تجريبتى فى شراء a5 والفالف بدى المحير

**ebrahim_mh** · 19-05-2014 10:42 AM

باختصار يا جماعة انا حبيت انقلكم تجريبتى عند شراء اوكتافيا a5 موديل 2006
المهم حالة العربية 100 100 اول فئة بدون اى دهانات تمامآ حتى الصالون فوق الممتاز السيارة عدادها 90 الف من الاخر العربية تحفة بعد ما اتفقنا على السعر وكل حاجة وشوفتها مرة واثنين قولت هخلص فيها
المهم روحت توكيل الاقصى عشان اكشف عليها
وكانت الصدمة العربية فيها فالف بدى فى الفيتيس والكل اكييد عارف المشكله ديه
طبعا انا صرفت نظر عنها تمامآ بعد ما دفعت ثمن الكشف 500 جنيه ولا استفدت حاجة

يعنى لما تلاقى عربية فابريقة بالكامل وعداد كويس وصالون كويس ممكن يطلع العيب ده
* اللى انا اكتشفته ان العربيات a5 للاسف كلها نفس المشاكل والموضوع فى التوكيل عادى ناس كتير بتشتكى منه وطبعا التكلفة فى التوكيل 17000 الف وبالتالى البيعة راحت حتى الراجل مرضيش ينزل فى سعرها مش مقتنع بصدمة الموضوع والمهندسين بيأكدولو الموضوع وهو ابدآ مش مصدق
انا قلت انقل تجربة الشراء للناس المقدمة على شراء اوكتافيا a5 حتى يستفيد الجميع
خلى بالكو

**sameh197879** · 19-05-2014 01:46 PM

تسلم انا استفدت لانى كنت هشترى a5 الاسبوع دة وكدة غيرت رايى انا هفضل بالa4 مانوال احسن

**svneleven** · 19-05-2014 02:54 PM

الموضوع معروف عن ال a5 الموديل ده لحد 2008 أطن و ده ما يعيبش العربية عامة المهم تكشف و تتأكد أن العربية سليمة لأن مش كل العربيات فيها نفس المشكلة يعني مش زي مشكلة ال DSG اللي في معظم العربيات.

**طارق _عبد السلام** · 19-05-2014 09:39 PM

المشكله موجوده فعلا لكن مشكله اهمال مش اكتر وناس كتير راكبه اوكتافيا ومتعرفش ان لازم يتغير زيت الفتيس بزيت اصلى
ومنهم من يعرف بلزوم تغيير زيت الفتيس لكن بيسترخص بيغير زيت رخيص ومبيغيرش الفلتر كمان ومن هنا تبدأ المشكله

**mo7a_mo7a** · 20-05-2014 12:53 AM

شكراً جزيلاً بارك الله فيك

**Moratoz** · 20-05-2014 04:17 PM

عامه طبعا شكرًا علي نقل التجربه ولكن الموضوع دا كان الاول يبقي فعلا مكلف جداً بسد بوقتي لو الموضوع كان خفيف ممكن يتحل بغسل البدي فلف وتغيير الزيت ولو الموضوع كبر شويه ممكن يتصلح في حدود ٤٠٠٠ جم ولو حل جزري بيتم تغير بالبدي فلف الخاص بالفنتازيا بحوالي ٧ الي ٨ آلاف جنيهاً
ولو من مالكي العربيه الموضوع مبقاش يخض زي الاول لأن زي ما حضرتك بتقول بقي معروف وأصبح مفهوش اشتغالات كتير زي الاول يعني ممكن الموضوع يتحل بغسيل البدي وتغير الزيت فقط
تحياتي

**المنسي** · 21-05-2014 02:01 PM

للاسف فى مصر ناس كتير بتشترى العربية ويفضل راكبها واخره يغير زيت ويحط بنزين لغاية ما العربية تقع منه خالص وساعتها يقول كده عملت اللى عليها ابيعها واجيب جديد ويجى واحد يشترى على عماه ويلبس صيانات للعربية متعملتش من اول الزيرو .... شكرا للتحذير

-

الموضوع: تجريبتى فى شراء a5 والفالف بدى المحير

LinkBack

أدوات الموضوع

عرض

-

-

-

المواضيع المتشابهه

موضوع الزيت المحير

تجريبتى مع كاوتش كوموهو

تجريبتى مع mg3

تجريبتى مع كاوتش كوموهو

Citoren C4 ( نعم ام لا ) السوال المحير جدا؟؟؟؟؟اى حد يساعد

الكلمات الدلالية لهذا الموضوع

المفضلات

المفضلات

ضوابط المشاركة