الموضوع: ملاحظاتي عن سوزوكي ماروتي اول 1000 كيلو...ورأي النسور فيها

بسم الله الرحمن الرحيم
حبيت اقدم ليكم ملاحظاتي للعربية خلال الفترة اللي فاتت انا الحمد لله عملت لحد دلوقتي900كيلو وان شاء الله هعمل صيانة ال1000في التوكيل اجربة وبعد كده اشق طريقي برة ان شاء الله المهم
عمال اتصل بالهايكستيب من العصر بيدي مشغول والساعه5كده بيديني الرقم مغلق هحاول معاهم بكرة ان شاء الله وربنا يكرمنا ويردوا
دلوقتي انا كاتب ورقة فيها كل الشكاوي بتاعتي وملاحظاتي علي العربية خلال الفترة دي حابب اخد رأيكم فيها وهي كالاتي :
1-يوجد صوت احتكاك عند استخدام الفرامل
صوت مش عالي اوي بس ملحوظ وبالذات في الفرملة من سرعه التهدية يعني بحس انه جاي من العجله اللي وراء
2-يوجد عضه عند استخدام المارشدير
مش ديما ساعات بيركب علي طول علي الرغم اني بدوس دبرياج للاخر بس ساعات يركب بسهوله وساعات ميركبش من اول مرة وبيبقي موقف بايخ جدا
3-يوجد صعوبه عند اطفاء السيارة ومحاولة تشغيلها بعدها بوقت قليل بتدور بعد مرتين ولا ثلاثة
لازم ادوس بنزين مع التدوير وادور مرتين ولا ثلاثة عشان تدور مش عارف ده صح ولا غلط بس يمكن تطنيش هذا العيب ان لم يكن له اي ضرر علي العربية
4-التسخين بياخد وقت شوية يعني عبال ما العرلامة توصل للc بتاخد ييجي3 الي5دقايق
يمكن تطنيش هذا العيب ان كان هذا شئ طبيعي مش مشكله نصبر عليها تسخن براحتها
5-جلد الباب غير محكم التركيب وجلدة الباب الامامي يمين بتتخلع من مكانها كل شوية
بيقعد كل شوية يطلع من المجرب بتاعه واركبة تاني حاجه غريبة امال بعد سنة هيعمل فيا ايه
6-ضبط العربية علي بنزين 92 افضل ضبط لتوفير استهلاك البنزين
العربية الحمد لله بتعمل 12 الي 13 كيلو في اللتر ونص مشيي جوة البلد في الزحمة ونصه علي طريق مفتوح بس فيه مطبات كتير الحته دي انا مقلق اقولهم عليها لان معظم الاعضاء هنا بيشتكوا ان التوكيل بصمجي في ضبط الكهرباء وديما بيلعبوا فيها ويبوظوها فلو ظبطة الكهرباء دي هتوفرلي شوية في البنزين اكلمهم فيها لو كده كويس يبقي انفضلهم
7-ترصيص وضبط زوايا
العربية الحمد لله مبتحدفش وممشيتش علي سرعات عاليه عشان اعرف بترعش ولا لأ بس كذا واحد قالي اول لما بتشتريها لازم ترصص وتظبط زوايا ايه رأيكم
دي الملاحظات اللي لاحظتها علي العربية خلال الفترة دي
فانتوا ايه رأيكم في الحاجات دي اخليهم يعملوها كلها ولا ايه النظام

المشاركة الأصلية كتبت بواسطة lidosasa

النقط 2 و 3 و 4 مش حتلاقى ليهم حل فى التوكيل لأن العربية نازلة كده أصلاً وخصوصاً موضوع عضة الفتيس دى عيب فى الماروتى بصفة عامة بيخف لوحده مع إستخدام العربية .
النقطة 5 دى تعتبر من ضمن عيوب التقفيل اللى فى الماروتى واللى زى ما الكل عارف تقفيلها سىء جداً لكن ممكن تتعالج فى التوكيل
ضبط الكهربة سهل مفيش فيه مشكلة ولو قلقان من التوكيل شوف ميكانيكى شاطر يضبط ليك كهربة العربية بعد صيانة الألف
وطبعاً شىء اساسى إنك ترصص وتظبط زوايا بس مش حتلاقى الحاجات دى فى التوكيل ممكن تعملها بره وهى بتحسن فى أداء العربية بصفة عامة

شكرا جزيلا علي الاهتمام والرد الرائع متميز دائما يا كبير:018a1d~146::018a1d~146: