الموضوع: ساعدونى انا اشتريت تيدا 2007 انهارده و محتاج اعملها صيانة و اظبطها

بالمناسبة
انا كاتبك كل ده عشان اسألكوا اعمل صيانة فين و اجيب قطع غيار منين
هى عاملة 85000 كم و مبدأيا هاحتاج اعمل صيانة ال 80
و اجيب جلبة اسكاترا هو كاتب جنها علبة دركسيون و تقريبا سير دينمو و كل الزيوت و السيور و الفلاتر و مساحة كاملة بالدراع و حساس شكمان و كاتب الكاتينة و ملحقاتها و البوجيهات

بالمناسبة الكشف ده معمول فى بنزينة مش فى التوكيل
هل اروح التوكيل هم يتصرفوا ولا اشترى من بره ولا ايه? و كمان تكلفة الليلة على بعضها ايه. اللى فى البنزينة قالى احنا نعملك ده و يكلفك 1700 جنيه . ايه رأيكم

افيدونا
شكرا

ياعم 1000 مبروك النسيان وعقبال المازدا

أولا ألف مبروك ... ثاتيا روح التوكيل و ريح دماغك

المشاركة الأصلية كتبت بواسطة matawfeek

بالمناسبة
انا كاتبك كل ده عشان اسألكوا اعمل صيانة فين و اجيب قطع غيار منين
هى عاملة 85000 كم و مبدأيا هاحتاج اعمل صيانة ال 80
و اجيب جلبة اسكاترا هو كاتب جنها علبة دركسيون و تقريبا سير دينمو و كل الزيوت و السيور و الفلاتر و مساحة كاملة بالدراع و حساس شكمان و كاتب الكاتينة و ملحقاتها و البوجيهات

بالمناسبة الكشف ده معمول فى بنزينة مش فى التوكيل
هل اروح التوكيل هم يتصرفوا ولا اشترى من بره ولا ايه? و كمان تكلفة الليلة على بعضها ايه. اللى فى البنزينة قالى احنا نعملك ده و يكلفك 1700 جنيه . ايه رأيكم

افيدونا
شكرا

جلبة اسكاترا دي مبتتغيرش و مش هتغير علبة دريكسيون ب 3 الاف جميه عشانها

بص انت كده كده هتغير فلتر هوا و تكيف + بوجيهات + سير دينامو + زيت موتور و فلتر _ زيت فتيس اوتوماتيك
الكاتينه جنزير مبتتغيرش
حساس شكمان ليه ؟ هي لمبه التشيك منوره ؟ و لو منوره هو في التوكيل ببتاع 400 جنيه

هتكلفك عشان هتجيب الاصلي من التوكيل او العالميه شارع دمشق عشان يعيش معاك

فلتر هوا بتاع 170 180
تكيف 220 باين
بوجيهات 500 (بلاتنيوم بتقعد 80 100 الف كيلو)
فلتر اصلي 67
زيت فتيس توتال 4 لتر
زيت موتور اللي انت عايزه
سير دينامو اصلي بتاع 200 مثلا

هتغيرهم في التوكيل هتدفع كتير قوي بس هتبقى مطمن
هتغير بره و ميكانيكي ميعرفش العربيه هيعك عك اسود

لازم تروح التوكيل عشان تتمن اكتر علي العربيه عشان كشف بتاع البنزينه مش زي التوكيل وكمان تكشف عليها بالكمبيوتر

عشان تطمن على الحساسات

الف الف شكر ليكوا كلكوا على ردودكوا الجميلة و الله يبارك فيكوا جميعا
و متشكر جدا لنصيحتكم و انا ان شاء الله هعمل بيها


و شكرا يا استاذ شيتوس على الاسعار دى الف شكر

عندى سؤالين بس صغيرين

مبدأيا فين التوكيل اللى اروحله ؟ انا شغلى فى مدينة نصر و ساكن فى زهراء مدينة نصر بس معنديش مشاكل اروح توكيل بعيد بس انا معرفش هى ليها كام توكيل و عناوينهم فين و هل زى بعض ولا تنصحونى بواحد معين.

ثانيا اقولكم بقى انطباعى عن اول يوم مع العربية و ملاحظاتى عليها

مبدأيا العربية ما شاء الله اختيار موفق جدا الحمد لله و سحبها مرضى جدا و عفشتها كويسة و تكييفها برده كويس جدا الحمد لله و تقريبا مش هغير الفلتر الا لما الحر يشد قوى و احس ان التكييف مش كويس بس اعتقد انه هايسد.

طبعا اهم و احسن حاجة فيها هى علوها الممتاز عن الارض حتى لو اثرت شوية على ثبات السرعة العالية مش مهم عشان انا اصلا مابجريش و جايز ميأثرش كتير انا معرفش و ان شاء الله مش ناوى اعرف.
الميزة التانية الرائعة الصالون التحفة الواسع بجد ما شاء الله و ده عشان الكبوت قصير شوية .

