صنى المفترى عليها

**medo-312** · 06-05-2014 03:42 AM

والله ياجماعة بقالى اكتر من شهر دماغى رايحة جاية .. عايز اجيب عربية فى حدود ال 190000 وكنت ناوى على السيراتو ال SX وقلت ابيع الصنى واكمل باقى الفلوس واخلص .. النهارده وقفت قدام عربيتى وحاسس انها بتلومنى وكأنها بتقوللى هو انا قليت اصلى معاك مانا مستحملاك ومقضيالك مشاويرك وسفرك وعمرى ماخذلتك .. ودى حقيقة وللأمانة ماشفتش منها ألا كل خير من يوم ماجبتها السنة اللى فاتت

قلت لنفسى هى شوارعنا دى يترمى فيها عربية ب 200000 الف جنيه ؟؟ هى الظروف الامنية اللى فى بلدنا تخلينى اغامر ب عربية ب 200000 الف جنيه !! هو علشان اتمنظر بعربية براند او فئة اعلى ارمى عربية ماشفتش منها مشكلة نهائى !!! هما القرشين اللى معايا مش احسن اسيبهم للزمن فى ظل ظروف البلد دى !! .. وأخيرا اخدت قرارى انى احتفظ بعربيتى الأصيلة وربنا يديمها نعمة يارب ومعاكم وعلى قلبكم ياصقور نيسان وربنا مايحرمنا منكم ولايحرمكم من العبد لله

**Ahmed.Essam** · 06-05-2014 03:59 AM

والله اليومين دول الواحد بقا فعلا يخاف يشتري عربية غالية لو مش عشان السرقة هيبقى عشان الظروف الغير مستقرة والفلوس اللي ممكن فجأة نحتاجها في اي ازمة لا قدر الله
ربنا يباركلك في عربيتك ويحفظهالك

**abohend** · 06-05-2014 04:04 AM

عين العقل
متدفعش مبلغ زي ده فعربية بدل مرتاح مع عربيتك

أنا عن نفسي هدفع 200 الف في عربية لو معايا زيهم للزمن و قدهم مرتين اكبر الشقة
يعني اطلع 25% بس من مدخاراتي عشان اجدد العربية
كل ده طبعا بدل عربيتك مريحاك
لكن لو طرأ جديد على حياتك استلزم التغيير يبقى ماشي (ترقية-زيادة عدد اﻷسرة-...)

**medo-312** · 06-05-2014 04:19 AM

المشاركة الأصلية كتبت بواسطة ahmed.essam

والله اليومين دول الواحد بقا فعلا يخاف يشتري عربية غالية لو مش عشان السرقة هيبقى عشان الظروف الغير مستقرة والفلوس اللي ممكن فجأة نحتاجها في اي ازمة لا قدر الله
ربنا يباركلك في عربيتك ويحفظهالك

المشاركة الأصلية كتبت بواسطة abohend

عين العقل
متدفعش مبلغ زي ده فعربية بدل مرتاح مع عربيتك

أنا عن نفسي هدفع 200 الف في عربية لو معايا زيهم للزمن و قدهم مرتين اكبر الشقة
يعني اطلع 25% بس من مدخاراتي عشان اجدد العربية
كل ده طبعا بدل عربيتك مريحاك
لكن لو طرأ جديد على حياتك استلزم التغيير يبقى ماشي (ترقية-زيادة عدد اﻷسرة-...)

الحمد لله لقيت حد يطمنى ان قرارى صح .. بس لو الظروف بقت احسن مافيش مانع نجدد برضه .. ربنا يبارك فيكوا

**Amr_tika88** · 06-05-2014 04:21 AM

عين العقل

**2CODE** · 06-05-2014 04:29 AM

كلامك سليم طالما العربية مكفياك وشغاله معاك تمام اغير ليه ؟؟؟؟

السيراتو الجديدة جميلة مفيش كلام ونقلة للامام لكيا عربية غريبة عن كيا تماماً

لكن العقل يتحدث !!!!! ليه اغير ما انا عربيتي مكفياني وزي الفل

أنا اتفق مع الاعضاء في ان لو زاد مرتبك او تحسن مستواك المعيشي اكتر يبقى تغير عربيتك ده حقك وده هيكون هدية من نفسك لنفسك على مجهودك اللي بذلته حتى الوصول لهذه الترقية او لزيادة المرتب ... الخ