه الزراير كلها فى وسط العربية من قدام لورا مش فى الأبواب).

    4- تعالوا بقى للناس اللى بتقول يا باشا إنت راكب ماركة شيك (يعنى إنت بتدفع 46000 جنيه عشان الشياكة و الماركة و التقفيل الأسبانى و الباركينج سينسور ونظام الـ ebd)

    - التقفيل الإسبانى و التصميم الفرنسى: (*) شفرة حادة تقطع خرطوم مية الردياتير.

    - تيل بيخلص قبل 10000 كيلو بوجيهات مسودة قبل 10000 كيلو و فلاتر تكييف و بنزين لازم تتغير كل كام الف كيلو (*) ولازم ترزع الأبواب عشان تتقفل و خلافه)

    (*) - الشياكة (وجهات نظر): و هيا الشياكة إن الواحد يميل يمين لما يجى يقفل / يفتح الإزاز, ولما يجى يجيب الموبايل او الفلوس الفكه (زى فى البنزينة) تميل شمال تحت عند الباب, ولما تيجى ترفع فرامل اليد تقول للى قاعد جنبك شيل إيدك من على المسند و خلى الموبايل المتوصل فى الشاحن فى إيدك و ذراع المالتيميديا اللى مالهوش لازمة لإنه ورا الطاره, و كل ده ليه؟ عشان يوفر كام 100 جنيه


    منهج التوفير (الذكى):

    1- مافيش كالون للباب اليمين و للشنطة (ما أخدتش بالى لإن فى ريموت)

    2- عدم رش دواخل العربية (برده ما أخدتش بالى لغاية واحد من الأعضاء ما قال عليها).

    منهج التوفير (الزيادة عن اللزوم):

    1- مافيش أى اماكن تخزين لا فوق التابلوه, ولا فى الأماكن العلوية للابواب.

    2- زراير الإزاز جنب الفتيس.


    فى رأى الشخصى, وجود الزراير فى الأبواب مع وجود مكان تخزين فوق التابلوه افضل من ذراع المالتيميديا اللى حاطه ورا الطاره, على الأقل الواحد هايحس بشياكة البيجو.
    الجزئية دي أنا مش بلوم الوكيل عليها
    لأن المشتري شاف الكلام ده قبل الشراء و خد القرار
    مش من حقه بعد كده يقول للوكيل النقط دي مضايقاني
    و على فكرة وجود زراير الزجاج في الكونسول مش توفير..لأن ال206 كانت كده رغم إنها مش عربية إقتصادية و بتتباع في فرنسا و أوروبا الغربية


    اقتباس المشاركة الأصلية كتبت بواسطة Ashraf Fawzy مشاهدة المشاركة
    خلاصة الكلام, لازم نستمر فى توجيه طلبتنا على صفحة بيجو مصر على الفيسبوك, ويكون تحرك جماعى مش فردى, وفى خلال إسبوع نبدأ ننشر طلبتنا على صفحة بيجو فرنسا, غير كده يؤسفنى إنى أقول إننا مش هانوصل لنتيجة إيجابية (اللهم إذا كان وضع إستيكر على خرطوم مية الردياتير كان مطلبنا الوحيد).


    اقتباس المشاركة الأصلية كتبت بواسطة Ashraf Fawzy مشاهدة المشاركة
    النقطة الأخيرة, هل إحنا فعلاً بنتحامل على الشركة؟
    من غير خوض في تفاصيل و مناقشة الدخول و الأوضاع السياسية و الإجتماعية
    مفيش حد من الملاك له رغبة في فشل الوكيل أو السيارة لأنه هيكون أول المتضررين
    محدش يقول إنتوا بتتحاملوا و شكوى كيدية و الكلام الفارغ ده
    لكن من حقنا جميعا نحصل على خدمة جيدة مقابل الفلوس اللي إحنا دفعناها و اللي لسه هندفعها
    و كفاية إننا يئسنا من الحصول على خدمة جيدة في المصالح و الهيئات الحكومية
    يبقى على الأقل نحصل على ده في مقابل فلوسنا اللي تعبنا فيها

