شحنت التكيف بنفسي

**mody112** · 28-05-2014 02:46 PM

الله ينور عليك
ما تشوفلك دكان صغير كده خالص ونجيلك كلنا نشحن عندك واهو نبقى استفدنا من خبرتك وتجربتك واترحمنا من الصنايعية ومصنعياتهم العالية نار وشغلهم المقرف وكمان انت تستفيد ماديا ( لاننا طبعا هندفعلك اتعاب بس طبعا مش هتبقى غالية زى الصنايعية الجشعة ) ويابخت مين نفع واستنفع
ايه رايك ؟

**abdelhaleem** · 30-05-2014 04:13 PM

المشاركة الأصلية كتبت بواسطة devoelgendy

طيب انا عايز اشترى اورنج ده اجيبه منين ؟؟؟

وحد عنده فكره عن الابره لو بتنفس تتغير ازاى او حلها ايه ؟؟

والزيت 134 ده جيبته منين ونوعه ايه

يا باشا الاونج ده عند محلات قطع غيار السيارات او الغسلات والتلاجات بس فكه الاول عشان تجيب نفس المقاس
بالنسبه للابره مبتتصلحش لازم تغير الماصورها كلها بالبلف بس الاول حاول معها ممكن تقفل
وعلبة الفريون بردو عند محلات قطع غيار الغسلات والثلاجات او من شارع كاود بك العتبه وفيه منها كيلو وفي نصف كيلو بالنسبه للنوع ( اولاد رزق الله) احسن نوع موجود في السوق بس متنساش الزيت

**abdelhaleem** · 30-05-2014 04:25 PM

المشاركة الأصلية كتبت بواسطة mody112

الله ينور عليك
ما تشوفلك دكان صغير كده خالص ونجيلك كلنا نشحن عندك واهو نبقى استفدنا من خبرتك وتجربتك واترحمنا من الصنايعية ومصنعياتهم العالية نار وشغلهم المقرف وكمان انت تستفيد ماديا ( لاننا طبعا هندفعلك اتعاب بس طبعا مش هتبقى غالية زى الصنايعية الجشعة ) ويابخت مين نفع واستنفع
ايه رايك ؟

اشكرك انا فعلا عندي مخزن وعندي عده
انا تحت امركم

**ahmedamgad18** · 31-05-2014 02:22 PM

استفسار يا باشا انا معايا صنى 2008 ؛ وتكييف بتاعها تمام الحمد لله وكنت لسه عازل كمان المواسير والاداء اتحسن .
كنت بستفسر لو انا فكيت المروحة اللى فى تابلوه العربية عشان انظفها ... هل سيضيع شحن التكييف ؟؟
طيب لو كمان حبيت انظف الثلاجة اللى فى التابلوه برضه ... هل سيضيع شحن التكييف ايضا ؟؟
واشكرك

**abdelhaleem** · 31-05-2014 04:00 PM

المشاركة الأصلية كتبت بواسطة ahmedamgad18

استفسار يا باشا انا معايا صنى 2008 ؛ وتكييف بتاعها تمام الحمد لله وكنت لسه عازل كمان المواسير والاداء اتحسن .
كنت بستفسر لو انا فكيت المروحة اللى فى تابلوه العربية عشان انظفها ... هل سيضيع شحن التكييف ؟؟
طيب لو كمان حبيت انظف الثلاجة اللى فى التابلوه برضه ... هل سيضيع شحن التكييف ايضا ؟؟
واشكرك

لا يا باشا طبعا عمره مهيضيع عشان المروحه ملهاش علاقه بموسير التكيف ولا بالتلاجه هيه بتبقي ركبه علي التلاجه وبتتفك لوحده
بالنسبه للتلاجه حضرتك هتنضفها من غير متفكها لو هتغسلها بالميه حاول تحط مشمع عشان متغرقش الدنيا ميه بس طبعا بالبلور الاول
انما في حالة فكيت التلاجه نفسها طبعا هتفك المواسير وبالتاكيد الفريون هيطير

**ahmedamgad18** · 31-05-2014 04:09 PM

المشاركة الأصلية كتبت بواسطة abdelhaleem

لا يا باشا طبعا عمره مهيضيع عشان المروحه ملهاش علاقه بموسير التكيف ولا بالتلاجه هيه بتبقي ركبه علي التلاجه وبتتفك لوحده
بالنسبه للتلاجه حضرتك هتنضفها من غير متفكها لو هتغسلها بالميه حاول تحط مشمع عشان متغرقش الدنيا ميه بس طبعا بالبلور الاول
انما في حالة فكيت التلاجه نفسها طبعا هتفك المواسير وبالتاكيد الفريون هيطير

اشكرك يا برنس على الافادة ...
انا حاولت افك المروحة الاسبوع اللى فات بس الموضوع طلع صعب شويه عشان مكانها ضيق وفى مسامير كتير مش ظاهرة ... عاوزة الواحد ينام على ظهره عشان يقدر يتمكن من فكها .

