استشاره فنيه بخصوص شراء اوكتافيا a4 2008

**aymankhalifa** · 20-05-2014 12:51 AM

السلام عليكم و رحمه الله و بركاته
معلش استشاره فنيه كده على الماشي علشان انا قدامي عربيه بتاعت واحد صاحبي a4 2008 معاه من الزيرو و عايز يبيعها فقالي عليها لانه عارف اني بحب العربيه ده جده المهم العربيه 2008 اوتوماتيك عامله 44 الف كيلو (العداد مش ملعوب فيه) فانا كنت عايز اعرف رايكم فيها ايه و هيا تساوي كام و ايه اللي لازم اخد بالي منه لما اشتريها و مع العلم اني معايا لانسر بومه اوتو 1600 2009 كلاسيك و و هل ححس بفرق فعلا بين العربيتين و لا لاا
و شكرا و ارجوا الافاده

**mo3tazanas** · 20-05-2014 01:06 AM

بص انا هقولك بصراحة العربية دى لو معايا بالمواصفات اللى انت بتقولها دى عمرى ما هفرط فيها ابداااااااااا
هو بيبعها لية ؟؟؟؟؟؟؟؟؟؟؟؟؟؟؟ اكيد فى حاجة مش مظبوطة ................وطبعا السعر فوق 100 الف

**J A G U A R** · 20-05-2014 01:12 AM

متابع ..

**aymankhalifa** · 20-05-2014 01:59 AM

Omar basha

تسلم يا باشا و متشكر على الرد السريع بس هيه للاسف مفيهاش مثبت سرعه و معلش قولي ممكن اكشف عليها فين علما بان انا ساكن فى التجمع بالقاهرة
و معلش اكون شاكر لو تبعتلي لينك الكتالوج بتاعها لو تعرفوه

و شكرا

**aymankhalifa** · 20-05-2014 02:25 AM

معلش و كمان انا كنت عايز اسال علي تسارع او سحب الوتور و عزل الصوت اخبارهم ايه علشان اللانسر البومه اللي معايا عزلها سيئ للغايه و تسارع الموتور برضه مش قد كدة علشان هيه مصرى الرواس مش خليجي

**ahmedshawky** · 20-05-2014 11:45 AM

السلام عليكم
انا لسه بايع بومه 2005 1600 اوتوماتيك
وشاري a4 2003
العربيه ممتازه والعزل احسن وثابته علي الارض
بس البومه فتيسها احلي في الغيارات

**Moratoz** · 20-05-2014 01:07 PM

هي كركوبه هتحس بفرق احسن من حيث الثبات والعزل وعلي السرعات ثباتها جيد جداً ومن وجهه نظري أفخم من ألبومه وان كانت الكنبه الخلفية ضيقه شويه
وممكن تكشف عند مهندس هاني في جسر السويس بعد حديقه بدر شارع الأربعين وعند مهندس محمد سمير النزهه الجديده وعند مهندس خالد الحي العاشر مزينه نصر ( معرفش فين في الحي العاشر )