الشكمان فى دايو لانوس

**samehenany05** · 22-05-2014 11:57 AM

فى الشكمان من تحت اللى بعد المانيفول على طول علبه صغيره شكلها زى الشبكه الميكانيكى بيقول عليها السوسته عندى الشبكه دى زى متكون مفككه من بعضها ولما بزود بنزيين بيبقى صوت الماتور عامل زى التربوا

هى بتتلحم ولا بتتغير وسعرها كام والمصنعيه كام

**lutenit030** · 22-05-2014 01:43 PM

تقريبا ب 120 بالتركيب بس خلى بالك مش معنى ان الشبكه مقطوعة يبقى لازم تغيرها، المهم السوسته اللى تحت الشبكه تكون سليمه لو الشبكه مقطعه و مفيش منها امل شيلها خالص بايدك مش حتفرق معاك ة بص على السوسته ممكن يكون العيب من حته تانيه او ممكن يبقى شرخ صغير يتلحم و خلى بالك من حاجه ان اى واحد بتاع شكمانات بيقولك على اى حاجه بسيطه عندك بايظه و مفيش منها امل حتى لو اصلاحها ساهل و مجدى عشان يبيع قطع الغيار اللى عنده فمتصدقش اى كلام يقولوه علطول

**a_mohamedsamir** · 22-05-2014 05:09 PM

السوسته بتتغير مش بتتصلح
سعرها فى حدود ٩٠ + مصنعية التركيب
لما تغيرها حتحس بفرق فى الصوت والسحب واستهلاك البنزين

**samehenany05** · 24-05-2014 12:16 AM

شكرا على الردود ان شاء الله بكره هروح اكشف على الشكمان واشوف الدنيا فيها ايه

**samehenany05** · 24-05-2014 06:27 PM

رحت انهاردها لقيت السوسته بايظه وقالى الاصلى ب 150 ج قلتله السعر غالى قالى فى مصرى ب 60 من غير المصنعيه بس بيقولى مش هتعجبك وهتبوظ بسرعه المهم لقى عنده واحده مع الماسوره اللى طالعه من الماتور لأن اللى عندى كان فيها شرخ بعد المثلث اللى بيمسك فى الماتور المهم غيرهم ولحم وخد 70 ج والصوت فرق طبعا