الموضوع: اسئلة بخصوص اوكتافيا a4 2006

المشاركة الأصلية كتبت بواسطة ashrafli

اسئلة بخصوص اوكتافيا a4 2006 اتوماتيك
1- كنت عاوز اعرف سعر السيارةاوكتافيا a4 2006 اتوماتيك عاملة 90 الف والحالة فاببريكة من الداخل ورشة برة الجنبين فقط

- لو حالتها نضيفية من 80 الى 85 و تاكد من الفتيس جدا اطلع جرب و قول ملاحظاتك

2- كنت عاوز اسأل على سعر قطع الغيار وافضل مكان اشترى منة

- الهاشمية و دة وكيل معتمد من ارتوك لقطع غيار اسكودا الاصلي

انا سألت فى محل المهندس فى شارع شبرا بجوار خير زمان
على طقم كتينة اصلى ...... قال بسعر825

- السعر مبالغ فية

قاعدة موتور ........................بسعر 1100

- بصراحة مسالتش عليها بس السعر حاسة مبالغ فية و قاعدة الماتور افضل استيراد

فلتر زيت .............................. بسعر 165

السعر مبالغ فية جدا والاصلي من 80 الى 100 و الهاي كوبي ب 70

فلتر هواء بسعر ...................... بسعر 80

سعرة كويس هو في حدود من 75 الى 90

فلتر بنزين بسعر ............................بسعر 90

سعرة كويس

زيت الفتيس الوتوماتيك الاصلى ......... سعر الكيلو 240 ( ال5 ب 1200)

- سعر مبالغ فية جدا جدا . اولا زيت الاسكودا a4 هو الزيت الابيض وليس الاحمر و السعر مبالغ فية هو لا يتعدي ال 200 جنية

تيل فرامل خلفى اصلى ................. بسعر 550

بصراحة مسالتش علي الخلفي

فهل الاسعار دى مبالغ فيها ام هى دى اسعارها
وهل لو الاسعار دى مبالغ فيها هل فى مكان مضمون بيبيع قطع غيار السكودا الاصلى باسعار اقل
3- هل تغير زيت الفتيس الاوتوماتيك بزيت mobil 320 atf ام يفضل شراء الزيت الاصلى

الافضل الزيت الاصلي atf الابيض لون العلبة فضي

4- كام كيلو يحتاج زيت الفتيس الاوتوماتيك

4 كيلو وليس 5 كيلو

5- لو عاوز اضبط العفشة (ومحتاج 4 جلب مقصات - 2 بطاحة - 2 مساعد امامى وخلفى )
سعرهم يكون كام

عندي عفشجي كويس جدا جدا و الاسعار ممكن تسال عليها في الهاشمية

6- سعر تيل الفرامل الامامى والخلفى الاصلى كام

الامامي الاصلي من 450 الى 500 بالنسبة للخلفي بصراحة مسالتش علية

واسف على الاطالة

في النهاية اتمني لك التوفيق و اي مساعدة ممكن تراسلني علي الخاص
و تحياتي لك و مبروك انضمامك لمنتدي اسكودا و نورت منتدي نايل موتورز

م . طارق العدوي

المشاركة الأصلية كتبت بواسطة taaaaaaaaaa7

العربية دي اخرها 80 الف خلي بالك ... محتاجة مصروف وعفشتها واضح انها محتاجه تتفور . وكمان مش فابريكا وبعدين العداد 90 الف مش متطابق مع عربية راشة جنبين . لو لسه ماخلصتش اتاكد من موضوع العداد ده لأني شاكك فيه
بالنسبة لقواعد الموتور الواحده استيراد ب 150 جنيه في اسكندرية ماعرفش عندكم في القاهرة شكلها اغلي كتير
فلتر الزيت بوش ب 30 جنيه و فلتر البنزين ب 40 . انا بصراحع مش عارف الاسعار عندكو غالية جدا كده
لو عايز تعمل صيانه لعربيتك حدد انت عايز تعمل ايه وتعالي اعمله في اسكندرية فرق الفلوس يستاهل المشوار علي فكرة
وربنا ييسرلك الحال

