مشكله فى لمبه الزيت

**allamgo** · 04-05-2014 12:43 AM

انا عندى مشكله كبيره وتعبت بجد منها محتاج رايكم فيها...
انا معايا سكودا a4 موديل 99 من فتره لمبه الزيت نورت معايا مشيت بيها العربيه بطلت العربيه روحت للميكانيكى غيرت وش سلندر استراد وفك الموتور كله واطمن ع الكرانك والسبيكا قفل العربيه اشتغلت كيسه اوى صوتها وسرعتها تمام تمشى مشوار طويل حوالى ساعه مثلا لمبه الزيت تنور اللمبه ابطل العربيه وادور تختفى روحت لميكانيكى تانى فك الموتور لتانى مره وغيرت سبيكا وخرطت كرانك وغير طربمه زيت وساعه الزيت قفل العربيه امشى بيها كويسه اوى افاجئئ بلمبه الزيت تنور ابطل وادور تختفى ده فى المسافات الطويله او اشغل المكيف تطفى المهم روحت لتوكيل سكودا نور الدين فى اسكندريه معرفش العيب بردو لمبه الزيت نورت معايا الصبح يعنى بقت بتنور فى المسافات القصيره وقفتها خالص وواحد صاحبى فك ساعه الزيت وشاف ضغط الزيت طلع ضعيف المهم غيرت طربمه الزيت وساعه الزيت لتانى مره استراد اشتغلت تمام وسافرت بيها تمام انهردا عملت نفس العطل معايا كنت فى طنطا ساعتها بالصدفه ميكانيكى شوفته بص عليها قالى فى ترشيح زيت تحت غطاء التكاهات وصوت الموتور خشن شويا دى عاوزه تتحل وش سلندر .. انا مش عارف اعمل ايه ياريت تفيدونى بجد.. ؟؟؟

**mido102** · 04-05-2014 02:04 AM

انا خبرتي قليله بس اغلب الناس هنا بيقولوا شورت بلوك وانا شايف ان في العربيه دي عين وربنا يكفيك شرالعين

**omaranes77** · 04-05-2014 02:48 AM

ربنا يكون في عونك
بوص ياباشا كانت عندنا مشكلة قريبة من دي
لمبة الزيت كانت تنور وتطفي بمزاجها
المهم كان اية الي بيحصل في زيت بينزل علي الحساس تنشف الحساس تبقي تمام
المهم غيرنا جوان غطا التكيهات بفت تمام
خلي بالك ان الهاشمية بتاعت قطع الغيار الاصلي
كانت بيعالنا ساعة زيت الفابيا ودي اصغر من الاوكتافيا
بس في حالة حضرتك بقي
لازم لازم تروح لفني اسكودا مش ميكانيكي عادي
اول ماتودهالة هيعرف بس لو فعلا هتغير جوان وحضرتك اساسا بتقول انك غيرت سبيكة وكرنك يبقي الافضل شورت بلوك وتريح دماغك تماما
اسف لو طولت عليك

**allamgo** · 04-05-2014 07:49 PM

والله هيا فعلا عين وان شاء الله انا ناوى فعلا ع شورت بلوك بس العطل ده فعلا صرف كتير اكتر من سعر موتور كامل يالا الحمد الله ع كل شئ

**allamgo** · 04-05-2014 08:27 PM

المشاركة الأصلية كتبت بواسطة omaranes77

ربنا يكون في عونك
بوص ياباشا كانت عندنا مشكلة قريبة من دي
لمبة الزيت كانت تنور وتطفي بمزاجها
المهم كان اية الي بيحصل في زيت بينزل علي الحساس تنشف الحساس تبقي تمام
المهم غيرنا جوان غطا التكيهات بفت تمام
خلي بالك ان الهاشمية بتاعت قطع الغيار الاصلي
كانت بيعالنا ساعة زيت الفابيا ودي اصغر من الاوكتافيا
بس في حالة حضرتك بقي
لازم لازم تروح لفني اسكودا مش ميكانيكي عادي
اول ماتودهالة هيعرف بس لو فعلا هتغير جوان وحضرتك اساسا بتقول انك غيرت سبيكة وكرنك يبقي الافضل شورت بلوك وتريح دماغك تماما
اسف لو طولت عليك

**sala7** · 05-05-2014 03:19 PM

الله يعينك على الشغل و فتح الموتور كذا مرة بدون داعي
الحل انك (تعمل فلش للموتور)
و المشكلة هتتحل
الا لو مضخة الزيت اساسا خربانة ده موضوع تاني
تطبق الخطوة الثانية بتغير المضخة اولا و بعد كدا نعمل (فلش)

**EngAhmedSayed** · 05-05-2014 05:08 PM

المشكلة دى مشكلة كهربا و كنت لازم تكشف بالكمبيوتر باكابل الفاج و شوف كدة لو العطل مكتوب و جانبه low voltage اعرف انى فى فردة سلك ارضى مهربة لا نى دى وله مشكلة طلمبة زيت و له ساعة زيت و له فلتر و له زيت جرب واكشف كمبيوتر
لانى انا عندى المشكلة دى فى الفابيا و دة اخر حاجة و صلت ليها و موضوع طلمبة الزيت لو فيها مشكلة الموتور هيقفش على طول
فا بدور على كهربائى محترف يشوفلى الموضع ده
وساعة الزيت الفابيا هى بتاعة الاوكتافيا a4 واحد
ربك المستعان
و متابع بأهمية

**allamgo** · 05-05-2014 08:07 PM

المشاركة الأصلية كتبت بواسطة EngAhmedSayed

المشكلة دى مشكلة كهربا و كنت لازم تكشف بالكمبيوتر باكابل الفاج و شوف كدة لو العطل مكتوب و جانبه low voltage اعرف انى فى فردة سلك ارضى مهربة لا نى دى وله مشكلة طلمبة زيت و له ساعة زيت و له فلتر و له زيت جرب واكشف كمبيوتر
لانى انا عندى المشكلة دى فى الفابيا و دة اخر حاجة و صلت ليها و موضوع طلمبة الزيت لو فيها مشكلة الموتور هيقفش على طول
فا بدور على كهربائى محترف يشوفلى الموضع ده
وساعة الزيت الفابيا هى بتاعة الاوكتافيا a4 واحد
ربك المستعان
و متابع بأهمية

**allamgo** · 06-05-2014 02:08 AM

طيب انا عشان اتاكد ان ده عطل كهرباء يابشمهندسEngAhmedSayed زى ما بتقول امشى عادى ع لما اللمبه تنور واشوف الموتور سليم ولا لالا ولا اعمل ايه الحاجه التانيه انا قصت الزيت انهردا طلع ناقص ربع كيلو ده ممكن يكون كلام omaranes77 سليم ع كدا والمشكله غطا ء التكيهات السبب بيسرب زيت ع الحساس ؟ انا اللمبه لما بتنور معايا ببطل وادور تختفى اللمبه ولو ظهرت فى ساعتها تانى بسيب العربيه ساعتين وبتختفى وبمشى عادى وتظهر تانى بعديها بساعه وبردوا فى اكتر الاوقات مش بتحصل فى الغالب فى الحر الجامد او لما تمشى مشوار سخن اوى ياااريت بجد تفيدونى