برجا المساعده ارجوكو

**alassaby5** · 16-05-2014 01:40 AM

السلام عليكم انا عندى سياره نوبيرا فجاه النهرده وانا مسافر بدات تقطع بشكل غريب رغم انى دائما ايدى فيها يعنى لسه منضف الرشاشات ومغير طقم سيور ومنضف البوجيهات لانى بنضف البوجيهات كل 5 الاف كيلو وايضا فلتلر البنزين بنضفه كل 5 الاف وفلتر الهواء وحساس الايديال منضفه وعامل لها ايديال والتقطيع غريب يعنى فى البدايه منذ عده ايام ممكن كل عده مرات تدوير ممكن مره تغيب فى الدواره وتبقى عاوزه تبطل ادوس سنه بنذين تتعدل اما السحب لما تكون بارده وادورها واجى امشى الاقيها تمام لما تبداء تسخن احس انها متكتفه شويه ولاكن بنسبه ضعيفه المهم محططش فى بالى انما النهرده فجاه بعد ما مشيت بيها حوالى 20 كبلو وطلعت على الطريق السريع لاقيتها فجاه تقطع بدات الاحظ التقطيع فوجدته بيكون عندما يكون الrpm فى حدود 3 ممكن اكثر او اقل سنه يعنى من 2.5 وحتى ال3.3 فى الrpm المهم لاحظت ايضا ان التقطيع بيذيد فبطلت السياره شويه وبعدين دورتها دارت عادى لمده حوالى 5 كيلو وبدات تانى تقطع وبدات كل لما التقطيع يذيد ابطلها وادورها تانى تظبط شويه وبعدين ترجع تانى لحد لما وصلتنى والحمد لله وعندما دخلت على الاعطال المشابه فى المنتدى عرف ان ممكن اكتر من حاجه المهم قولت قبل ان اطرح سوالى اجرب طلمه البنذين وبالفعل خت خرطوم الراجع من الرشاشات وجربت املا زجاجه بنذين لانى عرفت ان المفروض ان التر فى 30 ثانيه لا اكثر ولا اقل ولاكنى وجت الطلمبه اشتغلت ولاكن ملأت حوالى 80 فى الميه من التر فى ال30 ثانيه او 85 فى الميه ان اسف على الاطاله عليكم جميعا ولاكنى اعرف ان حل اى مشكله يتم عن طريق شرح الصوره كامله فبرجا من الخوه مساعدتى ولسيدتكم جذيل الشكر

**amoor89** · 16-05-2014 01:48 AM

فى رأى الشخصى دى أعراض ضعف طرمبة البنزين باعتبار انك مظبط الدنيا فى باقى الحاجات
عموما حاول تشوف حد معرفة تاخد منه طرمبة تجربها على عربيتك بس تكون متأكد انها سليمة واطلع جرب بس فى مكان يكون قريب وامان بحيث لو لقدر الله العربية وقفت تعرف تتصرف
وانتظر رأى الزملاء برده
تحياتى

**lutenit030** · 16-05-2014 02:00 AM

حكايه انها بتقطع لما تسخن يشسر باصبع الاتهام نحو الموبينه
جرب لما تقطع منك حط قوطه مبلوله على الموبينه لو التقيع راح يبقى موبينه

**alassaby5** · 16-05-2014 03:07 AM

شكرا جدا لردود الاعضاء الكرام ولاكنى اعرف ان الموبينه لو فيها مشكله بتفصل خالص ثانيا حتى والعربيه ماشيه وبدات تقطع بمجرد انى ابطلها وادورها تانى تظبط كام كيلو وترجع تانى فماذا رايكم

**alassaby5** · 16-05-2014 03:31 PM

المشاركة الأصلية كتبت بواسطة alassaby5

شكرا جدا لردود الاعضاء الكرام ولاكنى اعرف ان الموبينه لو فيها مشكله بتفصل خالص ثانيا حتى والعربيه ماشيه وبدات تقطع بمجرد انى ابطلها وادورها تانى تظبط كام كيلو وترجع تانى فماذا رايكم

**alassaby5** · 16-05-2014 03:34 PM

المشاركة الأصلية كتبت بواسطة lutenit030

حكايه انها بتقطع لما تسخن يشسر باصبع الاتهام نحو الموبينه
جرب لما تقطع منك حط قوطه مبلوله على الموبينه لو التقيع راح يبقى موبينه

السلام عليكم الاخوه الكرام اصحاب الردود الجميله والافكار انا جربت فكره الاخ الكريم ولاكن لا تغيير فماذا يكون رد الاصدقاانا فى انتظار ردودكم وشكرا

**ادوارد** · 16-05-2014 04:08 PM

ممكن يكون البنزين مش كويس انتة بتحط بنزين كام
او فلتر البنزين مسدود
وماذا عن التبريد العربية بتسخن والحرارة بتزيد ام لا
او سلك البوجيهات او البوجيهات
وشوف كدة فية زيت على الموتور ام لا

**alassaby5** · 17-05-2014 01:33 AM

المشاركة الأصلية كتبت بواسطة ادوارد

ممكن يكون البنزين مش كويس انتة بتحط بنزين كام
او فلتر البنزين مسدود
وماذا عن التبريد العربية بتسخن والحرارة بتزيد ام لا
او سلك البوجيهات او البوجيهات
وشوف كدة فية زيت على الموتور ام لا

السلام عليكم انا بحط بنزين 92
وفلتر البنزين انا لسه مغيره من حوالى 9 الاف وانا بنضفه كل 5 الاف
سلك البوجيهات بصيت عليه الان سليم
الموتور نضيف معلهوش زيت
انا شاكر جدا لاهتمام الاخوه الاعضاء وانا فى انتظار ردودكم العظيمه

**ادوارد** · 17-05-2014 01:45 AM

المشاركة الأصلية كتبت بواسطة alassaby5

السلام عليكم انا بحط بنزين 92
وفلتر البنزين انا لسه مغيره من حوالى 9 الاف وانا بنضفه كل 5 الاف
سلك البوجيهات بصيت عليه الان سليم
الموتور نضيف معلهوش زيت
انا شاكر جدا لاهتمام الاخوه الاعضاء وانا فى انتظار ردودكم العظيمه

شوف فية ميكانيكى كويس اسمة محمد عبدة ممتاذ بيرشحة لنا اخى الاستاذ محمد ممدوح
وفية ميكانيكى ممتاذ كمان اسمة ياسر بيرشحة لنا اخى الاستاذ طارق
شوف مين الاقرب
01003491060 دة رقم ياسر ومكانة فى المطرية
مكان محمد عبدة راسل الاستاذ محمد ممدوح استشارى قسم الدايو ويقولك مكانة فين

لاتنتظر كتير وروح لناس مثل دى تحل لك المشكلة عشان لاتكبر وتكلف اكتر

**FAR!D** · 17-05-2014 07:18 AM

بص حوالين جوان غطا التاكيهات لو لقيته مسرب زيت او فيه زيت تحت الوش البلاستيك بتاع الماتور يبقى الجوان بيسرب زيت على البوجيهات والسلوك و كده حتغير للجوان و طقم اسلاك و طقم بوجيهات و دور في القسم على موضوع اسمه
" خير اللهم ماجعله خير "لسه من يومين تلاته
كنت عامله و تقريبا اعراض مشكلتي كانت زيك او شبهها و تم الاصلاح
وبالتوفيق