ولو غسيل التلاجة اغسلها بمياه عادية ولا تنصحنى بحاجة معينة للغسيل ؟؟ والف شكر مرة اخرى

**abdelhaleem** · 06-06-2014 10:01 PM

اغسل بميه وصابون سايل ولو عندك رشاش ميه يكون احسن وطبعا لو فكيت الثلاجه خالص هتتمكن منها احسن انا عايز اعمل الموضوع ده بس المشكله في فك الطبلوه بس شغلانه كبيره وهتاخد وقت كبير وصبر كتير ربنا معاك وقولنا وصلت لحد فين

**مركز سمارت كار** · 07-06-2014 12:11 AM

المروحه ليس لها علاقه بالفريون

**ahmedamgad18** · 08-06-2014 11:48 PM

المشاركة الأصلية كتبت بواسطة abdelhaleem

اغسل بميه وصابون سايل ولو عندك رشاش ميه يكون احسن وطبعا لو فكيت الثلاجه خالص هتتمكن منها احسن انا عايز اعمل الموضوع ده بس المشكله في فك الطبلوه بس شغلانه كبيره وهتاخد وقت كبير وصبر كتير ربنا معاك وقولنا وصلت لحد فين

عملت اللى قلتى عليه يا باشا ... وقلت انزل النهاردة وفرصة اجازة وابدأ شغل من بدرى بدأت افك التابلو ثم الفيبرة اللى ورا التابلوه وكمان فبرة بالارضية ومسمار بالجنب رابط التابلوه ... وانكشفت كده امامى المروحة بداخل علبة بلاستيك كبيرة عبارة عن جزئين مربوطين بحوالى 7 مسامير المهم فكيتهم بعد ما اتعذبت بمعنى الكلمة .... نزلت المروحة وفكيتها من الموتور بس معرفتش افك الموتور من الجزء البلاستيك قلت مش مشكلة نظفته بمناديل والمروحة غسلتها غسلة محترومة......

ولكن المفاجأة اللى كانت غير متوقعة ان المروحة لايوجد فوقها اى ثلاجة ... قعدت ادور وابص والمكان ضيق جدااااا ... اكتشفت لما فتحت الكبوت اشوف المواسير التكيف داخلة فى اى جزء فى صدر العربية ... اكتشفت ان الثلاجة فى منتصف السيارة بالظبط ... بالظبط ورا الكاسيت ؟؟!! موجودة فى صندوق اسود وبه فتحة علوية مفتوحة على العلبة البلاستيك اللى فى اسفلها المروجة

طبعا دى اكيد عاوزة فك التابلوه؟؟!! ... والله اعلم ... بدات فى تركيب المروحة بعد التنظيف اخدت منى وقت شويه وجهد بس الحمد لله اتركبت وقبل ما اركب الفلتر وهو لسه جدية رشيت عليه برفان عشان يطلع الهواء رحت حلوة ... وطلعت البيت فرحان انى برده عملت حاجة كويسة معملتهاش قبل كده ..
النتيجة .... الرائحة اصبحت افضل بكتيررر من الاول انسياب الهوا افضل لحد ما ....
وحبيت انقل لكم التجربة ... واسف على الاطالة

**abasabnfernas** · 09-06-2014 11:43 PM

موضوع جميل احب ان اضيف عليه بعض الملحوظات
اولا الفريون المستخدم فى السيارات نوعين 134 صديق البيئة و يستخدم فى السيارات ما بعد مودل 1999 و بيكون مكتوب على شاسية العربية لو التكيف اصلى و بيكون مكتوب ايضا الكمية المفروض تستخدمها و النوع الثانى من الفريون و هو فريون 12 الضار بالبيئة و فى الغالب بيستخدم فى مودلات ما قبل 1999 و بيكون ايضا مكتوب على شاسة العربية لو التكيف اصلى
ثانيا لا يتم اضافة الزيت الى الفريون الا فى حالة تغير جزء جوهرى فى منظومة التكيف مثل الكباس.
ثالثا و هذا مهم جدا لا يجب نهائا خلط أنواع الفريون فخلطهم يؤدى الى انسداد انابيب المكثف.
و تقبلوا تحياتى