أهلا بيك يا أستاذ تاح
اولا متخوفش الراجل من العربية ثانيا عادي جدا فية عربيات مركونة او صحابها مش ماشية بيها او مبتسافرش بيها كتير و 90 % من العربيات راشة جناب و رش الجناب ميعيبش العربية علي فكرة لان معظمها بتبقي راشة نضافة . ثانيا العكس صحيح الاسعار في القاهرة مش غالية ولا حاجة بس فية ناس بتستغل ظروف اليي قدمها و بتضرب اسعار . و اتاكد من سعر فلتر البنزين لان السعر اليي حضرتك حاطة مش واقعي و برضو فلتر الزيت . و الراجل بيتكلم علي الحاجة اصلي .
و ارجو كلامي ميكنش زعلك بس انا حسيتك بصراحة ردك فية نوع من التهجم علي العربية و الراجل
و يا ربنا يوفق الجميع و انت حبيبي يا استاذ تاح

الخلاصة ياجماعة
اولا رشة الاجناب لا يعيب العربية
ثانيا بالنسبة لقطع الغيار وانا شخصيا بشترى من القاهرة والاسكندرية والخلاصة ان فى حاجات فى اسكندرية رخيصة وفى القاهرة غالية والعكس صحيح مثال الفتيس الاتوماتيك فى اسكندرية لا يقل عن 3500ج فى القاهرة وصلت مع الراجل ل2500ج...فا فى حاجات وحاجات
ثالثا بالنسبة لفلتر الزيت البوش اللى انت بتجيبة او 30 ج دة مضروب واكيد بتجيبة من صلاح الدين فى اسكندرية وفى نوع تانى شبة الاصلى ب40ج واحذر جدا جدا جدا من الانواع دى وخصوصا البوش لان لما تيجى تبص على الطبة بتاعى الفلتر هتلاقيها عالية فوق انما فى الفلتر الاصلى بتبقى تحت ....والموضوع دة غلط جدا وخطير وممكن يطيرلك الماتور ... لان لو الطابة فوق بيحمل على طرمبة الزيت وممكن تبوظ لا قدر اللة يعنى الماتور شيع
بالنسبة للفلتر الزيت الاصلى فسعرة فى التوكيل 62.5 ج وعندما تشترية من برا التوكيل بيتباع ب65 ج وانا شخصيا بعرفة من الريحة بتعاتة ...بشمة يعنى ..لة ريحة معينة تستطيع ان تميزة بها وبالنسبة لسعر العربية انا شايف ان العربية دى فاتحة بقها وما تقولش هصلحها انا او اصرف عليها انا لان العربية دى لو متهانة هتبهدلك
واى استفسار اخر انا تحت امركم

المشاركة الأصلية كتبت بواسطة taaaaaaaaaa7

معتز باشا منورنا وربنا ... كلامك فوق الشوق طبعا وموضوع الفلتر ده مش حقدر اناقشك فيه بس معقول يكون بوش مضروب ؟؟؟ ولا هو اصلا مش بوش ومتنكر في العلبة بس زي القطع الغيار الصيني ؟؟؟
ثانيا انا عندي في العربية بتاعتي الفتلتر مكتوب عليه 30 الف كيلو متر ,, يعني هو العمر بتاعه 30 الف كيلو ولا برضه اغيرهه علي ال 10 الاف ..لأني لسه شاري العربية مش من كتير ومالحقتش اعمل 10 الاف كيلو

اللة يخليك وربنا يبارك فيك
بالنسبة للفلتر زى ما بقلك كدة الفلتر البوش دة مضروب وانا بقلك اهة انت بتجيبة من صلاح الدين صح ؟؟؟
عاوز تتاكد من كلامى هات فلتر اصلى والفلتر البوش هتلاقى اختلاف مكان الطابة وطبعا مكانها عالى جدا فى الفلتر البوش ودى تعمل ضغط على طرمبة الزيت
ودى صورة الفلتر الاصلى

ودى صورة توضح مكان مستوى الطابة

انصح بالفتلر الاصلى وبالنسبة لميعاد تغيرة هو مكتوب كل 30 الف بس انا بغيرة كل 20 الف