الملاحظات السلبية حتى الان الاتى و يا ريت تفيدونى يا جماعة فى الموضوع ده.

اولا: مافيش عداد حرارة فى لمبة بس بتنور و هى بتنور فعلا نور ازرق و مثلا انهارده بعد ما دورت الصبح على طول نورت شوية صغيرة و بعدين طفيت فأنا متهيألى انها بتنور مثلا لما تكون باردة و تطفى لما العربية تسخن و مثلا لو سخنة زيادة مثلا هاتنورلى لون تانى الله اعلم. افيدونا

ثانيا : العربية بحس انا بتسخن جامد برده يعنى امبارح يادوب خارج من جراج كارفور و وقفت دقايق لقيت المروحة اشتغلت و شوية و يتطفى تانى و لما بفتح الكابوت الاقى العربية مطلعة سخونية جامدة قوى لدرجة انى ببقى مش عارف امسك العصاية اللى بسند بيها الكبوت من كتر ما هى مولعة. على فكرة انا لسة مابصيتش على المية اصلا و ممكن تكون ناقصة لسة هاتأكد

ثالثا : هل الشنطة مابتتفتحش من جوة؟ ولا بتتفتح من الريموت مثلا بدوسة معينة؟ يعنى الحل الوحيد انى انزل افتحها بأيدى بالزرار اللى شبه التاتش ده؟

رابعا: العربية بتتأخر فى التدوير ثانية يعنى التدويرة العادية اللى انا متعود عليها مش بتدورها لازم افضل لافف المفتاح ثانية زيادة و اعتقد انى لما اغير البوجيهات الموضوع ده هايظبط.

خامسا: نور الفوانيس اللى قدام مش شغال غير العالى و الفوجات بس انما اول درجتين فى النور مش شغالين.

سادسا : الاشارة الشمال مش شغالة و لما تشغلها بترعش بسرعة و مش بتشتغل ده غير ان الاشارتين اليمين و الشمال مش بيتطفوا بعد ماتعدل الدركسيون لازم تطفيها بأيدك.

سابعا : كنت عاوز اعرف منكوا هى الهاى لاين بتبقى فيها ايه بالظبط عشان المفروض ان دى هاى لاين
فيها جنط و 2 اير باج و اى بى اس و فوجات و زرار فى الفتيس تقريبا اوفر درايف و معرفش فيها مثبت سرعة ولا لأ و مافيهاش طبعا فتحة سقف ولا طارة مالتى ولا سبويلر.

ثامنا : اخر حاجة هل الجزء البلاستيك اللى فى الدركسيون و الذراع بتاع الفتيس بيتمسحوا بسهولة كدة فعلا اصل هم ممسوحين عندى جامد و باين منهم لون سيلفر و دى الحاجة الوحيدة اللى كانت مشككانى ان العربية ماشية 84 الف كيلو بس.

معلش صدعتكوا و هى معظمها حاجات صغيرة و متهيألى الصيانة هاتظبط الاداء جامد بس بشكل عام الاداء عامة مرضى جدا جدا.

شكرا لحضراتكم

م/ محمد توفيق
01004794446
01205048024

المشاركة الأصلية كتبت بواسطة matawfeek

الف الف شكر ليكوا كلكوا على ردودكوا الجميلة و الله يبارك فيكوا جميعا
و متشكر جدا لنصيحتكم و انا ان شاء الله هعمل بيها


و شكرا يا استاذ شيتوس على الاسعار دى الف شكر

عندى سؤالين بس صغيرين

مبدأيا فين التوكيل اللى اروحله ؟ انا شغلى فى مدينة نصر و ساكن فى زهراء مدينة نصر بس معنديش مشاكل اروح توكيل بعيد بس انا معرفش هى ليها كام توكيل و عناوينهم فين و هل زى بعض ولا تنصحونى بواحد معين.
كده اقرب واحد ليك هو السبع زهراء المعادي
ثانيا اقولكم بقى انطباعى عن اول يوم مع العربية و ملاحظاتى عليها

مبدأيا العربية ما شاء الله اختيار موفق جدا الحمد لله و سحبها مرضى جدا و عفشتها كويسة و تكييفها برده كويس جدا الحمد لله و تقريبا مش هغير الفلتر الا لما الحر يشد قوى و احس ان التكييف مش كويس بس اعتقد انه هايسد.

طبعا اهم و احسن حاجة فيها هى علوها الممتاز عن الارض حتى لو اثرت شوية على ثبات السرعة العالية مش مهم عشان انا اصلا مابجريش و جايز ميأثرش كتير انا معرفش و ان شاء الله مش ناوى اعرف.
الميزة التانية الرائعة الصالون التحفة الواسع بجد ما شاء الله و ده عشان الكبوت قصير شوية .

