فراملك يا لوجان !

**Mico_Mico** · 05-05-2014 05:01 PM

النهاردة عملت تيست درايف بسيط على عربية اخويا اللوجان 2011 الشكل القديم طبعا
فووووووووووووووووجئت ان الفرامل قوية جدا غير الفيرنا الحقيرة اللى كانت معايا 5 سنين
انا كنت بفكر قبل مجيبها اعلى للفئة التالتة ام 92 الف عشان الايه بى اس - بس دلوقتى بفكر اجيب الاولى او التانية على امل ان فرامل الجديدة تبقى زى القديمة
حد معاه الشكل الجديد يقوللى فراملها عاملة ازاى بافتراض انو مش جايب ايه بى اس؟

**gebreel** · 05-05-2014 05:14 PM

الabs مبيقويش الفرامل، الabs بينجد في الزيت و الرمل و يخليك تعرف تناور وانت بتفرمل

**تامر.محمد** · 05-05-2014 05:29 PM

الاغلب ان شاء الله انها هاتبقى زيها
بس عموما لو تقدر تعلى بفئة العربية يبقى احسن و انت الكسبان

**gebreel** · 05-05-2014 05:33 PM

انا مقصدش يا باشا، اللي بتكلم فيه ان الabs مهم بس لو قارنت عربيتين من نفس النوع واحدة بabs و واحدة منغير abs و فرملت بنفس قوة الفرملة بدون ما يحصل lock للعجل هتبقى قوة الفرملة واحد

و انا لو مكانك هجيب الفئة اللي فيها abs

و عموما العربيتين نسخة من بعض في الميكانيكا و العفشة و كل حاجة فالمفروض يبقوا زي بعض