    تحياتي لشخصك المحترم
    و متشغلش بالك بالألقاب كلنا عبيد لله


  6. #6

    الصورة الرمزية Ashraf Fawzy

    رقم العضوية : 156703

    تاريخ التسجيل : 28Feb2014

    المشاركات : 309

    النوع : ذكر

    الاقامة : مصر

    السيارة: الله أعلم

    السيارة[2]: Peugeot 301 HL

    الحالة : Ashraf Fawzy غير متواجد حالياً

    افتراضي -

    اقتباس المشاركة الأصلية كتبت بواسطة mohamed_301 مشاهدة المشاركة
    كلامك سلييم جداا ومظبوط جداا ومافيش اى تحامل على التوكيل فى حاجة انا مش قادر اعمل شكوى عشان انا لسه عامل 255 كيلو مع اول صيانه
    هقول على كل الكلام اللى حضرتك قولته وموضوع الزراير دة انا مش شايف فيه اى توفير غير انك بتكون مضايق لما بتقفل او تفتح الازاز
    وكل اللى اتوفر فى الزراير هو زرار واحد زيادة موجود على باب الراكب الامامى ... ولولا تنبيهك لقطع الخرطوم كان زمانه اتقطع عندى عشان وانا برخص كان عايز يحركه قولتله ابعد عنه واعمل اى حاجة وهو ف مكانه وفعلا مجاش جنبه بشكرك جداا لتنبيهك
    والعربية معايا اوتوماتيك ومش هقدر اقول حاجة على فرامل اليد عشان معنديش مسند
    وردود التوكيل مستفزه جدا
    انا مستنى اروح بس وعمل معاهم الواجب لو حصل اى تقصير او بمعنى اصح استهبال
    والكنترول دة هطلبه منهم ومش همشى الا وهو معايا ان شاء الله
    ولو حصل حاجة ف التيل قبل 10000 هغيره ف الضمان ومش هدفع اى حاجة ... بس عندى سؤال هو المفروض يقعد قد اية 20 الف ولا اقل ؟
    ربنا يباركلك فى العربية و يحفظك و يحفظها, و لا شكر على واجب, الحمد لله إن تجربتى مع خرطوم مية الردياتير حفظت ناس تانية من الوقوع فى نفس المشكلة, وأتمنى إن الشركة تاخد خطوات جدية لحل الموضوع ده و فى أسرع وقت, لإنه ممكن لا قدر الله يتسبب فى حادثة لسائق العربية, ناهيك عن المسائلة القانونية, يبقى فى مراعاة أخلاقية طالما وصل لعلمهم حاجة زى دى.


    بالنسبة لموضع زراير الإزاز هو فعلاً مزعج, بس على ما أعتقد إنه مش هايكون عامل فاصل فى تحديد قرار الشراء من عدمه - حتى بالنسبة ليا لما إشتريتها - لكن انا ذكرته و ذكرت موضوع فرامل اليد اللى تحت المسند (وده أنا بعتبره تقصير فى عوامل الأمان اللى لابد من مراعاته فى التعديلات القادمة) عشان اوضح إن تصميم العربية مش كامل, وزى ما إحنا بنتحمل و نتقبل حاجات زى دى, يبقى المفروض التوكيل يمد إيده لعملاءه و يشوف هما عايزين إيه, و يحاول يرضيهم (المفروض إنهم بيكسبوا عملاء للمستقبل, مش عميل ترانزيت هايشترى مرة فى العمر).

    بالنسبة لموضوع غطا الكنترول انا برده هافضل وراهم لغاية ما اجيبه منهم, و هاحاول أاجل صيانة الـ 2500 بقدر الإمكان لغاية مانشوف هل عندهم نية للحفاظ علينا كعملاء و لا لأ.


