لما سواق الميكروباص يخبط عربيه الشرطه

**ah-elgendy** · 16-05-2014 11:36 PM

المكان شارع شبرا عند الدوران الساعه 5 فى عربيات ميكروباص بتقف تحمل و تعطل الطريق والشرطه جت بتمشى العربيات ديه فواحد منهم بيرجع بظهره راح خبط فى عربيه الشرطه خبطه عبيطه جداااا راح الباشا الظابط خبط ع الميكروباص وقاله انت مش شايف يا ابن .......... وراح فاتح باب الميكروباص وقاله انزل يا ابن ........... وخده ع البوكس وعسكرى راح خد الميكروباص ع القسم بصراحه انا كنت مبسوط وانا بتفرج علشان الواحد شاف من الميكروباصات ديه الكتير بس تفتكروا لو كان ملاكى اللى عمل كده كانت هتبقى نفس المعامله ولو معاك مراتك او خطبتك او امك هيبقى احساسك ايه وانت مش عارف ترد ( الناس اللى ليها ظهر ملهاش دعوه طبعا ) ؟

**hugan** · 16-05-2014 11:42 PM

ياريت كان ضرب سواق الميكروباص بالجزمه في الشارع
سواقين ميكروبا ص شبرا
قمه في قله الادب والسفاله والاجرام
عيال بلطجيه ومسجلين
واحد منهم خبط سواق تاكسي من يومين في شارع روض الفرج
خبط له العربيه وضربه هو التباع
وطلعوا سلاح علي الناس اللي واقفه في الشارع لما حبوا يدخلوا

**Mamoud salah H** · 16-05-2014 11:45 PM

انا من شبرا وعايز اقولك اني مبسوط جدا من الي بتحكيه ده عشان ياما شفت من السواقين بنت النيت دول وبالذات في شارع روض الفرج نفسه وبتهيألي لو ملاكي المعاملة هتختلف لان بصراحة كل الكماين والظباط الي عديت عليهم كانت المعاملة والكلام محترم

**amrelsaqqa** · 17-05-2014 12:06 AM

انا مش مبسوط لان الظابط عمل كدة انتقاما لنفسه لا اكثر ولا اقل بالاضافة ان في طرق اكتر تحضر وانسانية للتعامل حتى مع المجرمين وتجيب نتيجة برضه

**mshmshm3** · 17-05-2014 12:35 AM

و ايه يعني ده اقل واجب
ده كدة ظابط محترم

**eng.m7md.ali** · 17-05-2014 12:47 AM

المشاركة الأصلية كتبت بواسطة amrelsaqqa

انا مش مبسوط لان الظابط عمل كدة انتقاما لنفسه لا اكثر ولا اقل بالاضافة ان في طرق اكتر تحضر وانسانية للتعامل حتى مع المجرمين وتجيب نتيجة برضه

طول عمري بتفق مع حضرتك في كل حاجة الا الكومنت ده

ده اقل واجب يحصل فيه ولو طال يموته كمان انا هبقى مبسوط جداً .. متقوليش ده انسان ومتنفعش المعاملة دي لان ده مش انسان .. ده بلطجي حيوان شيطان مجرم مسجل خطر على هيئة انسان

**Ahmed Elseufy** · 17-05-2014 12:59 AM

طيب انا هقولك علي حاجة ده لو كان مكان الظابط شخص عادي كان هينزل ويتخانق معاه وهيكون نفسه يطلع عينه
وده اللى قدر يعمله الظابط مع سواق الميكروباص
احترامي للجميع