بيجو 301 ما بعد اول 1000 كيلو

**Mohamed 555** · 15-05-2014 12:57 AM

انا الحمد لله استلمت العربية في 20/3 تقريبا و قولت التزم الصمت لحد ما يعدي اول 1000 كيلو و انا الحمدلله عملت اول 1000 كيلو و و كلمتهم في التوكيل عشان صيانة ال 1000 قالي مفيش و لما توصل 2500 كلمنا يا ريت لو حد عنده تفاصيل عن تكلفتها و ايه اللي بيتعمل فيها يقولنا...

ثانيا العربية الحمدلله كويسة جدا و لكل اللي خايف منها احب اكمنة العربية و بالامانة الشديده و عدم الانحياز جميلة جدا و احسن حاجة في الفئة دي و مش ندمان اني اختارتها الحمدلله...

من ناحية السحب و الثبات و قوه الصاج و الشكل و الامكانيات هي الحمدلله 10/10

للاسف في النهاية حصلت حاجة مش كويسة ان العربية و انا راكنها ناحية الشغل رجعت لقيتها مخبوطة من جنب تانك البنزين و دخلت لجوه و عاوزه تترد و كمان الباب بتاع السواق مخبوط و واخد خربشة و داخل لجوه هو كمان... مش عارف اعمل ايه دلوقتي عند اي حد بره ولا في التوكيل و يا ترى ممكن تتكلف كام ولا اسيبها كده و خلاص و ربنا الحافظ

و شكرا للمنتدى الرائع اللي خلاني اجيب العربية دي و لو فيه اي استفسار انا موجود..

**Ashraf Fawzy** · 15-05-2014 01:15 AM

أولاً ألف مبروك على العربية و ربنا يحفظك و يحفظها

- أول صيانة بتبقى صيانة الـ 2500 كيلو ودى بتبقى مجانية و بيتم فيها تربيط العفشة وتحديث سوف وير لو مكنش متحدث وظبط مستوي الزيوت والسوائل, ولو فى عندك أى ملاحظات بتقولهم عليها.

- متزعلش نفسك, موضوع الخدوش (بسبب الأطفال اللى راكبين عجل أو واحد عديم الأخلاق بيمسى / يصبح عليها بالمفتاح) و الخبطات (بسبب الناس اللى لسه بتتعلم السواقة أو ماعندهمش تركيز) حصل معانا كلنا, وخصوصاً بعد أول غسله للعربية و من أول أسبوع.

سيبها لقدام شويه, منها تاخد العين (زى الناس ما بتقول) و منها لما تروح ترشها (لو محتاجه رش) و ترد الصاج تبقى مره واحده.

التوكيل ما بيردش على البارد, ممكن تعملها بره عند واحد صنايعى بس تبقى عارفه و عارف شغله.

التكلفة بتبقى على حسب الخبطه و هاتحتاج تترش بعد ما تترد و لا لأ (و عشان كده دور على واحد سمكرى معروف بكفائة شغله).

للمرة التانية ألف مبروك عليك, وماتخليش الحاجات دى تضيع فرحتك بالعربية.

**Mohamed_301** · 15-05-2014 01:47 AM

عقبال 100 الف ان شاء الله
وربنا يديك خيرها ويكفيك شرها
والحمد لله على كل حاجة وماتزعلش عليها
وربنا يباركلك فيها

**Adnfalcon** · 15-05-2014 03:36 AM

مبروك عليك وربنا يحميك من العين

**فهد المصرى** · 15-05-2014 10:13 AM

المشاركة الأصلية كتبت بواسطة mohamed 555

انا الحمد لله استلمت العربية في 20/3 تقريبا و قولت التزم الصمت لحد ما يعدي اول 1000 كيلو و انا الحمدلله عملت اول 1000 كيلو و و كلمتهم في التوكيل عشان صيانة ال 1000 قالي مفيش و لما توصل 2500 كلمنا يا ريت لو حد عنده تفاصيل عن تكلفتها و ايه اللي بيتعمل فيها يقولنا...

ثانيا العربية الحمدلله كويسة جدا و لكل اللي خايف منها احب اكمنة العربية و بالامانة الشديده و عدم الانحياز جميلة جدا و احسن حاجة في الفئة دي و مش ندمان اني اختارتها الحمدلله...

من ناحية السحب و الثبات و قوه الصاج و الشكل و الامكانيات هي الحمدلله 10/10

للاسف في النهاية حصلت حاجة مش كويسة ان العربية و انا راكنها ناحية الشغل رجعت لقيتها مخبوطة من جنب تانك البنزين و دخلت لجوه و عاوزه تترد و كمان الباب بتاع السواق مخبوط و واخد خربشة و داخل لجوه هو كمان... مش عارف اعمل ايه دلوقتي عند اي حد بره ولا في التوكيل و يا ترى ممكن تتكلف كام ولا اسيبها كده و خلاص و ربنا الحافظ

و شكرا للمنتدى الرائع اللي خلاني اجيب العربية دي و لو فيه اي استفسار انا موجود..

الف مبروك استلام حضرتك العربية وان ادائها كان ممتاز معاك .

الصيانة الاولى مجانية وبيتم فيها الكشف على مستويات السوائل والعفشة واى سوفتوير جديد

للاسف العربية اثبتت انها السيارة الاولى فى الحسد فى كمية الخبطات اللى شغالة على الملاك بس قدر الله وما شاء فعل وفعلا حط كلام استاذ اشرف فى الاعتبار وقدام شوية ظبط كل حاجة بروقان

وياريت لو فى تقرير بعد صيانة ال 2500 كم