2010 , 2011 لو كاملة هتبدا اسعارها الحالات الكويسة من 58 تقريبا
2009 كله روماني وشكل مختلف عن الجديد ... من 2010 ل بدايات 2014 شكل واحد وكلها مغربي الفول اوبشنز هيكون فيها الاتي ( باور سنتر تكييف ازاز كهربا قدام وورا ايرباج سواق فوج لايتس كمبيوتر رحلات تارة متحركة كرسي سائق يمكن تعليته تحكم في المرايات الجانبية بالكهربا ووجود سخانات في المرايا الكهربائية تشتغل مع سخانات الزجاج الخلفي ) ما عدا بعض الدفعات نزل روماني يزيد علي اللي فات ان فيها اتنيين ايرباج وايه بي اس كمان في فرق ان في 2012 بدا ينزل كاسيت ودراع مالتي فانكشن والكاسيت كان بيتنزل تقريبا من 2011 ام بي 3 اما 2010 اعتقد كله اوديو بس ماكينة وعفشة كل حاجة زي ما هي ما عدا اختلاف في نوعية سير التقسيمة بس
موتور اللوجان هو نفس موتور الميجان 1 وكوده هو k7m مع اختلاف ان موتور ميجان وان كان k7m704
وموتور اللوجان كود انتاجه k7m710 الكلام ده علي المانيوال مش الاوتوماتيك طبعا ومواصفات الموتورين هما هما الموتور 128 نيوتن عند 5500 لفة 90 هورس باور 8 فالف
الثبات كويس جدا لحد 140 فوق ال 140 بتبدا تخف
علي الطرق وعن تجربة لو سرعتك لحد 100 الاستهلاك بدون تكييف ممكن يوصل معاك من 5.7 ل 6.2 لتر لو بالتكييف يوصل ل 6.4 او 6.6 لتر لكل 100 كيلو طبعا لو السرعة زادت شوية الاستهلاك بيزيد بس مش جامد
تكييف العربية كويس
عيوب العربية الكلاكس في الدراع وممكن يبدا يبوظ معاك بسرعة وحله ببساط بيتفك الزرار وبتخرج منه الريشة بتاعة الكلاكس دي هي زي دايرة بيتلف عليها سلك او تتلحم قصدير فبترجع زي الاول واحسن كمان ... بومبيهات الرفارف بارزة شوية بتبقي سهلة الحك ... العربية الباور بتاعها تقيل شوية ... العربية مش ناعمة اوي هي خشنة شوية بس حمالة قسية جدا ... الكاوتش اللي بينزل في العربيات اللي ماركته باروم بيقال انه بيزحف شوية مع الفرامل الموديلات القديمة زي 2010 وكده كان بينزل فيها كاوتش ميشلان
المفضلات