الموضوع: مساعدة ضروري

ياريت لو تعرف تصورة نقدر نفيدك اكتر سوال بقا هو الموتسيكل دة فية تاكيهات وش سلندر يعنى زى الموتسيكلات الصينى العادية اكيد فية واكيد هيبقا بنزين بس مش بنزين على زيت دلوقتى الى انتا بتتكلم علية فى خرطوم واصل من وش السلندر للقربة والقربة طالع منها خرطوم لفلتر الهوا الى هوة ورا الكربراتير بالظبط لو واصل زى كدة يبقا دة تبريد بالزيت زى ماقال الاستاذ eng.salama93
وحاول تصور القربة والتوصيلات بتاعتها

السلام عليكم اولا شكرا علي الرد السريع من eng.salama93 وشكرا علي محاولة المساعدة ولا مش تبريد بالزيت .
ثانيا شكرا لـ Music DJ هو حضرتك الخرطوم مش واصل عند فلتر الهواء لا ده واصل تحت الكرابرتير الحنب الشمال (في الموتور) اه ومفهوش تاكيهات زي الصيني الجديد وعموما الف شكر لحضرتك علي ردك عليا وحاولت تساعدني .
وانا قررت امبارح اني اعرف بتاع ايه بنفسي ونزلت الموتور بره وفكيته كله والخرطوم (معدي علي طلمة صغيرة بسيطة الفكرة بتشتغل مع حركة الموتور وكتلة مقفولة بس فكرتها كلها زي الكرابرتير مسمار تزويد زيت وعوامة حديد وشداد واير وليها فايظ للزيت )واصل الي غرفة الاحتراق مع البنزين.
وهو موتور زيت علي بنزين يعني زي سوزوكي 100 وجاوا بس بدل ما تحط الزيت مع البنزين في التنك يتحط في القربة وكل ما تزود بنزين (واير 2 طرف بنزين+ زيت) برده بتزود زيت للشوط يعني كانه بقربة خارجية للزيت تعديل للياباني القديم .وسؤال اخير ياريت لو سرعة الاجابة دلوقتي الموتور من الداخل وبعض الاجزاء عليها زي ماده سودة(من الزيت والبنزين) وايضا سطح المكبس هل ينفع انضفها بالنزين وصنفرة ناعمة(حدادي) ولا لا.
وبالنسبة لسؤال الاستاذ KHALED2010 اللي في الصورة ع الشمال ده يبقي تامر بشير بيقدم برنامج اسمه دوس بنزين ع ق المحور مش عارف لسه بيتعرض ولا بطل.
واسف علي الاطالة وارجو تكون اسئلتي خفيفة عليكم

تمام كدة يبقا هو شغال زيت على بنزين طالما مفيش تاكيهات او صبابات بالنسبة للكربون الى بتتكلم علية اكيد هيكون على وش السلندر والبستم هو بيتنضف بس مش بسنفرة هات بنزين او wd40 وهات فرشة اسنان ناعمة ونضفة براحة من غير ما تخربش البستم او وش السلندر وابقا صورلنا الموتسيكل بعد ما تخلص علشان نتفرج علية ونشوف الى انتا عملتة

المشاركة الأصلية كتبت بواسطة music dj

تمام كدة يبقا هو شغال زيت على بنزين طالما مفيش تاكيهات او صبابات بالنسبة للكربون الى بتتكلم علية اكيد هيكون على وش السلندر والبستم هو بيتنضف بس مش بسنفرة هات بنزين او wd40 وهات فرشة اسنان ناعمة ونضفة براحة من غير ما تخربش البستم او وش السلندر وابقا صورلنا الموتسيكل بعد ما تخلص علشان نتفرج علية ونشوف الى انتا عملتة

تسلم ياباشا واما بالنسبة لموضوع صورته فانا حارسلهالك علي الخاص لانه زي ما ذكرت سابقا صيني قديم وكان مركون ليه اكتر من 3 سنين فا شكله بالنسبة للمنتدي مش حيبقي اد كده لان اعضاءه معاهم موتوسيكلات تمنها مش اقل من 10,15 الف جنيه (بس هو بالنسبة لي يساوي اكتر من كده لاني بجد تعبت فيه لغاية مااشتغل مع العلم اني بسوق موتوسيكلات بالعافية بس طلعت اني اجيب واحد قديم مش شغال واشوف حاقدر اشغله حتي لو باظ ما ازعلش عليه ) وشكرا ليك انا فعلا نضفته زي ما قولت .
بس شنبرين المكبس( شمايز)فيهم واحد مكسور و مفيش غير صيني جديد بس هل ينفع ولا تفرق علشان قصة الزيت والبنزين ارجو الرد سريعا واسف علي الاطالة معلش صدعتكم ودخلتكم في قصة ملهاش لازمة وياريت محدش يشتم ويقول كل الهيصة ده علي مكنة صيني مستعملة وكمان قديمة يارب يبعد عنا المحبطين .

المشاركة الأصلية كتبت بواسطة eng.salama93

تامر بشير علي اليمين و انا ع الشمال

انا عارف ان حضرتك ع الشمال بس اعتقدت ان اللي بيسال قصده ع تامر بشير لان اسم حضرتك موجود