علاج الخرابيش بدون دهان

**ahmed elsahhar** · 10-05-2014 11:00 AM

برجاء الإفاده عن معالجه الخرابيش والتجريح فى جسم العربيه بدون دهان

**insurancebroke** · 10-05-2014 02:15 PM

جرب البولش والكومبوند

**iNjECTOR** · 11-05-2014 09:13 PM

شوف اخى الكريم ... طبعا انا مقدر حزنك على الخرابيش اللى على عربيتك وغضبك على الناس اللى معندهاش دين اللى عملتلك معلش
طبعا اللى انا هقوله ده هينفع بس مع الخرابيش مش الكشطات فى الدوكو
هتجيب قلم دوكو بلون عربيتك .. طيب لو لون عربيتك نادر شوية يبقى هتلاقى الكود بتاع لون عربيتك يا إما فى عتب الباب من جوه او تحت الكابوت او فى الشنطة ورا وهتروح لمحل دهانات العربيات وهتخليه يخلطه كومبيوتر ويعملك زجاجة 50 مل
الطريقة لازم تتعمل جو جراش ويكون فيه كهرباء ونور معقولين علشان تشوف كويس:-
1- هتشترى ArmorAll Wash and Wax Ultar Shine من اى هايبر ماركت ده غسول العربية ... هتغسل العربية كويس اوى وتنشفها كويس قوى (ملحوظى الغسيل والتنشيف بفوطتين مايكروفيبر )

2- هتجيب اللون وبفرشة تلوين رفيعة قوى قوى قوى هتملى الخدوش اللى مضيقاك ومتغطهاش وتسيبها تيات فى الجراش

3- تانى يوم هتجيب صاروخ تلميع ( معلش هتشترى صاروخ تلميع صدقنى ده هيكون افضل لك من انك تروح لبتاع الدوكو ) فى نوع كويس إسمه Crawon
4- هتحتاج بولش بقوة صنفرة 2000 - 2500 زى حاجة إسمها SIMONIZE بلون عربيتك
هترج الزجاجة كويس

وترسم شكل Z بالبولش اللى جوه الزجاجة فوق مكان الخربوش وحرف O على الصاروخ وقبل ما تدور الجهاز وزع على قد ماتقدر اللى حطيته على جسم العربية اللى إتخربش وانت مليته بلون عربيتك إمبارح وقبل برده ما تدور الجهاز عايز حضرتك مترفعش ابدا الجهاز من على العربية قبل ما تقله لان لو انت رفعت الصاروخ يبقى حضرتك واى حد حواليك هيتظبط تظبيطه جامد بالبولش وإحتمال يحصل ترويق متأخذنيش انا بس بحب اهزر
هتبدأ بسرعة 2 منغير ما تضغط على الصاج نهائي علشان الصاج ميتحرقش وبعد ما تحس ان البولش إبتدا ينشف ... إرفع السرعة لـــ 3 او 4
هتكرر العمليه ديه مره كمان ... هتبكي من فرحتك لانك هتحس بنعومة غير عادية على مكان الخدش قبل جسم العربية

تحياتى .. وأرجوا ان مكونش تقلت على حضرتك

**NightmarE84** · 14-05-2014 12:48 PM

المشاركة الأصلية كتبت بواسطة injector

شوف اخى الكريم ... طبعا انا مقدر حزنك على الخرابيش اللى على عربيتك وغضبك على الناس اللى معندهاش دين اللى عملتلك معلش
طبعا اللى انا هقوله ده هينفع بس مع الخرابيش مش الكشطات فى الدوكو
هتجيب قلم دوكو بلون عربيتك .. طيب لو لون عربيتك نادر شوية يبقى هتلاقى الكود بتاع لون عربيتك يا إما فى عتب الباب من جوه او تحت الكابوت او فى الشنطة ورا وهتروح لمحل دهانات العربيات وهتخليه يخلطه كومبيوتر ويعملك زجاجة 50 مل
الطريقة لازم تتعمل جو جراش ويكون فيه كهرباء ونور معقولين علشان تشوف كويس:-
1- هتشترى armorall wash and wax ultar shine من اى هايبر ماركت ده غسول العربية ... هتغسل العربية كويس اوى وتنشفها كويس قوى (ملحوظى الغسيل والتنشيف بفوطتين مايكروفيبر )

2- هتجيب اللون وبفرشة تلوين رفيعة قوى قوى قوى

هتملى الخدوش اللى مضيقاك ومتغطهاش وتسيبها تيات فى الجراش

3- تانى يوم هتجيب صاروخ تلميع ( معلش هتشترى صاروخ تلميع صدقنى ده هيكون افضل لك من انك تروح لبتاع الدوكو ) فى نوع كويس إسمه crawon
4- هتحتاج بولش بقوة صنفرة 2000 - 2500 زى حاجة إسمها simonize بلون عربيتك
هترج الزجاجة كويس

وترسم شكل z بالبولش اللى جوه الزجاجة فوق مكان الخربوش وحرف o على الصاروخ وقبل ما تدور الجهاز وزع على قد ماتقدر اللى حطيته على جسم العربية اللى إتخربش وانت مليته بلون عربيتك إمبارح وقبل برده ما تدور الجهاز عايز حضرتك مترفعش ابدا الجهاز من على العربية قبل ما تقله لان لو انت رفعت الصاروخ يبقى حضرتك واى حد حواليك هيتظبط تظبيطه جامد بالبولش

وإحتمال يحصل ترويق

متأخذنيش انا بس بحب اهزر
هتبدأ بسرعة 2 منغير ما تضغط على الصاج نهائي علشان الصاج ميتحرقش وبعد ما تحس ان البولش إبتدا ينشف ... إرفع السرعة لـــ 3 او 4
هتكرر العمليه ديه مره كمان ... هتبكي من فرحتك لانك هتحس بنعومة غير عادية على مكان الخدش قبل جسم العربية

تحياتى .. وأرجوا ان مكونش تقلت على حضرتك

متوسط تكلفةة المعدات كام ؟؟؟ اللى هشتريها

**iNjECTOR** · 15-05-2014 11:08 PM

صاروخ التلميع : 375
لبادة تلميع : بــ 10 وفيه حاجة 39 جنيه
البولش : 55 جنيه
المجموع : 440 إلى 470
هيوفرك نفس البلغ سنويا واكثر لان زجاجة البولش ممكن تكفيك 3 سنين