    سؤالك بالنسبة للعمر الإفتراضى للتيل هو اللى محير ناس كتيرة و منهم انا, شوية يقولوا لبعض العملاء ده حسب الإستهلاك, ولما الناس بدأت تشتكى قالوا الحد الإدنى 10000 كيلو و تغييره فى الضمان لو إحتاج تغيير قبل كده (لما نشوف هايصدقوا فى الكلام ده و لا لأ).

    المتعارف فى التيل إنه يفضل لـ 20000 ولـ 30000 كيلو و يمكن اكثر, بس وصل لعلمنا من بعض أعضاء المنتدى هنا إن بيجو - وشركات اخرى زى bmw - بتستخدم نوع جديد صديق للبيئة خالى من الإسبستوس المسبب للسرطان, وعشان كده عمره الإفتراضى الإقصى 15000 كيلو.

    و لما سألت فى خدمة العملاء قالولى إن المهندسين بيقترحوا على العميل تغيير التيل فى صيانة الـ 10000 كيلو لو لاحظوا إن التيل فاضل عليه كام الف كيلو و مش هايكمل معاه لغاية الـ 20000 كيلو, توفيراً على العميل إنه يروح مركز الصيانة تانى عشان يغير التيل و بعد كده يروح تانى فى صيانة الـ 20000.

    وده غالباً الرأى الراجح بالنسبة لموضوع تآكل التيل, وطبعاً ده برده هايتأثر بطبيعة الطريق اللى بتسوق عليه, طريق داخلى و مطبات و زحمة كل شويه و هاتدوس فرامل, يبقى التيل هايخلص بدرى, بتسوق على طرق مفتوحة و سريعة, يبقى التيل هايعمر اكثر.

    علماً - و من غير ما اسببلك حيره - لما سألت خدمة العملاء هل التيل بيخلص بسرعة لإنه خالى من مادة الإسبستوس, كانت إجابته لأ, ده حسب إستخدام العميل.


  7. #7

    الصورة الرمزية Ashraf Fawzy

    رقم العضوية : 156703

    تاريخ التسجيل : 28Feb2014

    المشاركات : 309

    النوع : ذكر

    الاقامة : مصر

    السيارة: الله أعلم

    السيارة[2]: Peugeot 301 HL

    الحالة : Ashraf Fawzy غير متواجد حالياً

    افتراضي -

    اقتباس المشاركة الأصلية كتبت بواسطة hema_basha مشاهدة المشاركة
    كلام جميل من انسان محترم علشان كده انا اول واحد مش هيسكت عن حقه انا عندي مشكلتين دلوقتي هي التيل والاستهلاك العالي للبنزين
    والتيل طبعا انا مش هركب النوع بتاعهم ده تاني نهائي وفعلا بدور علي الحل البديل ولقيت تيل بيجو 207 مطابق لتيل 301 وان شاء الله هبدا التجربة ولو تمام يبقي خير ليا وللجميع
    والاستهلاك ان شاء الله هشوفله حل قريب
    ربنا يبارك فيك على كلامك الجميل, و أنا ماقدمتش حاجه اكتر من مشاركاتكم الجميلة اللى كنت و مازلت بتعلم منها كل يوم, وعسى إن تجربة تيل الـ 207 تنجح و تحل مشكلتنا, بس يا ترى سعره الأصلى عامل كام؟ هل ممكن تركيبه بره التوكيل؟ فى المتوسط تيل الـ 207 بيعمل كيلوات قد إيه؟

    ربنا يوفقك فى حل مشكلة الإستهلاك (لغاية يومين فاتوا كان معدل الإستهلاك عندى 11.2 ليتر لكل 100 كيلوعلى مدار حوالى 2000 كيلو, المهم مونت من بنزينة توتال مرتين, فضل نفس معدل الإستهلاك, و من يومين صفرت العداد عن طريق الضغط على زرار المساحات لمدة ثوانى, بعديها لاحظت معدل الإستهلاك على شاشة الكاسيت نزل لـ 9.3 ليتر لكل 100 كيلو, مش عارف بقى هل البنزينة الجديدة هى السبب, ولا موضوع الريسيت هو السبب, ادينى مع البنزينة الجديدة لغاية ما أشوف)


  8. #8

    الصورة الرمزية Hema_Basha

    رقم العضوية : 140967

    تاريخ التسجيل : 16Apr2013

    المشاركات : 609

    النوع : ذكر

    الاقامة : damietta

    السيارة: لا يوجد

    السيارة[2]: peugoet 301 A/T 2014.

