BMW 316i أو Mercedes CLA 180

**Z100100** · 17-05-2014 12:01 AM

كل واحد يدخل يكتب رأيه ايه الافضل بين العربيتين دول و طبعاً اول فئه بالنسبه للأتنين
و ركزو في قوه العربيه و الموتور و ايهما معمره اكتر و نوع العفشه و كل حاجه بقا
كمان اللي عنده فكره عن اخر اسعارهم ايه موديل ٢٠١٤ عشان في اختلافات كتير في الاسعار

**محمود حسن** · 17-05-2014 12:13 AM

في ناس بتقول إن تسليم الcla هيبقى ف ٢٠١٥ ده من فترة الكلام ده
ثانيا العربية دي عبارة عن كوبية يعني ضيقة! فهل ده مناسب لحضرتك؟
ثالثا وده الأهم ؛ العربية جر أمامي !! والبي ام دفع خلفي!
لكن ده مينمعش إن العربية شكلها تحفة
والسعر بتاع المرسيدس موجود ف موقع نايل موتورز
أما البي ام فا بصراحة معرفش

**Z100100** · 17-05-2014 12:17 AM

المشاركة الأصلية كتبت بواسطة محمود حسن

في ناس بتقول إن تسليم الcla هيبقى ف ٢٠١٥ ده من فترة الكلام ده
ثانيا العربية دي عبارة عن كوبية يعني ضيقة! فهل ده مناسب لحضرتك؟
ثالثا وده الأهم ؛ العربية جر أمامي !! والبي ام دفع خلفي!
لكن ده مينمعش إن العربية شكلها تحفة
والسعر بتاع المرسيدس موجود ف موقع نايل موتورز
أما البي ام فا بصراحة معرفش

المرسيدس ممكن تتجاب من بره التوكيل بس اوفر برايس و البي ام تقريبا ٣٢٤ الف
بالنسبه للشكل فهما الاتنين حلوين
و الجر الامامي و الخلفي ده انا مش عارفه بيفرق اوي في السواقه و لا ايه

**Mo3taz mostafa** · 17-05-2014 01:15 AM

شكل البي ام الفئة الثالثة افضل تصميم عربيه شفته في حياتي من بي ام و

المرسيدس
ضيقه جدا و من ورا شكلها مش قد كده
بقيت المعلومات الفنيه معنديش فكره عنها

**a7medalaa** · 17-05-2014 02:36 AM

ال 316 ب 320 الف و 344 الف ال CLA ب 295 اول فئة بعد كده 328 الف وانت طالع بقي
ال CLA 180 اللي هما اول فئتين موتورهم 122hp و 200N.M ال BMW 136hp غير الفتيس ال 8 speed الجديد التحفة بتاع BMW
ال BMW في التجهيزات تكسب بفارق ملحوظ يعني حرام تركب عربية بالتمن ده مفيهاش مرايات ضم و لا parking sensors ولا تكيف اتوماتيك للاسف ال CLA اول فئتين فقيرين جدا في تجهيزهم بالنسبة لل 316 غير ان ال CLA ضيقة شوية من ورا و جر امامي مش دفع خلفي زي ال BMW و تابلوه ال 316 اكثر ثراءا بكتيير الصراحة انا لو من حضرتك اجيب ال 316 برغم عشقي لتصميم ال CLA الرائع بس اوبشنز ال 316 اعلي كتير و قعدتها اريح و اوسع .. وربنا يوفقك للي فيه الخير

**2CODE** · 17-05-2014 07:28 AM

مش هنتكلم كتير

الدفع الخلفي افضل في التسارع والثبات وفرامل ومناورات وقليل المشاكل ولكن تكلفته عالية في التصنيع والصيانة !!!!!!!!
الجر الامامي تكلفته في التصنيع اقل - فرامل وثبات لا يقارن بالدفع الخلفي - تكلفة صيانته اقل واسهل !!!!!!

من الاخر المرسيدس CLA 180 عربية رديئة وفقدت اهم ميزه من المرسيدس اللي هي الثبات والتسارع طبعاً اقل بكتير من الدفع الخلفي ومعروف كده طبعاً

100% رأيي يروح لـ316i احد اجمل سيارات BMW حتى الان !!!!!!!!!!!!!

**ENG.MaRk** · 17-05-2014 08:07 AM

BMW 316 .... the RWD is damn good

**svneleven** · 17-05-2014 09:00 AM

كله كوم و منظر ال cla من ورا كوم تاني. صيني صيني الصراحة.

**K.Ossama** · 17-05-2014 09:44 AM

ال316 أحسن فى كل حاجة شكل ومضمون وقيمة مقابل السعر

**احمد فهمى** · 17-05-2014 10:34 AM

كلام تمام جداً بس سيظل الفرق الجوهرى ان بي ام شكل قديم وهيتغير قريباً ومرسيدس شكل جديد محتاج سنين للتغيير وبكل الاشكال بى ام هتفقد قيمتها اكتر من المرسيدس والسحب الامامي مش عيب فولكس واودى وفورد واوبل كلهم سحب امامى ومعظم عربياتهم من نفس الفئه اغلى من المرسيدس الcla ...

نصيحه المرسيدس صفقه رابحه شكل جديد وتصميم مميز داخلى وخارجى وبالتوفيق..