بعد التحيه لزملاء المنتدى الكرام ،
أنا نزلت النهارده شارع دمشق وقررت أركب زينون للعربيه الانفى ماشيه تقريبا 8000 كم
اخترت نوع فيليبس بس مش أصلى تمن الواحد 400 جم يعنى اللمبتين عالى وواطى حيكلف 800
للأسف مشتغلش على العربيه ، جربنا نوع تانى صينى HID اشتغل بس الأنوار فى التابلوه مشتغلتش
الراجل قال لازم نجيب الديجيتال Can bus ده أكيد حيشتغل وده صناعة هونج كونج وتمن الطقمين عالى وواطى 1000 جم والغريب ده بقى مشتغلش خالص بس لمبة العالى والواطى فى التابلو اشتغلت .
المهم الراجل استسلم شكرته واديته بقشيش علشان تعبه وقلت أروح أشوف السجان وأحكى له اللى حصل
قالى دى محتاجه زينون can bus ماركه محترمه وعنده فيليبس أصلى الموديولز فى علبه واللمبات فى علبه منفصله وده غير الفيليبس التقليد التانى حاجه معتبره فعلا بس الواحد ب 1200 يعنى الاتنين
عالى وواطى يعملوا 2400 جم وطبعا أنا مركبتش ﻷنه غالى أوى .
كنت عايز أسأل حد من ملاك الانفى ركب عليها زينون ولو ركب نوعه ايه ومنين ؟
وبفكر أشوف التوكيل الصيانه الجايه يمكن عندهم ويعرفوا يتصرفوا .
وشكرا للساده اﻷعضاء .
المفضلات