الموضوع: استشارة فنية من صقور نيسان بشأن حساس الكرنك

في البداية السلام عليكم ورحمة الله وبركاته
اولا انا من اسماعيلية والعربية نيسان صني 2001 اوتوماتيك
الموضوع ان لمبة التشيك نورت والعربية كانت بتطفي في اول كل تشغيل سواء العربية باردة او سخنة
قمت رايح لمركز كمبيوتر اكشف عليها وتم الكشف عليها وقالي حساس الكرنك عايز يتغير وقالي يفضل ان حساس الكرنك والكامة يتغيروا مع بعض فروحت جبتهم جداد ب 450 جنيه وتم تركيبهم العربية مشيت 3 ايام كويس بس وبعدين مرة واحدة وانا ماشي العربية فصلت واللمبة نورت تاني طول ما هي منورة العربية مفصلتش تاني لكن لما اركن العربية بالليل واجي الصبح اشغلها تشتغل تمام وامشي بيها عادي لكن لما اشد بيها واحرق عليها تفصل فأنقل للمور واشغل وامشي واللمبة تنور ومتفصلش طول ماهي منورة وهكذا فراح شايل حساس الكرنك الجديد وركب حساس الكامة القديم الاصلي مكانه وبس
الخلاصة انها لما تسخن تفصل ولمبة التشيك تنور
وروحت للمركز تاني وكشف وظهر خطأين الاول p0335 وده طلع الدايرة بتاعة حساس الكرنك و الثاني p0325 وده حساس الطرق والفني قالي اطلع على القاهرة عند الهامي او احمد عسكر او التوكيل لانه قالي احتمال يكون في حاجة في الكنترول يونت

انا اسف جدا للاطالة ارجو النصيحة اروح الحرفيين ولا التوكيل ولو التوكيل هل السبع ولا اي فرع؟

جزاك الله خيرا وشكرا جدا على الرد بس استأذن حضرتك في العنوان بالتفصيل وانا جاي من عند موقف السلام وياريت لو فيه تليفون ليه عشان احجز واروح الساعة كام يعني من الصبح ولا العصر

واعمل حسابي على كام جندي؟ وشكرا مرة تانية على الاهتمام