مبيعات كسر الزيرو من بيجو 301

**ahmedalian** · 21-05-2014 06:53 PM

السلام عليكم ورحمة الله وبركاته

أنا ملاحظ إن فيه ناس كتير جدا عارضة عربياتها البيجو 301 للبيع، واللافت ان العربيات دي معظمها 2014، كسر زيرو مش عاملة في معظم الحالات 8000 كيلو، وكتير منها اقل بكتير، والحقيقة ده أثار تساؤلي إن كان في العربية شيء هم أدركوه بسرعة وبدري بدري أنا وغيري مش واخدين بالنا منه..

هل لدى أي من حضراتكم رؤية متفقة أو تفسير للموضوع ده؟

**hamaka** · 21-05-2014 08:45 PM

معتقدش انه مؤشر لردائة أى عربية و انما مؤشر لازدياد التعامل التجارى فيها ، كنت فاكر كده برضه فى الأول بس لقيت عربيات كتير منتشرة و سوقها حلو فى مصر زى الفيرنا و اللوجان و معروض منها أعداد كبيرة كسر زيرو على النت ، كل ما زادت مبيعات العربية كل ما هتلاقى كل الفئات فى المستعمل المعروض و بما انها لسة عربية جديدة فا مش هتلاقى منها غير اللى ماشى قليل ، علماً برضه ان فى ناس أكيد بتبيع عن عدم رضا كامل عن العربية لو العيوب اللى ظهرت فيها كانت بالنسبة ليهم غير محتملة زى قصة انتهاء عمر التيل بدرى اللى سمعنا عنها...

**medo_31** · 21-05-2014 09:23 PM

المشاركة الأصلية كتبت بواسطة hamaka

معتقدش انه مؤشر لردائة أى عربية و انما مؤشر لازدياد التعامل التجارى فيها ، كنت فاكر كده برضه فى الأول بس لقيت عربيات كتير منتشرة و سوقها حلو فى مصر زى الفيرنا و اللوجان و معروض منها أعداد كبيرة كسر زيرو على النت ، كل ما زادت مبيعات العربية كل ما هتلاقى كل الفئات فى المستعمل المعروض و بما انها لسة عربية جديدة فا مش هتلاقى منها غير اللى ماشى قليل ، علماً برضه ان فى ناس أكيد بتبيع عن عدم رضا كامل عن العربية لو العيوب اللى ظهرت فيها كانت بالنسبة ليهم غير محتملة زى قصة انتهاء عمر التيل بدرى اللى سمعنا عنها...

+11111111

**gergesgeo** · 21-05-2014 11:19 PM

تقريبا دية عربيات الجيش ..... بيشتروها بالتقسيط و يبيعها كاش

**Ahmed Saad** · 22-05-2014 01:33 AM

المشاركة الأصلية كتبت بواسطة gergesgeo

تقريبا دية عربيات الجيش ..... بيشتروها بالتقسيط و يبيعها كاش

العربيات دي عليها حظر بيع ياباشا يعني صعب تتباع

**nav man** · 22-05-2014 07:23 AM

بيجو الجيش لايمكن تتباع لان عليها حظر لجهاز الخدماتﻻ العامة للقوات المسلحة فمستحيل انة يعرف يبعها الا لو سداد كامل تمنها.لانها مع واحد صحبي.

**medori** · 22-05-2014 09:01 AM

المشاركة الأصلية كتبت بواسطة nav man

بيجو الجيش لايمكن تتباع لان عليها حظر لجهاز الخدماتﻻ العامة للقوات المسلحة فمستحيل انة يعرف يبعها الا لو سداد كامل تمنها.لانها مع واحد صحبي.

يا فندم ماهم بيسددوا كامل التمن عادى جدا بالفلوس اللى بيأخدها منك و يطلع هو مستفيد بفرق السعر، انا شارى واحدة لواحد زميلى فى الشغل من ضابط جيش عادى جدا

**M.Emam** · 22-05-2014 10:22 AM

المشاركة الأصلية كتبت بواسطة medori

يا فندم ماهم بيسددوا كامل التمن عادى جدا بالفلوس اللى بيأخدها منك و يطلع هو مستفيد بفرق السعر، انا شارى واحدة لواحد زميلى فى الشغل من ضابط جيش عادى جدا

هو ايه بقى فرق السعر اللى بيستفيد منه؟؟

**juba1983** · 22-05-2014 10:33 AM

علي فكرة ديه حقيقة معظهما ظباط جيش واي حد جايبها وبيفكر يبيعها بعد ماستخدمها شويه ممكن يبعها بنفس سعر الشراء واكتر لانها بالحجز الان التجار اللي في المعارض بيبيعوها تسليم فوري بفرق اغلي من التوكيل

**smsm2004w** · 24-05-2014 08:19 PM

انا بعتها بعد اسبوعين من الأستلام كانت هاى لاين وخسرت فيها مبلغ والحمد لله قابلنى بعض المشاكل وقفلت من العربية تمامآ وأخدت قرار انى مش هركب عربية جديدة فى السوق تانى لازم تكون عربية ليها قطع غيار وليها سوق وجبت بعديها عربيتين لانسر 2007 اتوماتيك كانت مرفوعة ومش عاملة غير 20000 كم وبعتها لأن كان فيها شغل كتير علشان السيور والحاجات اللى اتأثر فيها من الرفع فلاقيت نفسى هدفع كتير لو صينت فى التوكيل والحمد لله كسبت فيها وجبت فيرنا 2014 زيرو واحمد الله رائعة وسواء هى او الانسر الأثنين كانوا بالنسبة لى احسن من البيجو 301 مش اقصد اهاجم لأنى كنت من ملاكها ومن اشد المتعصبين ليها بس والله والله والله العربية مكنتش مريحانى خالص العربيات الللى كانت معايا قبلها كانت افضل منها ومش هقول انها عربيات جامدة بس كفاية ان كان بينهم 128 البيجو بالنسبة لى فيها مشاكل تصميم ومشاكل توكيل وعربية لما بتصدق اى حاجة علشان تعمل مشكلة