هشترى قشقاى وعايز مساعدتكم

**طارق _عبد السلام** · 09-05-2014 02:41 AM

السلام عليكم
انا سميت باسم الله وداخل القسم برجلى اليمين :)

اتفرجت على عربيه قشقاى 2012 اوتو لونها ذهبى ودفعت عربونها ليوم الاحد ان شاء الله

طلعت جربت العربيه ماحسيتش بالغربه بينها وبين اللفانتازيا يعنى ركوبه وصوت الموتور هادى وكنت وناس خوفتنى من الفتيس وقالوا هحس بنتشه لكن الصراحه حسيت ان العربيه مبتنقلش اصلا وتمام بس لما كبست للعربيه حسيت ببطىء استجابه منها والفرامل ماشاء الله المهم العربيه كانت مع واحد ...مش عايز اخد ذنب بقى محتاجه نضافه من جوه مخادع اليد فى الابواب لونها بيج ومتسخه جدا واللى مضايقنى اكتر مقابض الابواب الداخليه مقشره من الحروف المهم العربيه فيها كاميرا خلفيه وحساس ركن لكن شاشه الحساس موجوده على الطابلوه هى العربيه بتنزل بكاميرا وحساس ؟

العربيه فيها اكصدام امامى راشش ومرمه خفيفه جدا فى الباب الخلفى قلم البويه جابها وبصراحه هو قالى عليه
عايز اعرف موضوع الكاسيت والكاميرا والحساس لانى حاسس ان الكاسيت مش بتاع العربيه
وسعر العربيه تعمل كام بالوصف ده واخلى بالى من ايه وانا بستلمها منه ان شاء الله
لانى بصراحه قاعد حاسس انى تايه مش عارف ليه ودماغى بتروح وتيجى

**amr011111** · 09-05-2014 03:36 AM

موضوع تقشير المقابض ده طالما حصل فى الفتره البسيطه ديه فياريت تراجع العداد كويس وميكونش ملعوب فيه لاحسن تكون العربيه كانت بتتأجر

**simon659** · 09-05-2014 03:46 AM

انت قول هو طالب كام وانا لو شايف انه حتي طالب 170 او اعلها هتها زيرو ارخص الشكل الجديد ولو هتشتري دي اطلع علي التوكيل بس اعتبر نفسي بكلم اخويا الواحد تعبان في القرش والعربيا دي تجيبها تقنيها يبقي تجيبها زيرو افضل وليك كل الحريه

**Mo3taz mostafa** · 09-05-2014 04:45 AM

لو 2012. و ماشيه 20000 كم تعمل في حدود 175000

شوف انت حالة العربيه و قدرها
يعني الخبطه اللي مصلحها تنزل من 3 الي 5 الاف

لو العداد 30000 تنزل كمان خمسه

**طارق _عبد السلام** · 09-05-2014 05:52 AM

المشاركة الأصلية كتبت بواسطة optiplex

مبرررووك مقدمااا استاذى الفاضل بس ياريت تكشف كويس قوووى علشان التجار ما عندعمشى اماان بس كنت عايز اسال حضرتك اسباب بيع الفنتازيا و لية استقريت على نيسااان

الله يبارك فيك

من ناحيه الفانتازيا العربيه ممتازه جدا جدا سبب بيعى كنت فى ظروف ومحتاج مبلغ وقلت هجيب عربيه صغيره ولفيت كتير عربيات بجد متتركبش وناس طالبه فيها فلوسفمن زهقى قلت هعلى وطبعا لوجبت فانتازيا زى اللى كانت معايا هكون خسرت كتير لان الاسسعار فيها هبل جامد مع انى بايع من شهر وانا بدور على عربيه شفت القشقاى العربيه عجبتنى جدا كارتفاع وكمضمون ومن ساعتها بدور على قشقاى او سبورتاج فئه اولى ومن تقارير هنا عرفت ان العربيه يابانى تقفيل انجليزى والعربيه بايعه كويس فى اوروبا فقتنعت اكتر بيها

**طارق _عبد السلام** · 09-05-2014 05:55 AM

المشاركة الأصلية كتبت بواسطة amr011111

موضوع تقشير المقابض ده طالما حصل فى الفتره البسيطه ديه فياريت تراجع العداد كويس وميكونش ملعوب فيه لاحسن تكون العربيه كانت بتتأجر

موضوع اللعب فى العداد مستبعده شويه لانها ماشيه كتير 55 الف كيلو لو هيلعب كان نزله اقل وبعدين اغلب العربيات الايجار مش بس تقشير دى بتبقى مركبه انصاص واربع كمان

**طارق _عبد السلام** · 09-05-2014 05:58 AM

المشاركة الأصلية كتبت بواسطة simon659

انت قول هو طالب كام وانا لو شايف انه حتي طالب 170 او اعلها هتها زيرو ارخص الشكل الجديد ولو هتشتري دي اطلع علي التوكيل بس اعتبر نفسي بكلم اخويا الواحد تعبان في القرش والعربيا دي تجيبها تقنيها يبقي تجيبها زيرو افضل وليك كل الحريه

تقريبا فكرت نفس التفكير ده وكمان الشكل الجديد شكلها خطير جدا وعربيه جميله جدا بس هتنزل فى شهر 8 وسعرها مش معلوم ولو السعر موجود هتحجز 6 شهور او هشترى اوفر برايس وسعرها هيوصل فوق ال200 بكتير

**طارق _عبد السلام** · 09-05-2014 06:01 AM

المشاركة الأصلية كتبت بواسطة mo3taz mostafa

لو 2012. و ماشيه 20000 كم تعمل في حدود 175000

شوف انت حالة العربيه و قدرها
يعني الخبطه اللي مصلحها تنزل من 3 الي 5 الاف

لو العداد 30000 تنزل كمان خمسه

للاسف ماشيه 55 الف وكان طالب 173 ونزلت 170

-

الموضوع: هشترى قشقاى وعايز مساعدتكم

LinkBack

أدوات الموضوع

عرض

هشترى قشقاى وعايز مساعدتكم - انشر الموضوع فى :

-

-

-

-

-

المواضيع المتشابهه

هشترى مازدا فامليى 91 وعايز رئيكم لان العربيه عجبانى وسعرها كويس 23 الف

انا هشترى عربية بروتون ويرا 2005 وعايز اعرف رايكم ايه فيها

هشترى بولو 2001 وعايز نصيحة

محتاج مساعدتك من المرور

هشترى النترا 2008 وعايز استفسار عن بعض الامور

الكلمات الدلالية لهذا الموضوع

المفضلات

المفضلات

ضوابط المشاركة