الموضوع: عايز اشترى بيتلز

اسف لتدخلى بس حضرتك باللى انت طالبه ده محتاج عربيه فيات البيتلز ليها ناسها واللى بيشتغلو فيها
وبالنسبه للاعطال كل العربيات بتعطل حتى الزيرو والمستعمل بالزات لو قديم ومحتاج صيانه اكيد حيعطل كل شويه البيتلز ممكن تكون حاجتها معمره شويه عن الفيات بس حاجتها غاليه وانقرضت وحتتعبك الفيات حاجته عند البقال زى ما بيقولو
كل الاحترام للبيتلز عربيه جميلله بس لواحد شاب غاوى عربيات وحيعرف يتصرف معاها ولو عطلت ممكن يسيها يكمل مشى ولو وقفت على قطع غيار ممكن يسيبها اسبوع ولا اتنين مفيش مشكله لكن انت طالب حاجه تمشيك وتشيلك

اكيد لو حالتها كويسه وصاحبها مكانش بيستخسر فيها يبقى حتريحك جدا والكلام ده قاعده فى كل المستعمل مش فى البيتلز بسسسسسس

والبيتلز لو سليمه عادى سافر بيها اى حته هى اصلا كانت معموله عشان تمشى فى الصحرا والحر بس اهم حاجه تلاقى الحاله الكويسه لان للاسف اغلب اللى حتلاقيه معروض للبيع حتلاقيه طالع عينه ومتهان

المشاركة الأصلية كتبت بواسطة reddragonmezo

بالنسبة للمقارنة بين البيتلز واى فيات من اى موديل مقارنة لاتجوز تماما ! ......... ليه؟ علشان الفيات اشهر موديل فيها لم ينتج لاكثر من 20 سنة اما البيتلز بتنتج بنفس الشكل من سنة 1945 واخر انتاج ليها كان سنة 2003 بنفس الشكل والمواصفات يعنى تقريبا انتجت اكثر من 50 سنة ثانيا مستحيل عربية اخر موديل ليها كان 2003 ان قطع غيارها متبقاش موجود مستقبلا لمدة 30 سنة على الاقل ............. محلات قطع الغيار فى مصر ----- صلاح وسامى شاكر فى صلاح الدين روكسى--------- جولف سنتر عمارات الشرطة جسر السويس (بالنسبة لانى من سكان شرق القاهرة) المستعمل الوكالة او عزبة شلبى او الحرفيين وفى محلات اكثر من كدة فى الجيزة بالتحديد فى شارع فيصل وبالمناسبة كل الميكرباصات فى شارع الهرم وفيصل فولكس وهى هى الماتور بتاع البيتلز وطقم الفرامل واجزاء كتير من العفشة ...................... لو انت ناوى تسافر كتير هتصمد معاك بس تكون مراعى الصيانة بتاعتها ....دقات النقص بتاعتها اقل من الفيات بمراحل كتيرة جدا جدا ..............................................لو عايز اى استشارة انا معاك

باشا ال 128 موجود منها لحد 2006 وكانت بتتبع فى المعارض لحد 2009 وتمنها كان من 36 الف لحد 40 الف واتفرجت عليها زيرو وهى واقفه فى المعرض
وقطع غيارها موجوده حتى فتره قصيره فى مخازن شركه النصر التوكيل والمصنع بتاعها والناس كانت بتشترى من هناك قطع غيارها عادى
وبص بصه على كونتاكت كده حتلاقى 128 الفينات وتسعينات كتييييييييير معروض للبيع لكن البيتلز فيه منها كام واحده فى مصر الفينات ؟؟؟؟؟؟؟؟؟
وال 132 موجود منها الفينات وحالات ممتازه وعربيه بيتقال عليها مرسيدس الفيات باور وتكييف وازاز كهربا وشنطه واسعه و4 ابواب

وعموما كل ده ملوش دعوه باللى انا بتكلم فيه انا بتكلم على سهوله الصيانه اى صبى مكانيكى حافظ الفيات وتوافر قطع الغيار عند عى محل جنب البيت ده حتى الصنايعيه عندهم قطع غيارها
واظن ده اللى بيسأل عليه صاحب الموضوع عشان كده اتكلمت لانه عاوز يركب المانى وبيسأل على الصيانه وسهوله التصليح والوقفه عند المكانيكيه عشان لو عطلت بيه فى حته مقطوعه

ومش شرط كمان فيات فيه كمان اللادا دى عربيه بتاعه خدمه شاقه ومشاوير وقطع غيارها زيها زى الفيات وصيانتها هى هى الفيات برضه

انا بتكلم فى اللى يناسب اللى طالبه صاحب الموضوع لكن لو حنتكلم انهى الاحسن دى قصه تانيه ممكن توصلنا للمرسيدس وال bmw