سنة اولي بيجو 301 و نصيحة لو سمحتو

**john1989** · 17-05-2014 08:51 AM

قبل اي كلام في الموضوع احب اني احيي رجالة المنتدي لانكم بجد بتعرفو الواحد معلومات كتيرة جدا عن البيجو 301 الي انا بتشرف اني من اوائل الناس الي ركبتها من اول ما نزلت مصر.

مش هطول عليكو انا استلمت العربية من سنة بظبط هي اوتوماتيك بيزلاين و ماشية دلوقتي 18 الف كيلو و من وجهة نظري العربية محترمة جدا جدا و افضل قيمة مقابل السعر..لو بنتكلم علي الثبات انا مش من هواة الجري لكن كنت مسافر بيها مرسي مطروح جبت بيها 180 و دي كانت اعلي حاجة جبتها و مكونتش خايف لان فعلا العربية تقيلة علي الطريق و سحبها ممتاز حتي بعد ال100..الفرامل الي فعلا عاملة قلق عند الناس هوا فعلا انا صادفني مشكلة تيل الفرامل و غيرتو علي 17 الف كيلو و كان قبلها بحوالي 2000 كيلو بيصفر لكن عاما فرامل العربية ممتازة..التكييف اول ما جبتها كان مش كويس و بيقصر علي السحب جامد بصراحة اتفاجئت اني لقيت التوكيل بيكلموني بيقولولي اروح انزل السوفتوير و فعلا نزلتو و التكييف بقي كويس جدا (الكلام دا كان الصيف الي فات)...عفشة العربية ممتازة و ناعمة مش بحس بالمطبات..و زي ما قولتلكو السحب بتاع العربية رائع و التكييف مش بيأثر اوي علية...البنزين كان استهلاكو عالي شوية اول ما جبت العربية بس مع الوقت بدأ الاستهلاك يتظبط..العربية واسعة جدا بطريقة غريبة انا برجع الكرسي علي الاخر و الي بيعد ورايا بيكون فارد رجلو عادي و الشنطة واسعة بردو..اوحش حاجة في العربية موضوع ان ظبط المراية مانيوال في البيزلاين دي حاجة عيب انها تكون بتنزل في اي عربية لحد دلوقتي بصراحة و طبعا مصنعيات التوكيل كتيرة جدا لازم حل ليها..بس في المجمل العربية بصراحة مريحة جدا جدا.

رغم كل حبي للعربية انا عايز منكو نصيحة لاني بكلامكو ممكن ابيعها او لا..انا قدامي عربية 307 sw موديل 2008 ماشية 40 الف كيلوهايلاين و فابريقة بالكامل اية رأيوكو ابيع الي معايا و اجيب دي؟؟ انا عارف اني هنزل 6 سنين بالموديل...هل تستاهل ال307 كدة؟؟ هيا اغرتني بصراحة بالاوبشنز الكتيرة الي فيها مفيش مقارنة من ناحية الاوبشنز و انا اسمع ان ال307 عربية محترمة بدليل اني بشوفها كتير جدا في الشارع..عايز نصيحتكو ضروري لاني محتار و لازم اقرر عشان الحق اعرض عربيتي قبل ما ال307 دي تتباع...مستني نصايحكو لو سمحتو.

اسف اني طولت عليكو و اتمني يكون تقريري عن ال301 زود اي حاجة.

**ابو هنا** · 17-05-2014 03:41 PM

اولاً :- كل سنة وال301 طيبة وبألف خير وعافية .
ثانياً:- انا شايف ان إللي عايز يشتري 301 لازم يِشتريها هاي لاين حتى لو كان حيستلف او يقترض ؟
الفرف في السعر بين البيزلاين والهايلاين 12000 جنيه ، بتشتري بيهم فارق اوبشن كتير، بيكون اكتر من فرق الثمن ِ.
حتى في اعادة البيع حيكون الطلب على الهاي لاين اكثر . بدليل أن اللي عجبك في 307 فارق الكمايات .
ثالثاً:- انا لو في مكانك مش حبيع 301 بتعتي خصوصاً انها مش مزعلاني على حد قولك علشان 307 مستعملة ( وما خفي كان اعظم في المستعمل ).