    الحالة : Hema_Basha غير متواجد حالياً

    افتراضي -

    اقتباس المشاركة الأصلية كتبت بواسطة Ashraf Fawzy مشاهدة المشاركة
    ربنا يبارك فيك على كلامك الجميل, و أنا ماقدمتش حاجه اكتر من مشاركاتكم الجميلة اللى كنت و مازلت بتعلم منها كل يوم, وعسى إن تجربة تيل الـ 207 تنجح و تحل مشكلتنا, بس يا ترى سعره الأصلى عامل كام؟ هل ممكن تركيبه بره التوكيل؟ فى المتوسط تيل الـ 207 بيعمل كيلوات قد إيه؟

    ربنا يوفقك فى حل مشكلة الإستهلاك (لغاية يومين فاتوا كان معدل الإستهلاك عندى 11.2 ليتر لكل 100 كيلوعلى مدار حوالى 2000 كيلو, المهم مونت من بنزينة توتال مرتين, فضل نفس معدل الإستهلاك, و من يومين صفرت العداد عن طريق الضغط على زرار المساحات لمدة ثوانى, بعديها لاحظت معدل الإستهلاك على شاشة الكاسيت نزل لـ 9.3 ليتر لكل 100 كيلو, مش عارف بقى هل البنزينة الجديدة هى السبب, ولا موضوع الريسيت هو السبب, ادينى مع البنزينة الجديدة لغاية ما أشوف)
    عاوز اوضح نقطة تصحيح لابوهند اني اول مرة غيرت التيل كان علي 9000 كم وطبعا بعد مشكلة معاهم اتغير في الضمان تاني مرة التيل خلص علي 18000 كم وانا اللي دفعت تمنه
    فانا مش عارف هل المفروض ان كل 9000 كم اروح اغير تيل دي حاجة من رابع المستحيلات ان كل صيانة اروح ادفع بس تمن تغيير تيل بالضريبة والمصنعية 600 ج
    فانا اقترحت علي واحد صاحبي ميكانيكي وبما انه بيفهم في العربيات اديته التيل اللي انا مغيره وقولتله شوفلي حاجة زي دي لقيته كلمني قالي التيل بتاع 301 يمشي معاه تيل 207 زي ما استاذ عمرو السقا قالي وسالته علي السعرقالي 200 ج وصناعة تركية بس بيقولي كويس جدا فانا قولتله هاته وهخليه عندي علشان لما اللي معايا يخلص اركب ده والتوكيل ملوش حاجة عندي هي مش كده ولا كده قطع استهلاكية وانا قولتلهم اخر مرة في التوكيل اني مش هركب النوع ده تاني في عربيتي انا حر فيها وبعدين انا مش قاعد بطبع فلوس علشان كل صيانة اروح ادفع 600 ج بس تغيير تيل لا انا ادفع في حاجة تستاهل وتقعد معايا وتوفرلي مش تخسرني
    وبعدين هي كده كده تجربة مش هخسر حاجة نفعت كان بها منفعتش هشوف حل تاني
    وكنت بحثت قبل كده علي النت لقيت شركة ebc منزلة تيل للبيجو 301 وطبعا ebc غنية عن التعريف بما انها تاني احسن شركة مصنعة للفرامل بعد شركة brembo وكان تمنه 50 يورو اه انا ممكن اجازف برضه واجيبه وادفع فلوس بس هتبقي اكيد حاجة تستاهل مش زي اللي بيحطوه ده
    وفي الاخر برضه ربنا يقدم اللي فيه الخير

