الموضوع: ارجوكم مساعدة بخصوص بونتو 95

اخواني الاعضاء ...
عانيت معاناه كبيرة جدا بقالي اكتر من ثلاث شهور في عربيتي ... بداية القصة الموتور فوت قلت اوديه لميكانيكي وللاسف حبرتي مكانتش قوية .. المهم عملنا نص عمرة واشتغلت تمام مفيش اسبوعين تلاتة بدءت تاكل زيت بطريقة مبالغ فيها وضربت تاني ... عملت نص عمرة تاني ... وللاسف الكفاءة كانت اي كلام .. قلت امشي بيها اعكز وخلاص ... وبعد كده ظهرت المشاكل... عربية بتقفش من غير سبب تكون ماشي عادي اول ما تشغل الصبح تطفي لوحدها والار بي ام ينزل للصفر لوحدو والعربية شغال .. تطفي وتشغل خمسين مرة لحد ما تسخن وتبطل الموضوع ده والغريبة ان الار بي ام ينزل للصفر والعربية تحسسك انها شغالة عادي ... بس تدوس بنزين مش جايبة .. لحد ما مرة واحدة قفشت وبطلت تشتغل خالص ولا تسمع صوت كهربا رايحة الموتور ... ركنتها من اسبوع واستعوضت ربنا وقلت اشوف هعمل ايه ... من يومين قلت اشغل اشوف هيحصل ايه .. بشكل سمعت صوت دربكة جامدة في الموتور وخبط ... رحت طفيت بسرعة ... كررت التجربة تاني ونفس الموضوع ..
كل اللي عايز اسألو هل لو غيرت الموتور المشكلة هتتحل ... واجيب موتور منين استيراد للعربية دي ... وايه افضل ميكانيكي ممكن اتعامل معاه ؟

أولآ يا استاذ / أحمد حضرتك مش قولت بونتو موديل كام ؟؟ ، ثانيآ :- اللى حصل دى نتيجة الميكانيكى اللى مش عارف يعمر عمرة او نص عمرة صح للعربية ، المفروض اللى حضرتك تعمله دلوقتى انك تاخد العربية وتطلع على ميكانيكى كويس فاهم فى البونتو والفيات الحديث بشكل عام ، انا معايا فيات بونتو موديل 95 ، والميكانيكى بتاعى كان الاول الاسطى / شوقى اللى جنب محل الكيلانى ، وهو كويس وكل حاجة ، بس مكنش بيعجبنى فى كام حاجة ، وغيرته ودلوقتى مع الاسطى / هانى ميكانيكى عشرة على العشرة مكانه جنب محل الشيخ على بمصر الجديدة بيبقا موجود يومى الجمعة والاتنين من كل اسبوع من الصبح لغاية بليل ، تاخد العربية وتتطلع عليه يبصلك عليها ويشوف اخبار الموتور وهيقلك اية اللى يحصل بالضبط يا يعملك عمرة او نص عمرة ، يا اما لو فتح الماتور ولقى الماتور جايب اخره ، هيقولك اشترى ماتور استيراد كامل او شورت بلوك فقط ، ودى يا اما من عند محلات ابو اسلام بالحرفيين او البنهاوى بالوكالة او نوصى محل محترم زى محل الشيخ على او الكيلانى يجبلك ماتور كويس استيراد ، وربنا يوفقك فى تصليح العربية