الموضوع: خبطة بسيطة في الباب اليمين

وعليكم السلام ورحمة الله وبركاته
قدر الله و ما شاء فعل
الباب بيفتح بسهوله ولا الخبطه اللى فالرفرف مأثره عليه ؟
لو بيفتح عادى خليها زى ما هى مش لازم تعمل فيها حاجه و ممكن تجيب اى كمبوند او تنر او بنزين و تمسح مكان الخبطه علشان تشيل اثر التجريح

المشاركة الأصلية كتبت بواسطة mkaram84

الحمد لله على كل حال
شكرا يا باشا على الرد السريع
العفو يا باشا
الحمد لله الباب بيفتح ويقفل بسهولة من غير مشاكل
طيب الحمد لله
طيب حضرتك بتتكلم عن الخبطة اللى في الباب ولا الرفرف ولا الاتنين؟
الـ 2
من الصوره الخبطه المشتركه بين الباب و الرفرف ان شاء الله مش هتبان بعد التلميع بالكمبوند او التنر
عشان اللى في الباب الدهان اتقشر والصاج باين
لو طبقه الدهان بس يبقى ممكن تعزلها بشحم مؤقتا لكن لو طبقه العزل اللى تحت الدهان كمان يبقى الأفضل الرش للحفاظ على الباب من الصدأ
معلش الصوره مش موضحه هى خبطه عميقه و لا تقشير لطبقه الدهان فقط ولا الدهان و العزل
ومشكور حضرتك للمتابعة
العفو و حضرتك استنى رأى باقى الأعضاء
والله الموفق

المشاركة الأصلية كتبت بواسطة mkaram84

شكراً يا باشا لمتابعتك معايا
معلش الصور عمرها ما هتوضح حقيقة الخبطة
هابقى انزل اشوف العربية تاني بدقة اكتر - بس ازاى اعرف انه تقشير لطبقة الدهان فقط ولا الدهان والعزل؟
ومعلش - ايه الكمبوند ده؟ واجيبه منين واستخدمه ازاى؟
شكراً مقدماً يا كبير

العزل طبقه دهان اساسيه لونها فضى او رمادى او اى لون على حسب كل مصنع
لو العزل اتشال هتلاقى الصاج نفسه باين, اللى واضح من الصوره ان طبقه الدهان الخارجى بس اللى اتقشرت
الكمبوند هو البولش تلميع و ازاله الخدوش او اى ملمع عربيات و الأسهل التنر
الكمبوند معاه سفنجه تحط شويه من الكمبوند بحركه دائريه تفرش الكمبوند على الصاج المفروض هتلاقى اللون الحكه بيقل و بيرجع لون العربيه نفسه نفس الكلام بالتنر او البنزين
الكمبوند موجود فالبنزينه - التوفقيه - عند بتوع الكماليات