    Www.facebook.com/groups/peugeot.301.fans


  9. #9

    الصورة الرمزية faroojj

    رقم العضوية : 156554

    تاريخ التسجيل : 25Feb2014

    المشاركات : 174

    النوع : ذكر

    الاقامة : New Cairo

    السيارة: نيسان

    السيارة[2]: سكودا

    الحالة : faroojj غير متواجد حالياً

    افتراضي -

    موضوع شيق


  10. #10

    الصورة الرمزية medori

    رقم العضوية : 125828

    تاريخ التسجيل : 08Jun2012

    المشاركات : 574

    النوع : ذكر

    الاقامة : cairo

    السيارة: Megane II 06 M/T

    السيارة[2]: Peugeot 301 HL

    دراجة بخارية: N/A

    الحالة : medori غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Hema_Basha مشاهدة المشاركة
    عاوز اوضح نقطة تصحيح لابوهند اني اول مرة غيرت التيل كان علي 9000 كم وطبعا بعد مشكلة معاهم اتغير في الضمان تاني مرة التيل خلص علي 18000 كم وانا اللي دفعت تمنه
    فانا مش عارف هل المفروض ان كل 9000 كم اروح اغير تيل دي حاجة من رابع المستحيلات ان كل صيانة اروح ادفع بس تمن تغيير تيل بالضريبة والمصنعية 600 ج
    فانا اقترحت علي واحد صاحبي ميكانيكي وبما انه بيفهم في العربيات اديته التيل اللي انا مغيره وقولتله شوفلي حاجة زي دي لقيته كلمني قالي التيل بتاع 301 يمشي معاه تيل 207 زي ما استاذ عمرو السقا قالي وسالته علي السعرقالي 200 ج وصناعة تركية بس بيقولي كويس جدا فانا قولتله هاته وهخليه عندي علشان لما اللي معايا يخلص اركب ده والتوكيل ملوش حاجة عندي هي مش كده ولا كده قطع استهلاكية وانا قولتلهم اخر مرة في التوكيل اني مش هركب النوع ده تاني في عربيتي انا حر فيها وبعدين انا مش قاعد بطبع فلوس علشان كل صيانة اروح ادفع 600 ج بس تغيير تيل لا انا ادفع في حاجة تستاهل وتقعد معايا وتوفرلي مش تخسرني
    وبعدين هي كده كده تجربة مش هخسر حاجة نفعت كان بها منفعتش هشوف حل تاني
    وكنت بحثت قبل كده علي النت لقيت شركة ebc منزلة تيل للبيجو 301 وطبعا ebc غنية عن التعريف بما انها تاني احسن شركة مصنعة للفرامل بعد شركة brembo وكان تمنه 50 يورو اه انا ممكن اجازف برضه واجيبه وادفع فلوس بس هتبقي اكيد حاجة تستاهل مش زي اللي بيحطوه ده
    وفي الاخر برضه ربنا يقدم اللي فيه الخير
    الله ينور يا هيما، كدة شغل تمام اوى، انا كدة شكلى هشد معاك فى موضوع التيل دة و بدل ما كل واحد يجيبوا لوحدة و ميعرفش يعملوا shipping لمصر ممكن نكلم اى تاجر فى بورسعيد، لو عرفنا نكمل عدد محترم، و نخلية يجيب طلبية لينا كلنا و نفكس لأم التيل بتاع التوكيل الزبالة دة خاصة ان الebc بتمنة و هيعيش قدة 3 او 4 مرات



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. تقرير عن السيارات من وجهة نظري الشخصية (شارك برأيك) وبدون زعل
    بواسطة amrnagy في المنتدى المنتــــــدى العـــــــــــام للسيــارات
    مشاركات: 50
    آخر مشاركة: 19-09-2010, 10:50 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2