الموضوع: استفسار من السادة المحاميين بخصوص شراء شقة

السلام عليكم ورحمة الله وبركاته
نويت بإذن الله تعالى اشتري شقة في منطقة النزهة الجديدة 2 في شارع الخمسين خلف حديقة بدر
المنطقة دي كلها أبراج جديدة

ذهبت للشركة صاحبة البرج وهي المناسبة شركة لها مصداقية وشفافية في التعامل بشكل كبير بدليل ان الشركة تمتلك حوالي 25 برج وكل الشقق فيها مباع، وسألته عن موضوع التراخيص وخلافه فأفادني بما يلي:

هناك مبلغ 5000 جنيه (منافع) سيتم تحصيلها من كل ساكن لاحقا بعد الحصول على حكم المحكمة لتركيب عدادات الكهرباء، يعني الكهرباء هناك ممارسة حاليا حتى يتم اصدار حكم المحكمة ويصبح لكل ساكن عداد الكهرباء الخاص به، أما بخصوص المياه فهناك عداد مياه مستقل لكل شقة

أن الأرض المبني عليها البرج لم يقوموا بتسجيلها توفيرا في النفقات على حد تعبيره

بالنسبة لعقود الملكية فقال اني اقدر اسجل العقد صحة توقيع في المحكمة بسبب ان الأرض نفسها غير مسجلة ولكن طبعا رخصة البناء موجودة، وسوف يقوم بإعطائي صور من تسلسل ملكية أرض العقار وصور من رخصة البناء وخلافه

سؤالي هو:
أولا ما هي أقصى الاجراءات القانونية التي يمكن اتخاذها لكي اضمن واحفظ حقي في الشقة التي سأقوم بشرائها، هل صحة التوقيع هي اقصى ما يمكنني القيام به ولا في اجراءات اقوى لحفظ حقي بعد شراء الشقة وكدليل أقوى لملكيتي لها؟

ثانيا: موضوع الكهرباء، هل معنى صدور حكم من المحكمة لاحقا فيما يخص الكهرباء معناه انه تم تسجيل الارض او يمكنني بعدها رفع دعوى صحة ونفاذ على عقد البيع الخاص بي ولا الموضوع ده مبيفرقش في حاجة؟

بخصوص الأرض المبني عليها العقار، الشركة قالت لي ان الارض ملك للشركة وليست وضع يد على أملاك الدولة، وقال انه هناك فعلا بعض العقارات في نفس المنطقة منبية على اراضي الدولة، فازاي اقدر اتأكد من صحة كلامه وان ارض العقار الي هشتري الشقة فيها فعلا يمتلكها بموجب عقد بيع صحيح وليست وضع يد؟

وأخيرا الي يقدر يفيدني بأي نقطة او نصائح في الامر ده يبقى جزاه الله خيرا لأني بحثت كثيرا ولم اجد منطقة مناسبة لامكانياتي لشراء شقة الا في هذه المنطقة

المشاركة الأصلية كتبت بواسطة amr_mo

الاخ احمد سعيد انا شاكر لحضرتك جدا على الافادة جزاك الله خيرا

الاخ الفاضل حسام انت كلامك صح بنسبة كبيرة فعلا لكن بخصوص الشركة الي انا بتعامل معاها دي يمكن عملائها عندهم ثقة شوية فيهم فنسبة العملاء الي بيرجعو يبيعوا شققهم تاني تكاد تكون معدومة لكن انا معرفش ايه الوضع بالنسبة لبقية شركات العقارات الي هناك، هي المنطقة على حسب مانا سامع هيبقى ليها مستقبل خصوصا لما خط المترو يدخل قريب منها بإتجاه المطار لأن انا شغلي في المطار، وفي نفس الوقت بتعمر بسرعة والغاز شغالين تمديدات فيه حاليا لسة شايف الكلام ده النهاردة والاهم من ده كله انها يادوب على قد فلوسي

لو حضرتك تعرف منطقة محددة تنصحني ادور فيها تكون في نفس رينج الاسعار فياريت تقولي وشكرا جزيلا مقدما

كل الشركات اللي هناك ثقة فعلا ( انا كنت حاجز مع كنوز ) ولما بعت والدي يرجع المقدم لاني خارج مصر ...اخد الفلوس وهوا واقف ...فانا عارف انها ثقة فعلا



لكن هقلك بعض النقاط اللي تاخد بالك منها ( انا مش بقلك وحشة او حلوة لا نهائي لان فعلا في ناس عايشة كويس لكن اقصد اني اقلك انا رجعت في القرار لية )

1 - اول حاجة موضوع الرشاح اللي هناك ( دي بالنسبالي مشكلة كبيرة جدا خصوصا مع العشوائيات اللي حولين الرشاح والناس والاطفال والمنظر العام )
2 - مشكلة المترو ...طبعا الرسومات فعلا محطوطة ومعمول حسابه انه يدخل 2018 ...انا شايف انو مش هيدخل نهائي في الوقت دا علي الاقل مش هيدخل غير بعد 2020 اذا مكنش اكتر خصوصا في الوضع الاقتصادي والمزري لجمهوريتنا الحبيبة
3 - مشكلة اعادة البيع ...ودي انتا بنفسك هتواجها مش بسبب قلة الثقة في الشركة لألأ عشان المشكلتين اللي فوق لان في ناس تغاضت عنهم ولما راحت سكنت بالفعل حسو بالمعاناة والناموس والرشاح والتكاتك والعشوائيات و و و و ...ولما رجعو يبيعو بعد التشطبيات والتجهيزات اللي اتعملت وجدوا صعوبة بالغة في البيع ( لان اللي بيشتري بيكون عايز رخيص وبأسمة من الشركة ومش عايز متشطب )



الاماكن البدلية بنفس رنج الاسعار او اعلي قليلا


1 - منطقة عيش شمس الشرقية والالف مسكن .

انا نزلت عيش شمس في شارع اسمو العشرين ...مليان مكاتب عقارية وباسعار نفس الرنجات في شوارع جانبية ...وميزته انو عين شمس طبعا افضل والمترو فيها فعليا