الموضوع: سؤال للناس الفاهمة فى الدايو اللانوس بخصوص الرشاشات

المشاركة الأصلية كتبت بواسطة mostafa TaTa

انا مصطفى ولسة عضو جديد ..معاكو فى المنتدى وبصراحة إستفدت كتير اوى من الأعضاء هنا ]
المهم
انا معايا عربية دايو لانوس 1 موديل 1997 ((كورى))
انا ملاحظ ان العربية عندى شكل الماتور مختلف عن ماتور تانى بشوفه فى اللانوس
فى حد كان قالى ان ده الماتور الكبير بتاع النوبيرا و ده اللى بيكون جاى فى الموديل اللى جاى من بره !!!!!!! [IMG][/IMG]
للعلم هى 1500 cc
و ده رابط صورة الماتور
https://scontent-b-mxp.xx.fbcdn.net/...44346281_n.jpg
https://www.facebook.com/20985728570...type=1&theater

دة موتور 2 كامة 16 صباب حاجة محترمة يعنى بيطلع ازيد من 110 حصان فى حين ان موتور الانوس العادى بيطلع حوالى 85 حصان فقط
وياريت تقولو ليا فين فيشة الأوكنين واعملها ازاى ... ياريت أ/طارق أ/ مصطفى حسن و أ/ عصام والناس اللى زيهم فاهمين فى الدايو يساعدونى فى الموضوع ده

فيشة الاوكتان تحت الكرسى اللى جنب السائق تحت الموكيت ........رجع الكرسى لورا خالص او لقدام خالص

وحاول تدعبس عليها تحت الموكيت عميانى لحد ما تطلعها لانها احيانا بتبقى متدارية شوية

ولو انت بتحط بنزين 90 يبقى شيل الجمبر خالص ولو بتحط بنزين 92 يبقى اعمل القفلة بتاعة ال 95 يعنى السلك الاسود مع السلك الابيض فى بنى اللى جنبة

وبصراحة عندى مشكلة فى العربية اول لما بدور العربية بشم ريحة بنزين جامدة وفى دخان ابيض بيطلع فى الاول كده اول ما بشغل العربية وبيروح بعدها

الدخانة البيضا دى لو فيها سنة ازرق بسيط يبقى معناها جلب صبابات

وعرفت ان دى مشكلة رشاشات حاولت انضفهم و اشتريت إسبراى ونضفتها و كده لكن بردو مفيش نتيجة ايجابية واضحة
كل منظفات الرشاشات اللى بتباع اونطة وعن تجربة شخصية .........عايز تنضف الرشاشات يبقى جهاز الترا سونيك لو هيا الرفيعة لكن لو التخينة الفضى يبقى تغيرها احسن
و ان الرشاشات عاوزة تتغير سمعت عن موضوع رشاشات بى ام دبليو m40

وبفكر أركبها هل هينفع تتركب عندى فى اللانوس 1 ؟؟
واجيبها منين ؟؟ ولو جبتها من التوكيل هتبقى بكام تقريبا ؟؟
ولو استيراد هتبقى بكام ؟؟ ومين احسن جد يركبها ليا ؟؟