عايز أعرف دا إيه... طلب من الخبراء والقدامى

**JAM** · 13-05-2014 08:47 AM

السلام عليكم يا شباب نايل موتورز
بدون مقدمات وكلام كتير
أنا كنت عند واحد صحبى والجى إم دا كان عنده وكان واحد قريبه جايبهوله من امريكا معاه... بس صحبى معندهوش عربية أساسآ...!!!!... وبالتالى أنا اخدته منه.
ياريت تساعدونى وتقولولى الجى إم دا كويس ولا لأ..؟.. لإنى قريت إنه بينتمى للمدرسة القديمة.. اللى انا معرفهاش هية فين المدرسة القديمة دى...هههههههه... وبعدين قولت لما أعرف سعره .. فا دخلت على إى باى ولاقيت أسعار هلامية.. فوق ال 200 دولار.. هل الجى غم دا قيم للدرجة دى..؟؟
فيارت تساعدونى وتقولولى هل أخده من صاحبى وهيشتغل كويس مع الأجهزة والسمعات الجديدة اللى متواجدة حاليآ فى السوق.. ؟؟.. ولا هتبقة جميلة على الفاضى وأرجعهوله أحسن.؟؟... حاجة تانية معلش... الجى إم دا .. سعره هنا فى مصر يسوى كام..؟؟
ولكم كل الشكر والتقدير والإحترام
م/ أحمد نبيل

**Salamonti** · 13-05-2014 11:27 AM

سيادتك متأكد من رقم الميتين دولار ده ؟!!

الأمبليفاير ده قدرته لا تزيد بأي حال من الأحوال عن الأكولايزر الجينسن بتاع زمان..

انا ممكن اصدق الرقم اللي انت قلته ده في حالة معين..
انه يكون دخل في نطاق الآثار أو اعتبروه من الأجهزة المهددة بالانقراض ^_^

بص يا سيدي الجهاز ده تركبه على سماعتين بيضاوي في اللذيذ كدة هايشغلهم بنص طاقتهم تقريبا..
ولو انت هاتعتبرها جميلة من صاحبك أو من قريبك وحابب تردهاله فممكن تبقا تجامله بحاجة في حدود 150-200 جنيه وتبقا كدة زي الفل :)