الموضوع: الشيفروليه الاوبترا 2014 ولا بيجو 301 2014

الكروز الهاى لاين ب150 الف
وبما انا ميزانية حرتك 130 الف يبقى مفيش غير الصنى والبيجو
رايى البيجو 301

لو قصدك الاوبترا الشكل الجديد يبقى بلاش خالص عربيه صيني وسيئه كمان يعني مش زي الصيني النظيف لو لقيت الشكل القديم يبقى احسن مليون مره
الصني كويسه لو الشكل القديم لكن الشكل الجديد في شكاوي كتير من ملاكها
البيجو كويسه وهي الافضل من بين الخيارات دي ولو ان هناك بعض الشكاوي من تيل الفرامل اللي بيخلص بسرعه ومن وجهة نظري هي مش افضل الخيارات
لو تقدر تزود لـ 136.000 جنيه ممكن تجيب متسوبيشي لانسر شارك اول فئه
او تجيبب كيا ريو تاني فئه

أنا مع آراء الزملاء
الشارك او الكروز أفضل لو فى إمكانية للزيادة

1- انا كان معايا من شهر الاوبترا الموديل السابق و عربيه وحش فى السفر , شاسيه تقيل محترم على سرعة 180 زلطه على الارض مع تعليق خلفى مالتى لينك وسع داخلى ولا انتريه البيت بس عيبها الوحيد كانت فقيره اوبشن و صاج ضعيف فى بعض الاماكن ( الكبوت و السقف ) مش عارف بقا الجديده , انا اعرف انها تصنيع صينى بس اكيد الشاسيه ما اختلفش , يعنى لو نفس امكانيات القديمه فى الثبات و الراحه مع زيادة الاوبشن يبقا اوكيه عليها و ما تقلقش من موضوع صينى ده , همه صنعوها هناك علشان يقدر يحط اوبشن مع سعر قوى منافس , لا يمكن كانت تبقا هاى لاين لو كانت من كوريا و ب 130000 بس , النهارده الصينى مش قليل و اكبر ماركات فى العالم بتصنع هناك و التاريخ بيعيد نفسه لما نزل اليابانى فى اوائل السبعينات كانت الناس تقول لك تسيب الفرنساوى و الالمانى و تركب اليابانى ؟ و كذالك نفس القصه كانت مع الكورى .
منصور كتوكيل مش قوى بس شغال مش وحش .
2- النيسان صنى و لا مؤاخذه نيله مش عارف ازاى جازفوا بسمعتهم بالمنظر ده , عربيه لا ثبات فى السفر و لا عائليه و لا خامات داخليه نضيفه يعنى فعلا لو لقيت منها القديم زيرو اتكل على الله .
3- البيجو 301 احترمها تقفيل و شكل و فخامه و قوة موتور بس الناس بتسب و تلعن فى توكيلها و اسعار قطع الغيار و مش هاتقدر تستغنى عن التوكيل لانه روح الاوروبى فى الصيانه الدوريه المحترمه و الا هاتتبهدل
و ربنا يوفق

المشاركة الأصلية كتبت بواسطة yasser100

1- انا كان معايا من شهر الاوبترا الموديل السابق و عربيه وحش فى السفر , شاسيه تقيل محترم على سرعة 180 زلطه على الارض مع تعليق خلفى مالتى لينك وسع داخلى ولا انتريه البيت بس عيبها الوحيد كانت فقيره اوبشن و صاج ضعيف فى بعض الاماكن ( الكبوت و السقف ) مش عارف بقا الجديده , انا اعرف انها تصنيع صينى بس اكيد الشاسيه ما اختلفش , يعنى لو نفس امكانيات القديمه فى الثبات و الراحه مع زيادة الاوبشن يبقا اوكيه عليها و ما تقلقش من موضوع صينى ده , همه صنعوها هناك علشان يقدر يحط اوبشن مع سعر قوى منافس , لا يمكن كانت تبقا هاى لاين لو كانت من كوريا و ب 130000 بس , النهارده الصينى مش قليل و اكبر ماركات فى العالم بتصنع هناك و التاريخ بيعيد نفسه لما نزل اليابانى فى اوائل السبعينات كانت الناس تقول لك تسيب الفرنساوى و الالمانى و تركب اليابانى ؟ و كذالك نفس القصه كانت مع الكورى .
منصور كتوكيل مش قوى بس شغال مش وحش .
2- النيسان صنى و لا مؤاخذه نيله مش عارف ازاى جازفوا بسمعتهم بالمنظر ده , عربيه لا ثبات فى السفر و لا عائليه و لا خامات داخليه نضيفه يعنى فعلا لو لقيت منها القديم زيرو اتكل على الله .
3- البيجو 301 احترمها تقفيل و شكل و فخامه و قوة موتور بس الناس بتسب و تلعن فى توكيلها و اسعار قطع الغيار و مش هاتقدر تستغنى عن التوكيل لانه روح الاوروبى فى الصيانه الدوريه المحترمه و الا هاتتبهدل
و ربنا يوفق

بعد أذنك انا هاعلق على الجزء الخاص بالنيو صنى لأنى راكبها بقالى سنة والطبيعى لما حد يتكلم عن عربية يبقى ركبها واستعملها مش أقل من شهر صح كده ؟ .. نرجع لموضوعنا .. الصنى مش عائلية أزااااى ؟؟ عربية وسع بسم الله الله ماشاء الله وممكن سعادتك تحط رجل على رجل ورا وقدام كمان .. الشكل الخارجى مش عاجبك .. اذواق .. وانا عارف ان فيه ناس كتير مش عاجبها الشكل بالذات من الخلف بس مش ده اللى يخلينى ماجبهاش او ماركبهاش .. كل واحد ليه طريقته فى اختيار العربية اللى تعجبه وتلبى احتياجاته .. انا مثلا كان قدامى الشكل القديم وعن طريق معرفة فى مصنع نيسان كنت هاخدها ب 103000 تسليم فورى ورفضت وأخترت الشكل الجديد .. الشكل القديم ليها ميزاتها مافيش كلام بس انا شفت الجديدة ميزاتها اكتر والحمد لله لم تخذلنى ولو رجع بيا الزمن هاجيبها تانى .. تحياتى