رأيكم فى الكلام ده

**mahmoud.s** · 07-05-2014 07:48 PM

السلام عليكم
انا زميلكم الجديد فى دايو
انا جاى من قسم اوبل كان عندى فيكترا 97 و بعتها و اشتريت نوبيرا 2006 اوتوماتيك فابريكا جوه و بره ان شاء الله هنزل صورها قريبا
المهم انا فحصت العربية قبل الشراء عن طريق واحد ثقه و قاللى العربية ممتازة آوعى تفوتك
المهم اخدت العربية من الراجل و استلمتها من ش فيصل و رحت مروحه بيته فى الشيخ زايد انا و الراجل اللى كشف على العربية و بعد ما نزلته جيت امشى حسيت فى العربية مع الطلعه انها
بتشخر ( اسف على التعبير ) المهم تانى يوم رحت للميكانيكى بتاعى و قولتله على اللى حاسس بيه و سيبتله العربية علشان كان عندى شغل و رجعت ﻻقيته مغير فلتر البنزين و الهوا و البوجيهات مركبها 2 شمعه بدل 1 شمعه اللى كان فيها و منظف البوابات بالاسبراى و قاللى كله تمام مش هتسمع اصوات تانى و فعلا ده اللى حصل
بس المهم انه قاللى على فكره الموتور ده خفيف و على فكرة العربية عامله 75 الف ك شرعى قولتله ازاى رد و قاللى بص و راح فاكك خرطوم الفايظ و قاللى شويه الدخان ده انا شفت دخان بسيط جدا فعلا بس و من ساعتها و انا مش مرتاح و مش عارف استمتع بالعربية و خايف امشى بيها حتى الفتيس عندى منه هسهس من زمان بتابعه الاقيه بينقل على 3 ار بى ام ما عدا الاولانى بينقل على 2 ار بى ام و دا شئ راعبنى
رأيكم ايه فى الكلام ده ارجو الافاده و يا ريت منسق القسم يرد علشان اتشرف بمعرفته و على فكرة محمد اخويا منسق قسم سيات
و شكرا على المتابعه و الافاده مقدما

**misoalex** · 07-05-2014 08:59 PM

باشا احب اقولك انت خلاص اشتريت استمتع وارمى كلام الصنايعيه ورا ضهرك عشان حتتعب
انا كمان لسه سايب قسم الفيات وركوبه الايطالى وقولت خلينى مع الموجه واللى ماشى واركب كورى وبعد ما اشتريت لقيت تقريبا مفيش فرق
نفس غباوه واستهبال الصنايعيه نفس مشاكل قطع الغيار المضروبه مع فرق بس ان فيه توكيل ممكن تشترى منه الاصلى
عاوز اقولك برضه وجدت مشكله فى الموتور بعد كام اسبوع وكل واحد ببفتى ويقولك عيب شكل وتقريبا فى الاخر عاوز عمره او يتغير مع انى كنت بسمع اشعار عن مواتير gm ويقولك معمره وبتعييييييش وكله طلع كلام ده الفيات مواتيره تستاهل جايزه نوبل فى الخدمه فى مصر واللى بيحصل فيها

الخلاصه اشترى دماغك وامشى بالعربيه واستمتع بفلوسك

**semmsem** · 07-05-2014 09:41 PM

اولا الف مبروك وربنا يباركلك فيها
ثانيا النوبيرا عربيه محترمه جدا جدا وماتخفش منها خالص
ثالثا النوبيرا كانت معايا عامله 230000 وماشيه زي الفل وبرضه ميكانيكى قالى الموتور خفيف روحت لواحد تانى قالى لا هوا تمام....الفايده طالما مابتكلش زيت وماشيه كويس يبقى تمام
رابعا ياريت تغير زيت الفتيس وتكشف على فلتر زيت الفتيس
خامسا واخيرا جيبتها بكام

**Omar Mahmoud** · 07-05-2014 11:04 PM

الف مبروك و ربنا يباركلك فيها.و انصحك تشوف ميكانيكي دايو ﻷن دي عمرها ما كانت و لا هتكون طبيعة مواتير gm

