الموضوع: تقيمى لل f3 مانيوال 2014

السلام عليكم
اولا انا صديق للمنتدى من سنة 2007 لما كنت اشتريت لانوس 2007 زيرو من التوكيل وبعتها وجيت فيرنا 2013 زيرو وبعتها وجبت بى واى دى 2014 مانيوال بجد العربية ممتازة ماشاء الله ثبات وفرامل واداء فوق الممتاز والله ومش هاقارنها بعربية تانية لان شوفت بعينى وركبت عربيات كتير انا حاسس لما بركبها كانى راكب كرولا نفس الركوبة والله مافى فرق لان الكرولا مع واحد صاحبى وبركبها معاه وهو متغاظ من عربيتى اوى وبيقولى صينى ولما ركبها قال والله حاسيت ان راكب عربيتى مفيش فرق
العربية معايا يقالها 3 شهور وعاملة 4500 ك وشاريها من توكيل الغد فى المنصورة ويصراحة التوكيل اللى عندهم اديلة 90% من الاداء محترمين جدا وياخدوك على كفوف الراحات لكن موضوع انك تيجى تزود حاجة فى العربية زى وحدة الرفع او السماعات الخلفية يقولك العربية تخرج برة التوكيل يعنى اخد الربية مغريش فيها

انا كنت فى اسكندرية وعلى الطريق الساحلى جبت بيها 200 ك كانى مش بجرى لان لما جيت افرمل ثبات جميل تحس العربية كلها بتكلبش والتسارع بتاعها حلو اوى بتجمع سرعة يسرعة لو بعدى عربية فى لحظة بتكون مساعداك

وان شاء الله هاكون معاكو فى المنتى الجميل دة نتشارك وكل واحد يقول راية بصراحة

شكرا

المشاركة الأصلية كتبت بواسطة hossamm444

هو حضرتك معاك ال 1500 ولا ال 1600 cc

معايا 1600 التجميع المحلى