الملاحظات السلبية حتى الان الاتى و يا ريت تفيدونى يا جماعة فى الموضوع ده.

اولا: مافيش عداد حرارة فى لمبة بس بتنور و هى بتنور فعلا نور ازرق و مثلا انهارده بعد ما دورت الصبح على طول نورت شوية صغيرة و بعدين طفيت فأنا متهيألى انها بتنور مثلا لما تكون باردة و تطفى لما العربية تسخن و مثلا لو سخنة زيادة مثلا هاتنورلى لون تانى الله اعلم. افيدونا
عربيات كتير كده و انا مسترخمها فعلاو لوسخنت هتنور برتقالي

ثانيا : العربية بحس انا بتسخن جامد برده يعنى امبارح يادوب خارج من جراج كارفور و وقفت دقايق لقيت المروحة اشتغلت و شوية و يتطفى تانى و لما بفتح الكابوت الاقى العربية مطلعة سخونية جامدة قوى لدرجة انى ببقى مش عارف امسك العصاية اللى بسند بيها الكبوت من كتر ما هى مولعة. على فكرة انا لسة مابصيتش على المية اصلا و ممكن تكون ناقصة لسة هاتأكد
عادي
ثالثا : هل الشنطة مابتتفتحش من جوة؟ ولا بتتفتح من الريموت مثلا بدوسة معينة؟ يعنى الحل الوحيد انى انزل افتحها بأيدى بالزرار اللى شبه التاتش ده؟
من الزرار بس عشان هاتش باك
رابعا: العربية بتتأخر فى التدوير ثانية يعنى التدويرة العادية اللى انا متعود عليها مش بتدورها لازم افضل لافف المفتاح ثانية زيادة و اعتقد انى لما اغير البوجيهات الموضوع ده هايظبط.

خامسا: نور الفوانيس اللى قدام مش شغال غير العالى و الفوجات بس انما اول درجتين فى النور مش شغالين.

سادسا : الاشارة الشمال مش شغالة و لما تشغلها بترعش بسرعة و مش بتشتغل ده غير ان الاشارتين اليمين و الشمال مش بيتطفوا بعد ماتعدل الدركسيون لازم تطفيها بأيدك.
ممكن نور الفوانيس يكون من اللمبات في بول محروق او يكون الدراع بايظ و ده اللي مبوظ الاشارات كمان ,, الدراع ب 300 جنيه او اكتر شويه في التوكيل و بيركب على طول متقلقلش و اللمبتين مش غاليين
سابعا : كنت عاوز اعرف منكوا هى الهاى لاين بتبقى فيها ايه بالظبط عشان المفروض ان دى هاى لاين
فيها جنط و 2 اير باج و اى بى اس و فوجات و زرار فى الفتيس تقريبا اوفر درايف و معرفش فيها مثبت سرعة ولا لأ و مافيهاش طبعا فتحة سقف ولا طارة مالتى ولا سبويلر.

ثامنا : اخر حاجة هل الجزء البلاستيك اللى فى الدركسيون و الذراع بتاع الفتيس بيتمسحوا بسهولة كدة فعلا اصل هم ممسوحين عندى جامد و باين منهم لون سيلفر و دى الحاجة الوحيدة اللى كانت مشككانى ان العربية ماشية 84 الف كيلو بس.
اي بيتمسحوا على طول
معلش صدعتكوا و هى معظمها حاجات صغيرة و متهيألى الصيانة هاتظبط الاداء جامد بس بشكل عام الاداء عامة مرضى جدا جدا.

شكرا لحضراتكم

م/ محمد توفيق
01004794446
01205048024

باشا الف شكر على الرد السريع ده
للعلم : انا عربيتى نيسان تيدا 2007 اعلى فئة السيدان مش الهاتشباك . عشان كده انا عاوز اتأكد تانى من موضوع الاشارة ده.
بالنسبة للنور . طبعا لما بتفتح الكونتاكت التابلوه بينور. لما بتلف اللفة الاولى للدراع عشان تنور نور الموضع مابيحصلش اى حاجة . تلف التانية عشان النور الواطى مابيحصلش اى حاجة . تزقه للامام ينور العالى. عشان تنور الفوجات لازم تفتحها و تكون لافف الذراع لفة واحدة برده انما لو طافيه خالص ماتنورش.
عشان كده انا كنت عاوز اعرف الفرق بين الهاى لاين و العادى لأن ممكن تكون عادية و هو مركب جنوط فوجات مثلا و لغى النور العادى و هو بيركبهم. و تحديدا التارة المالتى دى كنت عاوز اتأكد في منها ولا لأ ( انا الطارة مش مالتى ).