الموضوع: غيرت التيل فى التوكيل

المشاركة الأصلية كتبت بواسطة uoko000

تم تغيير تيل الفرامل الامامية فى التوكيل وهو فى الضمان انا كنت بشتكى من صوت صفارة فى الفرامل من 5000 كيلو ورحت فى 5000 غسلوا التيل وفكوه وابلغنى الفنى ان التيل كان متوسخ وتم نظافته وقالى ان اغسل كل اسبوعين التيل بمسدس ميه حتى انظفة بس انا ما كنتش مقتنع بالكلام ده المهم فعلا الصوت راح لمدة اسبوع بس وقلت ان التيل اتوسخ تانى رحت البنزيمة وغسلته طبعا كانت العربية باردة والصوت راح تانى بس كان بيظهر على اوقات بس لماوصلت 7000 ك الصوت بقى عامل زى صفارة الحكم فروحت تانى التوكيل وقالى نضف التيل تانى قلتله عملت كل شى والصوت ماراحش المهم خد العربية وبعد شويه قالى التيل بايظ وهيتغير فى الضمان طب ماكان من الاول ...

السؤال ... هو مش المفرود كان ادانى التيل القديم ؟؟؟ وهل التيل الجديد عليه ضمان برده ؟

لو دافع تمنه هيديهولك اما في الضمان مش هتاخد حاجة لان بيبعتوا القطعة البايظة لفرنسا علشان ياخدوا غيرها

اقرا الموضوع ده http://www.nilemotors.net/Nile/419982-301.html

المشاركة الأصلية كتبت بواسطة ahmed amin

الله ينور علي التوضيح يا زعيم.

منك نستفيد يا ريس:-)

الجانب المشرق إنه اتغير فالضمان
الجانب المظلم
1- 2000 كيلو من 5000 ل7000 أكيد أثروا على الطنابير
2- ثلاث مشاوير عشان يعترفوا و يغيروا (هو أحنا وقتنا ببلاش؟؟)
3- إن نفس التيل السئ ركب يعني كلها 5000 و تحتاج زيارة تانية و الله أعلم هيبقى فالضمان و لا لأ

إحنا في مرحلة المسكنات لكن لسه التوكيل مقدمش حل
موضوع التيل هو الموضوع المحوري دلوقت لأي مشتري أو مالك...لازم التوكيل يحل الموضوع ده جذرياً

شكرا لنقل التجربة

المشاركة الأصلية كتبت بواسطة abohend

الجانب المشرق إنه اتغير فالضمان
الجانب المظلم
1- 2000 كيلو من 5000 ل7000 أكيد أثروا على الطنابير
2- ثلاث مشاوير عشان يعترفوا و يغيروا (هو أحنا وقتنا ببلاش؟؟)
3- إن نفس التيل السئ ركب يعني كلها 5000 و تحتاج زيارة تانية و الله أعلم هيبقى فالضمان و لا لأ

إحنا في مرحلة المسكنات لكن لسه التوكيل مقدمش حل
موضوع التيل هو الموضوع المحوري دلوقت لأي مشتري أو مالك...لازم التوكيل يحل الموضوع ده جذرياً

شكرا لنقل التجربة

ما هو التوكيل طالما الحجة بتاعته ان سوء استخدام.
يبقي احنا نستفيد من المرة اللي هي في الضمان دي وبعد كده ندور علي حل تاني
انا قدامي 4000 كم واعمل صيانة 30000 كم وان شاء الله لو لقيت التيل اللي مغيره عندهم لتالت مرة فيه مشكله هركب التيل الجديد ان شاء الله