بخصوص الكاوتش والبلف !

**دينا** · 22-05-2014 03:51 PM

السلام عليكم ورحمة الله وبركاته

ياجماعه من فضلكم انا رحت عند بتاع الكاوتش ازود هواء راح قالى ان

البلف اللى ورا للفردتين محتاج يتغير انا طبعا اول مره اعرف الحجات دى

العربيه لسه جديده ومعرفش المهم قعد يقولى اسعار وفى الاخر استقريت

انى هغيرهم الاتنين ب 30 جنيه وظبطلى الهواء على 30 انا قريت هنا ان المفروض 27

وقولتله وهو قاوح معايا ومصمم ع انو التغير على 30 اعمل ايه دلوقتى وسعر البلف كدا

صح ولا لا هو قالى انو معدنى وبيتركب بصاموله المهم ان بابا ميعرفش ان غيرته

وقالى دول كدابين وهما بيحبوا يستغلوا البلف بتاعك لسه بدرى عليه لان العربيه مكملتش سنه

ياريت حد يفدنى العربيه عامله 2800 كيلو ومكملتش لسه سنه انصحونى بقا اعمل ايه

ولو فى صيانه كمان وكدا ربنا يكرمكم

**windofchange** · 22-05-2014 03:58 PM

بالنسبة لضغط الهواء المفروض تظبط زي مالكتالوج بيقول او زي مامكتوب في قائم العربية او باب تانك البنزين...اما البلف اعتقد سعره مقبول الكاوتش العادي يعمله 10 ج بيحصل فيه غش او استغلال..ايوه استغلك ولا لأ بتاع الكاوتش الله اعلم ممكن كان محتاج تغيير فعلا

**shiko85** · 22-05-2014 04:26 PM

المشاركة الأصلية كتبت بواسطة دينا

السلام عليكم ورحمة الله وبركاته
وعليكم السلام ورحمة الله وبركاته
ياجماعه من فضلكم انا رحت عند بتاع الكاوتش ازود هواء راح قالى ان البلف اللى ورا للفردتين محتاج يتغير انا طبعا اول مره اعرف الحجات دى
العربيه لسه جديده ومعرفش المهم قعد يقولى اسعار وفى الاخر استقريت
انى هغيرهم الاتنين ب 30 جنيه وظبطلى الهواء على 30 انا قريت هنا ان المفروض 27
مش اتغيروا خلاص ؟؟ مش مشكله لو هو نصاب حسابه عند الله بس بلاش سوء الظن
المشكله ان ضغط الهواء كده كتير لان الضغط هيزيد تانى من الحر

**دينا** · 22-05-2014 04:49 PM

ازيك ياشيكووووو

اه انا غيرتهم خلاص بس يعنى كنت بطمن

ليكون القديم نضيف يلا عند ربنا

يعنى انا اروح دلوقتى عند حد تانى واظبط الهوا

**shiko85** · 22-05-2014 04:56 PM

المشاركة الأصلية كتبت بواسطة دينا

ازيك ياشيكووووو
الحمد لله تمام, انتى اخبارك ايه ؟؟
اه انا غيرتهم خلاص بس يعنى كنت بطمن
ليكون القديم نضيف يلا عند ربنا

يعنى انا اروح دلوقتى عند حد تانى واظبط الهوا
كلهم زى بعد, مفيش بنزينه فيها مقياس هواء ديجتال قريب منك ؟؟
ممكن تقولى لبابا يقلل شويه هواء من الكاوتش و خلاص

**دينا** · 22-05-2014 04:59 PM

الحمدلله تمام زى الفل

خلاص هنزل اشوف موضوع بنزينه ديجتال دا

**shiko85** · 22-05-2014 05:04 PM

المشاركة الأصلية كتبت بواسطة دينا

الحمدلله تمام زى الفل

خلاص هنزل اشوف موضوع بنزينه ديجتال دا

تمام, و بعد كده اتعاملى مع بتاع كاوتش اللى فاتح فالبنزينه مش اللى فاتح محل و لو عندك بنزينه وطنيه اتعمالى معاهم احسن فكل حاجه

**A.Saad** · 22-05-2014 06:18 PM

http://www.nilemotors.net/Nile/412430-a.html

http://www.nilemotors.net/Nile/246025-a.html

http://www.nilemotors.net/Nile/322536-100.html

**A.Saad** · 22-05-2014 06:23 PM

لو مشيت اكتر من 2 كم
الهواء فى الاطار بيسخن ويتمدد
وبالتالى بيكون القياس غير مظبوط
بتوع البنزينات اغلبهم حرامية
الافضل انه يكون محل ثقة قريب من البيت

**lidosasa** · 22-05-2014 06:31 PM

خلاصة الكلام لو عايزة تظبطى الكاوتش الظبطة التمام
عند أى بنزينة فيها نيتروجين ... يفضى ليكى الكاوتش تماماً ويملى نيتروجين بدل الهوا العادى والفردة بتتكلف من 3 إلى 5 جنيه ...
ليه مميزات كتير جداً ومنها 1- ضغطه ثابت بغض النظر عن حرارة الجو لأنه غاز خامل لا يتأثر بالحرارة 2- مفيش فيه بخار ميه فمش حيخلى الجنوط يصدى 3- الفردة بتحتاج تتزود كل فترة طويلة نسبياً ممكن 3 اسابيع أو شهر أو أكتر حسب جودة الكاوتش غير الهوا العادى اللى عايز يتزود كل يومين 4- دايماً ميزان ضغط الهوا بتاع النيتروجين مظبوط غير بتاع الهوا العادى اللى يقرا 30 والفردة فيها 33 أو 35 ..... لكن عيبه الوحيد إنك مينفعش تزودى هوا عادى على النيتروجين فلازم يكون فيه حد بتاع نيتروجين قريب منك عشان لو حبيتى تزودى هو يكون قريب منك والفردة بعد كده بتتزود ب 75 قرش أو بجنيه

الموضوع: بخصوص الكاوتش والبلف !

LinkBack

أدوات الموضوع

عرض

-

-

-

-

-

-

-

المواضيع المتشابهه

بخصوص الكاوتش

طلب بخصوص الكاوتش

سؤال بخصوص الكاوتش ؟؟

استفسار بخصوص الكاوتش

استفسار بخصوص الكاوتش واخر بخصوص البوجيهات

الكلمات الدلالية لهذا الموضوع

المفضلات

المفضلات

ضوابط المشاركة