الموضوع: مشكلة في jetta 2011 dsg

المشاركة الأصلية كتبت بواسطة hosamnasr

انا اشتريت العربية دي من سنة تقريبا كانت عاملة 7000 كيلو كانت زيرو يعني العربية 1600 cc dsg هاي لاين اول ما جبتها لما كنت ادوس جامد واشيل رجلي من على دواسة البنزين الاقي صوت خرفشه قلت اروح للي اشتريت منه العربيه قالي روح التوكيل الموضوع طبيعي وفعلا رحت التوكيل قالي كل حاجه خايف منها انها بترعش احيانا وصوت خرفشه وكل ده طبيعي وعملت صيانه كامله ورجعت دلوقتي الموضوع زاد بشكل ملحوظ بقا في رزعه احيانا و الاصوات زادت لاكن لما بجري مفيش اي مشكله بس بقا يزيد رجه كاني حاطط 80 لما اقرص شويه بعد مطب او زحمة كل فتره بيظهر حاجه جديده اتعقدت من العربيه بصراحه بس العربيه من كل النواحي تحفه ما شاء الله بس كرهتها بسبب الموضوع ده ده غير انها بتسببلي احراج احيانا ناس بتسمع الصوت وتعد تبص هو في ايه لما اعدي جمب حد وكل الناس الي يعرفوني قالو العربيه معيوبة انا بضرب نفسي بالجزمه ان كان ادامي باسات 2008 وبنفس السعر وعامله كيلوات قليله بس اخترت الجيتا علشان احدث بجد نفسي في حل وبالشكل ده مش هتتباع والتوكيل مش هيفيدني بحاجه العربية دلوقتي عاملة 29 الف كيلو وعايز اعرف ده عيب الكلاتشات ولا عيب وحدة الميكاترونك وهتكلفني كام وشكرا.

انا نفسي أشوف الناس اللي عملت ال dsg مش هشتم او اضرب انا بس هسأل سؤال .. الناس الغلابه فمصر حمل فتيس فاشل مش متجرب ف عربيه سعرها معدي 200 ألف ؟ بيقولوا حسنوه ف موديلات 2013 2014 هعرف منين أنا ؟ لازم استني سنتين يا اما ألبس يا اما كلامهم يكون صح

يا باشا معلش متزعلش شوف الكلاتشات البودي زفت فالف الحلو دا وربنا معاك

دي كلتشات غالبا و روح التوكيل واعمل قلق علي امل ان تكون عربيتك معمول ليها recall.

و ياريت تبقي تبعها بعد كده لان العيب نفسه هيظهر بعد مده علي حسب استخدامك و طبيعة سواقتك.

و موضوع انه الاصدارات الاحدث من DSG بعد 2012 مفيهاش مشاكل فده كلام لم يثبت صحته , كله كلام من التوكيل لكن بدون اي دليل.

لما نبقي نشوف حد عمل 100K من غير مشاكل ساعتها نبقي نصدق .

تحياتي

تعالي لاخوك يا باشا D: انا عربيتي جيتا 2011 الشكل القديم 1600 cc انا هفيدك ف كذا حاجه
حكايه الرزعه دي عندي انا وملهاش حل نهائيا ولو وديتها التوكيل هيعملك سوفت وير وهيخفف الرزعه .... انا سألت واحد بتاع جير ف سلطنه عمان وهو مشهور اوي وقالي اتعود ع للرزعه ومفهاش حاجه( يعني انساها) وانا نسيتها وعربيتي دلوقت ماشيه 103 الف والحمدلله
تاني حاجه : معتقدش دي كلتشات لان والد ساعت صيانه 60 او 65 و ودا العربيه للتوكيل وقالولو هنغير كلتشات وغيروها بس هو محسش يالكلام اللي انت بتقوله
تالت حاجه: اتصل بالمانيا وقولهم الضمان فالخليج 5 سنين ع الفتيس واعملهم مشكله واحكيلهم ولو لاقدر الله غيرت فتيس ... اطلب الانتاج الجديد من الفتيس
حضرتك لو عايز رقمي تكلمني واتساب او عاوز تكلمني رسايل خاصه ع المنتدي انا تحت امرك

واعتقد يا باشا لما غيرولي الكلتشات مش عشان بايظه اعتقد عشان يحطولي الانتاج الجديد ( الله واعلم)