مروحة الماروتي

**Esraa_tarek** · 19-05-2014 01:55 PM

أحب أسأل هي المروحة اللي في الماروتي حل فعال قي الحر ؟؟ هيا مش بتجيب غير هواء سخن ..
غير كده ياريت أي شرح للخيارات بتاعتها سواء دورة تجديد الهواء من الداخل أو الخارج.. بمعنى أخر ايه هوا أفضل اختيار يخلي الهواء بارد مش سخن طالع من الموتور
حاجة كمان .. لو مفيش أمل ان المروحة دي تجيب هواء بارد هل ممكن أركب مروحة صغيرة على التابلوه وللا هتخلي شكل العربية وحش ؟؟ و اذا كان كده هل يمكن تثبيتها جنب السماعات عشان مقطعش في التابلوه ؟؟
برجاء الإفادة جازاكم الله كل خير

**aw2100** · 19-05-2014 02:58 PM

الحل مروحه صغيرة او مروحتين وتحطيها فى الخلف واحدة فى كل جنب وتتربط فى الرف الخلفى لكن مروحه التابلوة هواء سخن بتراب وبس وربنا يقويكم على الحر السنه دى فى القاهرة !!

**lidosasa** · 19-05-2014 03:12 PM

ملهاش حل غير تركبى تكييف للعربية غير كده أى مروحة موجودة أو تتركب حتبقى زى قلتها وكل اللى حتعمله إنها تقلب الهوا السخن اللى جوه العربية وتضربه فى وش الركاب كأنها مروحة فرن

**ابو لؤى** · 19-05-2014 04:38 PM

المشاركة الأصلية كتبت بواسطة Esraa_tarek

أنا سمعت ان تركيب التكيف بيأثر على السحب و على الموتور بالمدى البعيد
ايه تكيف ساندان ؟؟؟ و المروحة سعرها بكام و أجيبها منين ؟؟ و التركيب فين ؟؟
من فضلكم لو حد عنده أي معلومة يوضحها لأني فعلا بتضايق من الحر جوة العربية

نصحت حضرتك كتير بلاش ماروتى

**ابو لؤى** · 19-05-2014 04:41 PM

فى ناس بتقول فى تكيف بيركب مش بيحمل على الماتور خالص بيحمل على الدينمو تقريبا شغال بالكهرباء بس

**Esraa_tarek** · 19-05-2014 07:04 PM

أستاذ أبو لؤي متشكرة لرأي حضرتك
الماروتي كانت الأفضل لميزانيتي عشان أجيب موديل حديث و يريحني من الأعطال في فترة التعليم
كنت هاعمل ايه طيب معظم الأعضاء هنا نصحوني بيها :)
دلوقتي أنا محتارة في موضوع المروحة و التكيف و محتاجة حل كويس مش مكلف

**J A G U A R** · 19-05-2014 07:50 PM

التكييف الساندن افضل حل بس على ماتور 800 cc العربيه هاتبقى عايزه اللى يزقها علشان تمشى

**lidosasa** · 20-05-2014 03:24 PM

التكييف السندان حيتكلف 3200 جنيه وأعتقد إن سحب العربية مش حيتأثر بالشكل المبالغ فيه اللى الناس بتقول عليه وعامة أى تكييف لآى عربية فى الدنيا بيأثر على أداء وعمر الموتور فى حدود 20 % إلى 25 % ... وطبعاً حيكون ملحوظ بكشل أكبر فى الماروتى لآن الموتور ضعيف أصلاً وبيولد قوة قصوى 37 حصان

-

الموضوع: مروحة الماروتي

LinkBack

أدوات الموضوع

عرض

-

-

-

-

-

-

المواضيع المتشابهه

تيل الماروتي

صوت ونة في الماروتي

عتب الماروتي

صوت الماروتي

128 ولا الماروتي

الكلمات الدلالية لهذا الموضوع

المفضلات

المفضلات

ضوابط المشاركة