**laion79** · 07-05-2014 11:17 PM

مبروك عليك اهم حاجه خلى بالك من الزيت والميه واجرى واعمل اللى ف نفسك فيه ومتقلقش وسيبك من الفتايين ولو لسه عايز تتطمن اكبس المتور فى اي بنزينه كبيره ومرحبا بيك فى القسم وانا وكل اعضاء القسم تحت امرك فى اى سؤال

**kokowasfy** · 07-05-2014 11:36 PM

الف مبروك وربنا يباركلك فيها

**mahmoud.s** · 08-05-2014 01:27 AM

المشاركة الأصلية كتبت بواسطة misoalex

باشا احب اقولك انت خلاص اشتريت استمتع وارمى كلام الصنايعيه ورا ضهرك عشان حتتعب
انا كمان لسه سايب قسم الفيات وركوبه الايطالى وقولت خلينى مع الموجه واللى ماشى واركب كورى وبعد ما اشتريت لقيت تقريبا مفيش فرق
نفس غباوه واستهبال الصنايعيه نفس مشاكل قطع الغيار المضروبه مع فرق بس ان فيه توكيل ممكن تشترى منه الاصلى
عاوز اقولك برضه وجدت مشكله فى الموتور بعد كام اسبوع وكل واحد ببفتى ويقولك عيب شكل وتقريبا فى الاخر عاوز عمره او يتغير مع انى كنت بسمع اشعار عن مواتير gm ويقولك معمره وبتعييييييش وكله طلع كلام ده الفيات مواتيره تستاهل جايزه نوبل فى الخدمه فى مصر واللى بيحصل فيها

الخلاصه اشترى دماغك وامشى بالعربيه واستمتع بفلوسك

المشاركة الأصلية كتبت بواسطة semmsem

اولا الف مبروك وربنا يباركلك فيها
ثانيا النوبيرا عربيه محترمه جدا جدا وماتخفش منها خالص
ثالثا النوبيرا كانت معايا عامله 230000 وماشيه زي الفل وبرضه ميكانيكى قالى الموتور خفيف روحت لواحد تانى قالى لا هوا تمام....الفايده طالما مابتكلش زيت وماشيه كويس يبقى تمام
رابعا ياريت تغير زيت الفتيس وتكشف على فلتر زيت الفتيس
خامسا واخيرا جيبتها بكام

المشاركة الأصلية كتبت بواسطة omar elgezeiry

الف مبروك و ربنا يباركلك فيها.و انصحك تشوف ميكانيكي دايو ﻷن دي عمرها ما كانت و لا هتكون طبيعة مواتير gm

المشاركة الأصلية كتبت بواسطة laion79

مبروك عليك اهم حاجه خلى بالك من الزيت والميه واجرى واعمل اللى ف نفسك فيه ومتقلقش وسيبك من الفتايين ولو لسه عايز تتطمن اكبس المتور فى اي بنزينه كبيره ومرحبا بيك فى القسم وانا وكل اعضاء القسم تحت امرك فى اى سؤال

المشاركة الأصلية كتبت بواسطة kokowasfy

الف مبروك وربنا يباركلك فيها

متشكر جدا يا جماعة و ربنا يبارك فيكوا جميعا

**egyptiandiver** · 08-05-2014 01:56 AM

الف مبروك و ربنا يباركلك فيها...

**tarek_2005** · 08-05-2014 09:44 AM

اولاً مبروك (( ربنا يمتعك بخيرها ويكفيك شرها ))
ثانياً الميكانيكي ده مترحلهوش تاني ليه لانه بوظ الطبخة علشان بقرش ملح عمل سرفيس كامل ونسي يغيرك سير المجموعه وسير الكاتينة والبلية والشداد والزيوت انتا شاري عربية مستعملة
ثالثاً حتي لو الموتور خفيف لا تبكي علي اللبن المسكوب مشي حالك بيها فترة وخلص علي الموتور ده لو بتحب الشد والجري وبعدين ابقي غيره
رابعاً موضوع النقل علي 3 ار بي ام مش مشكلة ولو عايز اقل منكده راجع علي سلك الكيك داون

واخيراً انا الي ليا الشرف اني اتعرف بيك