**limo81** · 17-05-2014 04:37 PM

بالظبط كده
انا عندى حكمه انا مألفها م الواقع بعد تجربه (128 جديده أحسن من bmw مستعمله)

**abohend** · 17-05-2014 05:48 PM

المشاركة الأصلية كتبت بواسطة limo81

بالظبط كده
انا عندى حكمه انا مألفها م الواقع بعد تجربه (128 جديده أحسن من bmw مستعمله)

واسعة دي يا limo
بس فعلا المستعمل ملوش أمان
و لو مش هتشتري من حد تعرفه و عارف استخدامه بتبقى مخاطرة كبيرة

صاحب الموضوع
غير كده ايه اللي يضمنك إن ال307 هتستناك
ممكن تبيع ال301 و تلاقي ال307 اتباعت أو صاحبها غير رايه
أو بعد الكشف عليها تلاقيها فيها مشاكل
هتعمل ايه ساعتها

**limo81** · 17-05-2014 07:00 PM

المشاركة الأصلية كتبت بواسطة abohend

واسعة دي يا limo
بس فعلا المستعمل ملوش أمان
و لو مش هتشتري من حد تعرفه و عارف استخدامه بتبقى مخاطرة كبيرة

صاحب الموضوع
غير كده ايه اللي يضمنك إن ال307 هتستناك
ممكن تبيع ال301 و تلاقي ال307 اتباعت أو صاحبها غير رايه
أو بعد الكشف عليها تلاقيها فيها مشاكل
هتعمل ايه ساعتها

اوافقك الرأي، ولكن ده مجرد تشبيه فقط ،فعلا زي ما حضرتك ذكرت كده "حد معرفه"، بس الجديد لا يعلي عليه و ليه طعم تاني وبتهتم بيه اكتر

**john1989** · 18-05-2014 08:48 AM

المشاركة الأصلية كتبت بواسطة ابو هنا

اولاً :- كل سنة وال301 طيبة وبألف خير وعافية .
ثانياً:- انا شايف ان إللي عايز يشتري 301 لازم يِشتريها هاي لاين حتى لو كان حيستلف او يقترض ؟
الفرف في السعر بين البيزلاين والهايلاين 12000 جنيه ، بتشتري بيهم فارق اوبشن كتير، بيكون اكتر من فرق الثمن ِ.
حتى في اعادة البيع حيكون الطلب على الهاي لاين اكثر . بدليل أن اللي عجبك في 307 فارق الكمايات .
ثالثاً:- انا لو في مكانك مش حبيع 301 بتعتي خصوصاً انها مش مزعلاني على حد قولك علشان 307 مستعملة ( وما خفي كان اعظم في المستعمل ).

أ/ ابو هنا..كلامك صح طبعا ان ال301 متتركبش غير هاي لاين و اكيد لو كنت راكب الهاي لاين عمر ما كنت هفكر اغيرها ل307 مستعملة و موديل اقدم..بس الفكرة ان وقت ما كنت بجيب العربية كنت رايح اصلا اشتري نيسان صني و لما شوفت ال301 واقفة غيرت رأيي في ثواني و طبعا لو كان معايا وقتها اجيب هاي لاين كنت هجيب..بس الحمد للة علي كل شيء و اشكرك علي كلامك

**john1989** · 18-05-2014 08:50 AM

المشاركة الأصلية كتبت بواسطة abohend

واسعة دي يا limo
بس فعلا المستعمل ملوش أمان
و لو مش هتشتري من حد تعرفه و عارف استخدامه بتبقى مخاطرة كبيرة

صاحب الموضوع
غير كده ايه اللي يضمنك إن ال307 هتستناك
ممكن تبيع ال301 و تلاقي ال307 اتباعت أو صاحبها غير رايه
أو بعد الكشف عليها تلاقيها فيها مشاكل
هتعمل ايه ساعتها

أ/ ابوهند و أ/ limo..كلامكو صح 100% و خلاص بقي انا لو فكرتي كلها اوبشنز يبقي 301 هايلاين اضمن و احسن من عربية بقالها 6 سنين..اشكركوا