الموضوع: تقرير عن تسقيط مكنة x20xev

الحمد لله علي كل حال
سبب التغير ان المكنة عندي رزعت
2000 سي سي كامة واحدة

طبعا احتمال كبير جدااااا كان بسبب طرمبة الزيت ضغطها كان ضعيف
https://www.youtube.com/watch?featur...&v=hLt5Iaof-mA
بداية الاعراض
1: صوت الكوستبانات عالي جداااا في اول ثانيتين
ودة كان سببة ان الطرمبة لاتحتفظ بالزيت اثناء فترة التوقف
2:لما كنت افتح غطاء وش الموتور والعربية باردة لمدة اربع دقائق
علشان الزيت يبدأ يخرج برة
3:لما اقرص علي العربية جامد كان في صوت نقرة بسيطة
بالله عليكم توخو الحزر في الاعراض دي
ولو وجدت عندك اي سبب من اول سببين غير الطرمبة قبل فوات الاوان
المكنة عندي كانت زي الفل ولابتاكل زيت ولا اي حاجة
لدرجة ان الجكمان كان بينقط مياة باستمرار
وكذا مرة اجري بيها 180 ك في الساعة وزي الفل
بس الله يسامحها طرمبة الزيت
ولما حاولت اغير ها الكل اجمع خلاص الاعراض ظهرت حتفك وتغير علي الفاضي
وكدة كدة المكنة حترزع في اي وقت
اما عن تسقيط المكنة x20xev
طبعا انا اشتريت المكنة بوصلة الجكمان بخط السحب بالدفيرة شمال بالكنترول بالفتيس ب 10000ج
وصلة الجكمان وخط السحب اختلف عليهم العلماء ناس بتقول بيخرجو مع المكنة وناس لا
طبعا فرق القوة اكبر بسم الله ماشاء الله واستهلاك البنزين لصالح x20xev
صوت الموتور انعم من القديم رغم ان ناس كتير قالت ان صوتة خشن
الحاجة الوحيدة الي بلف عليها دلوقتي هيا حساس الجكمان مش لاقية
المياة والزيت الخاص بالمكنة حطيت اي حاجة غسيل ونزلتهم بعد 200 ك
تم تغيير سير التقسيمة وثلاث بليات وبوجيهات
تقرير فحص المكنة علي الارض
معلش هوا حاجة بسيطة بس الراجل قالي كويس انك ماجبتش الميكانيكي معاك
ماكنش حيعمل الي انت عملتو
1:الجواب بيبان من عنوانة المكنة مايكونش عليها اي نقطة زيت من برة
2:اتاكد من رقم شاسية الموتور مايكنش مطموس
3:اتاكد من دفيرة المكنة تكون شمال ومايكنش فيها قطع او محمصة
4:ارفع مقاس الزيت وشوف لون الزيت
5:افتح غطاء الكامة وشوف هل الكامة مريشة او فيها ريجة او في اتربة دخلت المكنة اثناء التنقل
6:شيل خرطوم العمل وشوف البوابة عليها زيت ولا نظيفة
7:انظر في الفرن وشوف في اثار لزيت محروق ولا لا او هباب زيادة
8:يكون معاك عدة تشيل بوجية بوجية وتشوف الاقطاب عليهم زيت ولا لا او مهببين
9:ميل المكنة يمين وشمال وبص عليها واخدة خبطة من تحت ولا لا
10:اي مسمار في المكنة حاول تركز فيه وتشوفة محلول قبل كدة ولا لا
11:حاول تشوف السيرفس الخاص بالمكنة راكب فيها حاجات اصلي ولا مجهولة الهوية
زي الفلتر البوجيهات سيور بلي شداد
12:خرطوم كوعة المياة فكة شوف الكوعة مصدية ولا لا
13:لو تعرف تنفخ في اي خرطوم وتخرج ميياة من المكنة وتشوف هل مياة مخصصة ولا لا
بالله عليكم ادعولي علشان انا شطبت
العربية كدة من ساعة لما جبتها الحاجة الوحيدة الي ماتغيرتش هوا الصاج ربنا يسترها علينا وعليكم