داستر ولا شارك ولا رابيد ولا النترا للأهمية

**MemO_KinG** · 09-05-2014 10:57 AM

السلام عليكم

ناوى اجيب عربية اخر الشهر ده بس محتار جدا من كتر الاراء

الخلاصة انا سفرى كتير على الطرق الزراعية و معروف انها طرق زبالة مطبات و نقر و تكسير و تصليح
و فى نفس الوقت انا من عشاق السرعة

فكرت بشدة فى الداستر عشان كبيرة و عفشتها قوية بس بخاف من ارتفاعها انه مايحققش ثبات خصوصا ان العادى بتاعى فى السفر 150 كيلو فيما فوق غير كده حد خوفنى منها و قالي بتتقلب بسهولة و غيره قالي هتتعذب فى صيانتها فى التوكيل

و بعشق السيفيك بس مشكلتها انها واطية جدا و مش هتخدم كويس مع مطبات فى طريق بنها ميت غمر و الطرق المتفرعة منه

فانا عايز حاجة تجمع ما بين السرعة و الثبات و العفشة على قدر المستطاع و تمنها ميعديش ال 170

اتمنى اهل الخبرة يفيدونى لانى خايف اتدبس فى حاجة و اندم عليها بعد كده

و شكراً لكم

**Mo3taz mostafa** · 09-05-2014 01:55 PM

فانتازيا

**MemO_KinG** · 09-05-2014 02:58 PM

بس الفانتازيا اغلى من 170 الف

**إبراهيم المصرى** · 09-05-2014 03:23 PM

الشارك
والافضل كرولا مانويل 1.6 M/T 164,900 ج.م.

**shiko85** · 09-05-2014 04:01 PM

الحل عربيه عاليه غير كده مش هينفع لكن للأسف زيرو بالسعر ده صعب مفيش غير تيجو - داستر او v5

**Marwan yahya** · 09-05-2014 04:37 PM

حضرتك فكرت في رينو فليونس عالية عن الارض ثبات محترم توكيل الشكاوي منه قليلة
اما لو مابين الاختيارات دي بس يبقى حختار الشارك

**S O P H O S** · 09-05-2014 06:58 PM

كورولا ثم الشارك

**Ahmed TRAVCO** · 09-05-2014 07:09 PM

الشارك اعلى فئة بـ168 الف وعربية قمة في الاحترام وعفشتها ملتي لينك رائعة ومستحيل مستحيل تحك في اي مطب حتى لو معبي الشنطة ومحمل 4 غيرك، ورغم ارتفاعها ده (16.5سم) ثابتة ثبات غريب والموضوع ده قتل بحثا...
السيفيك بقى عربية لا تقل احتراما -ان لم تزد- عن الشارك، وعلى فكرة السيفيك مش واطية جدا ولا حاجة... الا بقى لو تقصد الشكل قبل الحالي فانا معاك... انما السيفيك الحالية عالية عن الأرض ومفيش منها قلق نهائيا... عربية ممتازة وعفشة دبل ويشبون وثبات اليكتروني وكماليات اكتر من الشارك بكتير... انما مشكلتي معاها سعرها عالي... مش عارف بيقولوا عليها تخفيضات حاليا فشوف كده، بس ما اعتقدش هتقل عن الـ180 مثلا للبيزك، والهاي لاين بـ210 تقريبا...

**waleed acc** · 10-05-2014 12:08 AM

**2014_a7mad** · 10-05-2014 01:14 PM

ليه استبعدت السيراتو من حساباتك؟
فئه ex/fo ب 162 الف و فيها 2 ايرباج و abs , ebd و عاليه عن الارض و ممكن الفئه الاعلى sx ب 169 الف فيها flex steering و ده بالنسبه لعوامل الامان بس غير الاوبشنز التانيه