الكاوتش اتخرم يارجالة وانا لسة 9200 كم

**Hanytoto12** · 14-05-2014 04:01 PM

خرجت بعد مافولت العربية بالليل (كعادتي) وحسيت ان الدركسيون تقيل في الدوران ومافهمتش ليه لحد أما بتاع الديليفري قاللي الكاوتش عالأرض :((
خليت الراجل في البنزينة غير الاستبن (اخوكم لسة جديد في الموضوع) وقلت بكرة النهار له عينين.
تاني يوم في توتال التجمع قاللي بتاع الكاوتش القطعة اهي كبيرة وواضح انها حديدة..دي حتي واصلة للسلك جوة الفردة.. المهم قال هياخد 5 خوابير وبما إني جاهل ومش فاهم قلتله اعمل احسن حاجة.
في الآخر (وواضح إنه اتنصب عليا وأنا زبون سقع) الراجل قاللي دي هتاخد 7 خوابير أمريكي (لونها برتقالي كده) وبعد نفخ النيتروجين (33 طبعا عشان فردة يمين قدام) أخد 70 جنيه :(((
في الشغل زمايلي قالولي كده غلط وكان لازم يلحمها من جوة والخوابير دي هتبوظ الكاوتش، وواحد قال الخوابير لأخرام النص واللحام لو القطع علي جوانب الكاوتش !!!!

سؤال هو:
1- هل أنا إتنصب عليا؟ وفعلا موضوع الخوابير ده غلط (الخرم كان في نص العجلة).
2- طب هل لو غلط أقدر ألحق الموضوع؟ مثلا آخدها لحد ونلحم من جوة؟

**amr011111** · 14-05-2014 04:07 PM

الصح لو خرم فى المداس او فى الجنب يبقى لحام او مكواه
وسيبك من موضوع الخابور الا لو مستعجل والخرم فى الجنب مش فى المداس
وهوه طبعاً نصاب او مش عاوز يتعب نفسه ويفك العجله ويلحمها

**أسامه الحسيني** · 14-05-2014 04:33 PM

بس يا باشا خلي بالك من بتوع الكاوتش لان اغلبهم الا من رحم ربي نصابين وتقريبا عندهم حد ادني للفردة وهوا 30 جنية ويقوم رازع خوابير والعدد فى اللمون واحسن حاجة اللحام طبعا ولازم تقف علي ايديهم انا بريح دماغي وبتعامل مع بنزينة وطنية

**houba85** · 14-05-2014 05:35 PM

لحام المكوة افضل انا ياما اتلسعت في موضوع الخوابير لغاية ماعرفت ان الخوابير اللي العمال بيستسهلوا ويحطوها ماهي الا مجموعة خوابير حقيقية للكاوتش تقصف عمره ولجيبك عشان حتكلفك تمن فردة محترمة

**ibrahimsaad** · 14-05-2014 10:38 PM

للاسف بتاع الكاوتش بيستسهل وبيستغل ان الزبون ماعندوش خبره لان الخابور بيعتبر اسهل حاجه بالنسبه له بدل مايفك ويحل ويلحم

طبعا ده غلط جدا لكن قدر الله وماشاء فعل واوعى تكررها تانى مهما حصل وقال لك اوعى تعمل اى خوابير تانى

وعلى فكره انا كمان مسمار خرم الكاوتش عندى وانا ماكملتش ال 1000 ك بس لحمته عادى جدا

**د.هشام** · 15-05-2014 12:13 AM

7 خوابير!!!!!
فيه بتوع كاوتش نصابين بيخرموا في الكاوتش لو مش مركز معاهم
معلش محدش بيتعلم ببلاش

**islamabady1980** · 15-05-2014 12:43 AM

متابع

**Hanytoto12** · 15-05-2014 05:13 PM

متشكر جدا للردود يا أفاضل.

طب هل يعني أروح لحد وأفكه وألحمه من جوة وللا كده شكرا؟

وهل الخوابير دي هتقصف عمر الكاوتش فعلا؟

وهل هتأثر لما أعمل تدوير للعجلات والكلام ده؟

**ibrahimsaad** · 15-05-2014 08:30 PM

للاسف 7 خوابير كثير جدا ومش عارف هل ينفع يتشالوا ويتلحموا ولا ايه لان الخابور اصلا بيبوظ الكاوتش دا غير انه ممكن يطلع تانى حاول بقى تخلى الفرده دى استبن افضل

**john55** · 15-05-2014 09:07 PM

المشاركة الأصلية كتبت بواسطة ibrahimsaad

للاسف 7 خوابير كثير جدا ومش عارف هل ينفع يتشالوا ويتلحموا ولا ايه لان الخابور اصلا بيبوظ الكاوتش دا غير انه ممكن يطلع تانى حاول بقى تخلى الفرده دى استبن افضل

+11111111